又係趁維護時間寫下狩獵生活，其實係升到唔知5百幾十，
不過HR呢D野仿如過眼雲煙所以無認真記住，
玩左1個禮拜HR已經超越左以前玩大半年o既進度，
無記錯以前都只係玩到HR3百幾，總之1定未有秘傳。

不過依然係走左好多冤枉路，唔係o既話應該仲快，
錯過左報酬增幅就算啦，原來仲有公會推薦信，
帶住出任每次再多4千經驗，我都係到HR幾百先知，
然後衣家D推薦狀多到G位都未必用得晒，
HR500之後又送公會特別推薦信，1場兩萬經！
呢幾日打HRP大量冰弧龍打到嘔，係上SR後，
多左天之型玩，叫做有D新鮮感，應該會刷得舒服D，
開HC模式再拎把唔超過秘傳書稀有度適正等級武器打，
經驗再多3倍，打1場經驗冰狗SR經驗可以有18萬！

某大討論版無乜詳細教人衝等(只會係咁耳講下)
加上果度D人唔主張新手衝上G位變3貓地雷，
(老米唔抵得D新米咁快同佢平起平座無優越感啦)
係度綜合1下目前我已知o既最有效率衝等方案：

由HR1開始，首先包VIP(有3倍經、傳賴、長期減傷70%)
有狩魂包o既就用果套兔仔裝，無o既話HR3打萌芽武
HR11後刷HRP大量毒怪鳥或鬥技場櫻火
有公會推薦信就用晒佢，反正唔用都係擺倉阻訂
集滿印花可到武器店同條女領推薦信
HR到特定等級獵人導引又會送大量推薦信
HR31後刷HRP大量鬥技場蒼火
HR51後刷HRP大量鬥技場冰弧龍
HR500前組街團有藍字人再多1.5倍經驗
唔洗煩缺錢，波爾多票券多到可賣幾百萬(獵人導引又送)
剛票都唔洗煩，獵人導引又送50張
我到HR500都仲係著住套跳緋F裝同萌芽武SP7...
HR500後裝秘傳書開HC拎低rare武打任又多3倍！
唔洗整HC武器(爭D諗住整又浪費時間刷HC素材)
我求其整左把SP1武，打1兩場就升到SR100，
SR100時HC適正可用rare10武，把萌芽SP7就係10，
果把求其用住先o既SP1武又放入雪櫃啦...
講到HR500先，之後o既路我仲摸索階段，
有心+識得玩，應該兩星期內HR999+SR999唔係問題。

今時今日MHF個等級範圍大左(HR、HC、G)
只要你唔係追住個大勢玩，要組街團變相難左，
你刷HR冰弧時人地組HC冰弧，你到SR時人地組G團，
唔似得以前FO年代，大家都柱-3、卡剛票棘，
好在家下整左D傳賴同兩個NPC幫打，自閉都湊夠腳，
衣家覺得D NPC比玩家可靠，組過街團D友仔係咁3貓，
街團打弩岩龍未試過過到，大佬呀每場要1張剛票架！
自己同NPC打反而叫做穩定過到。

食飯時通常會創作一D短篇故事，
有時諗到D熱血o既題材會異常開胃。

某國政府要比D顏色敵對國家睇，
又唔想比人知係佢地做引發戰爭，
於是用別開生面o既襲擊方法，
搵全國頂尖基因生物學者製造怪物，
呢D基因學者設計怪物時無乜靈感，
本身係芒亨愛好者，就參考芒亨魔物，
芒亨魔物設定上有完善o既生理結構，
無論骨架、關節、動作都符合物理法則，
慳番唔少功夫去矯正唔合邏輯o既模組，
整整下直情全隻抄落黎唔洗煩，
所以就整左隻雌火龍出黎，
然後靜雞雞放到敵對國家鬧市上空，
雌火向敵國亂噴火球、又出火車，
敵國人民驚慌走避，傷亡慘重，
破壞唔少建築物，敵國派出軍隊應對，
出動坦克、火箭砲掃射後終於順利討伐，
全球新聞亦有呢單魔物襲擊鬧市o既報導，
日本人民睇到該消息亦感到雀躍，
無諗過呢D魔物響現實世界真係存在，
想組團過去狩獵，芒亨乃全球性o既遊戲，
敵國都有玩過，亦認出該魔物出自芒亨，
質疑究竟係咪芒亨製作人從唔知邊D古遺跡，
認知呢種生物所以放入遊戲，定亦或原創，
於是派出FBI到該遊戲生產商調查，
該製作人否認同襲擊事件有關，亦感到驚訝，
明明係自己原創o既虛構生物，
點會響現實出現，肯定有人照抄製造出黎，
如果查出邊個整出黎，定必追討版權費。

