食飯時通常會創作一D短篇故事，
有時諗到D熱血o既題材會異常開胃。
唔好話我諗親都係打打殺殺，臨近歲晚，
今餐黎個有新年氣氛(?)o既故事應應節 XD

有個年紀比較大o既有錢佬，
無結婚無仔無親戚，D錢多到用唔晒，
又信唔過D慈善基構所以唔會捐錢，
以其捐左出去都唔知D錢用左去邊，
不如自己親自做善事，咁肯定幫助到人，
諗到個好好玩o既概念，就係高空派錢，
就快新年，一於化身真正o既財神爺，
有錢佬拎5億唱做50萬張1千蚊紙，
坐直昇機響銅鑼灣上空開大喇叭播財神到，
「財神到，財神到，好走快兩步~」
有錢佬拎起一疊一疊錢好似耍契錢咁掉落去，
銀紙如飛霜飄散，途人紛紛執錢，
渣緊車o既司機唔理交通燈號落車執錢，
港女、師奶放低晒購物袋執錢，
街舖職員唔緊守工作崗位走出去執錢，
快餐店食客食到一半未埋單都衝出去執錢，
渣拐杖o既公公婆婆都忽然好腰力烏低身執錢，
場面一度混亂，有錢佬就係想睇D人o既反應，
仲派幾個手下混入人群中拍攝地面情況，
其實個有錢佬仲準備左5份大禮，
只要響拍攝影片中發現好淡定無執過錢o既路人，
就額外送佢1億現金，名額只有5位，
超出5位就會以抽籤形式決定邊個先係幸運兒，
不過翻查錄像後，符合得獎條件o既只有3位，
1位本身都係有錢人視錢財如糞土，都唔希罕，
1位係輕度弱智o既病患者不知錢財為何物，
1位係怕執左錢會奶野o既怕事之人，恭喜你，
你就係大獎得主，1人獲得5億獎金。

食飯時通常會創作一D短篇故事，
有時諗到D熱血o既題材會異常開胃。

廣告畫面出現一位空手道達人，無堅不摧，
木版、鐵通、石頭通通可以一擊破壞。
好多人覺得呢個廣告誇張失實一笑至之，
一位黑道大佬坐監，佢忠心手下為左救佢，
去拜空手道達人為師，呢位手下天資聰敏，
係習武奇才，不出幾個月就習得呢種武藝，
專登犯法比人判入去監獄去救老大，
老大愁眉「連你都入埋個堂口仲有邊個睇住？」
手下話「放心啦，我一定救到你出去！」
佢地先視察監倉內地理環境部署行動，
趁夜晚戒備無咁深嚴，就一拳打爆個鐵閘，
然後帶佢大佬走出外面，守衛聞聲而至，
佢續一擊破，然後走到埋牆一拳打爆，
逃脫出建築物外，亦有唔少囚犯跟埋走，
同D下屬裡應外合，出面準備好van仔離開，
亦準備多幾架載埋其他囚犯令社團多左D新血。

警方睇番閉露電視都感到驚訝，
居然徒手就能破開銅牆鐵壁，
諗起空手道達人個廣告，就上去佢武館，
請佢番差館問話，想查探犯人下落，
達人唔知佢地去左邊，警方覺得佢知情不報，
就拘留佢超過48小時，呢位達人見唔對路，
覺得自己無犯錯，無必要比警方扣留，
於是又破開鐵閘離開，警察慾加阻止，
達人霸氣道「呢個世上無人能夠阻止我！」
然後堂堂正正步出正門，眾多差佬都押佢唔住，
用手扣扣住佢亦一chok即斷，警方束手無策，
只好叫「你再敢行一步我地就開槍！」
達人並無理會繼續前進，警察只好開槍，
只見連子彈都打唔入佢肌肉傷唔到佢分毫，
達人完全無視警方行番自己武館。

呢個消息上晒各大報章頭版震撼全港，
自此空手道達人o既武館桃李滿門。

食過晚飯後友人提議去按摩，搵左間港島最貴o既桑拿，
點知禮拜1晚入到去接待處都話技師已經full晒，
話最快要等1粒鐘，我friend就微訊佢跟開果位技師，
book左之後就入去裡面沖個涼食D野hea陣，
原來果度係任飲任食，早知頭先就唔食晚飯啦。

我按唔慣，要個細力D o既技師，
然後攤響張床度比個技師由頭按到落腳，
亦試過叫佢踩背，如果我翻1翻身個技師咪會跌落床？
唔會o既，因為佢係渣住天花版兩條扶手先踩背，
1路按1路聽到友人響隔離房同佢果位技師傾計，
我都問下個技師野，例如佢原來只係做左1年，
平時佢都會去第2D桑拿做按摩，咦點解唔搵同事按？
佢話同事按都要收錢，唔係掛？話晒1場同事丫。
又話好多名人都黎佢度做，例如張智霖、陸永等。

按完1次之後就會茶D香薰油再按第2次，
然後再反轉按埋前面胸部、腹部等位置，
按完前面時間都差唔多，總共係個半鐘，
費用係468蚊加200蚊貼士(最低消費)實收668蚊，
呢200蚊小費係無列明o既，只係所謂佢地o既行規，
個技師都話過佢每做1單人工只係60蚊，
係靠代資(貼士)搵食，友人同個技師熟比300貼士添。

按完之後沖番個涼再響果度叫個餐蛋出前1丁，
又未至於有種身心舒暢或全身鬆晒o既感覺，
咪又係咁，同無按無乜分別，只係有小小疲倦。

我究竟係咪玩緊剛(X)進擊之巨人？
整左兩粒體術珠G開左格鬥王之後，
空戰真係易好多，真係變左調查兵團，
米住，MHFG真係有調查兵團裝(未開放
到時真係個個兵長上身囉，老山龍係巨人？
又或者似玩緊同廠o既Devil May Cry囉，
渣平時D武器，大劍呀太刀呀長槍果D，
都仲係現實世界人類做到o既動作，
渣穿龍棍就變左超人，總之就爽 XD

最近進度，套入門GF升盡左(唔升GX住)
塞晒10粒蠻龍劍珠GF，再塞兩粒體術珠G，
兩粒急躁珠G，1粒仙人珠G，
chok左11技能，都算係見得下人~

天翔棍升到Lv17，攻擊力仲係差過試作棍，
照咁o既走勢睇怕升到Lv20都唔會高過試作棍，
只係純粹靚，視覺先決 XD

最近總算上晒軌道可以放慢腳步，
連VIP都唔包住慢慢玩 XD

大家有無諗過廁所版上面果塊蓋用黎做乜？
有o既，之前番工唔夠訓呢入廁格叉叉電，
都會衾埋個廁所蓋先坐上去閉目養神o既 XD
1個電台節目改變左我咁多年黎o既生活習慣，
都係聽大家真風騷講過，其實沖廁果陣，
有好多細菌fing出黎，然後散播響空間，
所以塊廁所蓋就係用黎比你沖廁果陣衾住，
唔好比D細菌飄出黎，為左衛生著想，
我最近都習慣左衾住個蓋先沖廁。