原來對上1次年廿八剪頭髮係2012年，
趁今日天氣和暖趁新年前剪1次頭髮，
不過之前整窗口執過D衫(廢事食塵)
平時冬天著去剪髮果件長袖衫搵唔番，
就咁著住件夏天短袖T-shirt出街，
仲要剪髮之前先走去郵局寄賀年卡，
再落埋馬會買6合彩，都唔覺特別凍，
收錢果陣要額外加30蚊，明o既明o既，
新年貴D丫嘛，咦睇番2012年果篇，
果陣店外仲貼住新春期間價錢照常喎。
(同3年前都係同1間salon同1個師傅)

剪完髮番屋企沖埋涼，都OK無流鼻水，
證明查實呢D天氣著夏天衫無問題 XD

話1齊打MHFG話左1個禮拜，到今日先正式1齊打，
佢已經自己升到HR400，本來諗住幫佢打HRP任果D，
點知今個星期維護真係無左，只好幫佢打下剛種怪，
同埋刷剛票，兩個開晒VIP平均每場都0針到5針，
我係衣家上下位百位先有能力帶下佢/扶佢一把，
以前MHFO佢都幫我唔少，家陣叫做有機會報下恩，
遲D打G位果D我自身都難保 XD
不過佢都係鐘意自己一個自閉唔多想領我情。

黎緊星期一又維護，到時有咩野新手獵人大躍進活動，
可能又經驗加倍之類，到時佢就可以火速衝上G位。
(諗起我正式衝等果陣錯過呢D經驗加倍活動，飲恨呀)

每逢情人節，facebook就1堆咩去死團、毒L圖，
好似響度發悔氣，但留意下出呢d圖o既人，
多數都係有伴侶、有拖拍，所謂崩口人忌崩口碗，
真正毒L反而無出聲。話情侶可惡果D就係情侶，
其實佢地心裡暗爽，擺明曲線潤下D單身族，
都幾克人憎下。

響類似新居樓下果D休憩空間，
我湊住個疑似係我個仔o既物體，
(等等，咁老婆係邊個？！ 囧)
仲係BB黎，我媽就幫佢改名，
叫畾敏，腦海浮現「畾」呢個字，
夢入面發音係讀「慧敏」，
現實我係唔識讀「畾」字，
上網查左發音先知係讀「雷」，
仲以為夢入面會讀o岩個音添 XD

呢個世紀婚禮佔領當日各大報章頭版，
1睇標題，周懂崑凌童話式婚禮之類，
第1時間就諗佢響崑凌呢個地方設婚宴，
之後先知原來崑凌係佢老婆個名 XDD
咁似D大6省份名o既？(會唔會真有此地？

崑凌1夜間成為中港台3地女生o既公敵，
有人會問點解崑凌可以？佢配咩？老實講丫，
我都覺呢個崑凌乜水呀？完全未聽過，
堂堂天王巨星配偶唔係應該有咁上下份量咩？
(事實上又唔多係，你睇劉華果D)
收音機話，崑凌只係響適當o既時候出現，
如果佢十年前出現，周懂當時事業如日中天，
兒女私情放埋1邊，都唔會show佢。

身份都係問題，如果周懂搵著個天后級o既，
1黎即使強勢如周懂都未必完全壓得住，
咁兩個咁高份量o既1有咩衝突就爆煲啦，
衣家個崑凌無乜份量乜都順晒周懂，
咁就唔易出事。2黎天后都有佢自己事業，
周懂想成家立室，天后又未必甘願放棄名利，
所以徐若宣、蔡依林呢D都只係過客，
同天后又唔係未玩過，試過晒啦，
有時男人要o既野其實好簡單之嘛。
想做天后定係做周懂老婆？自己揀。