趁維護寫下感想，無錯用左幾日已經升到HR40，
以前好似都玩左個月先到HR40，不過我肯定升慢左，
因為要升套跳緋裝要刷好多血尿尖爪耽誤唔少時間，
浪費左報酬增幅祭o既衝等黃金期，
原來今日維護就完左，早知呢幾日喪衝Lv先啦。
不過都係唔知頭唔知路走左唔少冤枉路，
以為白手起家1樣可以秒衝百位，薯不知1D都唔易，
好後悔無用到套課金兔子裝，又搶唔到限時吟遊裝，
睇黎同穿龍棍o既距離又遠左1大步~ sosad

RO都係咁，第1隻回鍋角色都玩得比較耐，
之後開始知道行邊條路最有效率兩3日就3轉到。
(用傭兵刷歐洞然後洗豬毛到古1團練之類)
講起RO因為MHF呢幾日都無乜點開過添，
都係想快D到位之後就可以放緩步伐。

仲記得以前HR40個官方試要打老山蟹，
果陣蔡記上我屋企幫我手過，仲要單人用太刀過，
以當時o既弱裝做出好多人都話無可能o既創舉，
好可惜又無拍片又無剩邊個知？衣家個HR40試，
變左打雌響狼1隻，以前我HR40果陣未開響狼啦，
零晨兩點幾開左任之後諗住執下D補品，點知有人join，
都未執完就齊人，零晨兩點喎，D玩家真係熱心XD
唔係打雙狼其實都唔係好難過，零針搞掂。
其實打到HR40呢個係第1次同玩家打任，
係呀，我玩左40個HR都係自己同電腦NPC solo，
唔知仲可以solo到HR幾呢？ XD

另外試過用macbook air玩左陣，都非常流暢，
手感仲順過RO，以前用舊果部HP電腦玩超lag。

唔好意思，全套劇除左陳研希之外其他演員都up唔出名，
所以呢個神鵰ver以佢黎命名確係當之無愧 XD
不愧為金庸神作，每次播親電視劇版都好take到我focus，
不論雪山飛狐、天龍八部都令我有意慾追落去，
可惜D大6電視台播放無序，上星期明明睇到佢地入絕情谷，
做到出番黎，隔左幾日後又做番之前入絕情谷o既劇情，
想點呀？同1集1日又播唔知幾次，定係唔同台唔同進度呀？
咁又係大6有時同1套甄環傳兩個台同期唔同步咁播，
尋日睇A台甄環做左太后，今日睇B台甄環都仲係丫環，
可能神鵰都係咁，之前睇個台同今日睇個台係唔同，
真係令人無所適重(其實係睇開邊個台都無乜印象 XD)

又扯遠左，講番正題，呢套陳研希版都比網絡嘲笑過1排，
又話佢氣質唔配不食人間煙火o既小龍女，包包面之類，
D人又搬出2006年劉亦菲版小龍女黎比較云云，
其實我的確覺得陳研希個姑姑樣唔夠冰雪聰明、天仙下凡、
唔夠cool，但又好可愛喎，萌版小龍女又別有1番風味丫，
佢對過兒果種關愛放閃真係融化我個心，好sweet，
1直都覺得小龍女係聖女，做咩都係正確無誤，
呢個小龍女就蠢蠢地，嬲起上黎仲有D似細路女，
而且睇佢為救楊過而做壞事果個無邪氣o既奸笑樣，
完全將反差萌表現得臨離盡致！如此聖潔o既女神，
居然偷走黃容個BB，你話幾有睇頭？ XDD

1向鐘意聽離奇古怪神秘野o既我最近又有好節目，
就係dbc旗艦台o既黑森林，呢個類似摩星嶺4號咁，
開放式題材，可以講鬼、兇殺案、精神病、玄學等，
而之前東頭灣99號o既花家姐(應該係)都有份主持，
視像直播仲見到花姐個樣(之前東頭灣佢堅決唔上鏡)
其實佢個樣唔差丫，如果佢響日本好有做聲優潛力，
之前聽佢聲演案件，可以1人扮亞婆、少女幾把聲，
扮得唔錯，不過最近dbc又開始想搞會員制先有重溫，
好怕佢又學d100咁收費先有得重溫，到時就唔洗聽。
係咪花家姐去親邊個台就邊個台要搞收費制？咁邪？
唔係果小小錢比唔起，而係唔用信用卡就無渠道比，
我向來都唔用亦都信唔過信用卡系統架嘛，
如果佢有得好似網遊咁mycard增值我都會比。