要黎o既都係要黎，強制驗窗終於殺到黎我地呢邊，
舊居o既鐵窗唔合規格實屬意料中事，
但突然要出一筆錢呢D無妄之災點都肉赤。

原來負責驗窗o既並唔係房屋署直屬人員，
而係外判比D裝修公司，驗埋整埋一條龍服務，
驗完條友報價要兩萬幾，都真係幾金！
好話唔好聽個價任佢開o既，佢係唔係都話唔合格，
就大把生意啦，又話要搭棚，講起就把扯火！
查實對面座大廈做緊外牆翻新工程，
係唔係都搭左棚，所以佢地衣家整窗就慳番筆，
我地呢邊都應該就快翻新，好衰唔衰家下黎驗窗，
頂佢！即係要硬食個搭棚，仲話要一個月內答覆，
等大廈翻新一次過整埋丫嘛，D裝修公司緊係笑晒啦，
佢地恨不得你呢頭拆完棚果頭又搭過收兩次錢呀！

亞媽問過街坊佢地都無咁貴，都係搵第D師傅格格價，
再睇下用邊個整，唔一定要用驗窗果條友。

睇RO神裝妖術過吉芬魔法大賽o既影片，
BGM一聽鐘情，留言問作者係乜歌，
等左幾日終於答覆，原來係德瑪西亞，
應該係LOL主題曲(無玩開LOL唔清楚)

我一向buy尾浦由己果D歌，夠波蘭壯闊，
呢首風格唔似由己果D，但都夠壯志激情，
旋律已經一流，睇埋歌詞更加熱血，
響腦海中不斷replay。

維修完妖術就轉唔到魔，咒術仲慘，打完怪D怪唔肯死，
仲有劍士快速回復同主教個淨化都short埋，
雖然話只係顯示問題，但都嚴重影響手感！
咁大問題諗住佢緊急熄機搶修啦，點知到衣家都未解決！
唔係諗住等到下星期維護先肯搞呀fa？咩態度呀？
維護完妖術出事都唔係第一次，記得有次維護完，
妖術D自然波去到某D版圖無攻擊判定，哇咁仲洗玩？
果次好快熄機搶修，不過呢次就置之不理。

OK便利店一向買點數唔送印花，買親點都會揀些粉，
但衣家連7-11買點數都無印花，要草印花就更難啦。
咁又係o既，買點數都有印花不如8達通增值都送印花？
(雖然唔知7-11收幾多傭，可能100蚊點數7-11收10蚊)
聽講OK便利店連買煙呀酒呀都無印花，咁就苛刻D，
靠買幾包薯片草印花，買到塞爆衣櫃都未換到公仔啦。
不過對我黎講問題唔大，我一向都懶得換公仔，
D印花都係送比朋友多，平時買親都3百幾個印花連住，
數都有排數，過左期o既印花我都係當佢貼紙用，
寄信比人果陣用黎貼住信封口一流~ XD

大6劇向來無論選角、背景、音樂都極之老土，
又唔知點解十套有九套都係以二戰打日軍為題材，
我明係要人民勿忘家仇國恨，都唔洗套套都抗日假？
唯一比較見得人o既就係古裝片/武俠片，
果D咩野雍正皇朝、甄環傳質素甚至稱得上出色，
最近播套叫藏經閣o既武俠片，咁我呢個武俠廚又睇下啦，
估唔到古裝劇都要滲入打倭寇(日本仔)o既梗，
個故事都係走日系熱血少年動漫果D flow，
即係個主角乜都唔識無端端一步登天習得蓋世武功，
跟住又開埋後宮，呢D flow其實響金庸筆下作品都常見，
本來當係睇下D皇道劇情輕鬆下都無壞丫，
但套野勁多低能情節，越睇越覺得侮辱自己智慧果隻囉，
中間D橋段唔浪費筆墨(?)去講，例牌又講結局，
最後大佬居然因為唔信枝大砲有料到而企定定被射死，
咁死法...係就係估你唔到，係估唔到咁硬膠囉！
寫劇本條友個腦係咪裝屎架？咁都比你諗到？

每次首播完場(係呀，大6電視台同1集1日播幾次架)
都搵套戲D演員著住衣家D衫講解番套戲相關o既補元，
咁做其實一下子將觀眾拉番出現實，好破壞氣氛，
膠劇算啦無乜所謂，其他科幻片就唔好黎呢套啦！