唔知點解呢首歌最近響台灣hit起(番港應該無乜人聽過)
首歌又未至於難聽o既，好唔好聽就見人見志啦，
不過唔明點解會hit姐，可能要拜D網絡美女翻唱掛？
search過個官方MV(?)黎睇，真係極度9唔答8，
又男扮女又赤裸(有打格仔)跳舞然後又變人魚又戰爭，
真係痴膠花，總之就係莫名其妙啦。

另外一首又係台灣hit起番港無乜人識o既小雞嗶嗶，
老實講呢首野聽落幾盞鬼，唱果個仲要好高技巧，
要類似根岸果D一秒講十次強姦o既口才先唱得到 XD
見議大家想聽去youtube search卡通版MV黎聽，
唱得好D公仔又得意，另外仲有網絡美女翻唱版，
條女唔係樣衰o既，不過見佢做D低能表情+動作，
有小小打冷震姐，有時惡意賣萌都可能有反效果。
呢隻又係好似甩蔥歌咁其實原曲係意大利民謠黎。

有無諗過一個直入式廣告居然一堆人search黎睇？
hktv劇集警界線入面一幕個追住個犯人(?)入後巷，
入到入面居然變左點jack，仲要一齊食麥樂雞！
玩直入式廣告玩到咁爆，王維基先生你係得o既！
識得拎自己套劇o既橋段黎玩，播出後網民大讚，
有朋友仲話睇到即刻有想食麥樂雞o既衝動，
第2日真係整個麥樂雞餐貼埋相上facebook找數添。
拿，呢D廣告咪叫成功囉！

粵語源遠流長博大精深，用字精彩豐富非普通話能比美，
其實普通話只係清朝先流行o既官話(教育電視講架)，
清潮之前無人用，咁又係喎，有無發現D咩唐詩古詩呀，
用普通話讀唔押韻，用廣東話讀反而押韻喎。
聽大家真風騷講過廣東話係中國咁多種方言中最難之一，
二戰時期要搵翻譯亦係最搵唔到廣東話翻譯員。
facebook睇條片叫廣州話相聲，兩主持大數粵語形容詞，
由顏色、形狀以至動作都有生動傳神o既表現，例如：

顏色：紅當盪、青BB、黃擒擒、白雪雪、黑咪蚊
形狀：肥騰騰、瘦猛猛、長賴賴、矮D得、扁踢踢
質地：滑嘟嘟、鞋拾拾、尖不甩、軟林林、硬倔倔
其他：密麻麻、香噴噴、臭崩崩、眼濕濕、牙斬斬

仲有好多，有D甚至連我都未聽講，不能盡錄，
不過原來以上o既字眼響日常生活經常用到，
久而久之覺得無乜特別，如果要將佢轉化為書面語，
或者普通話，真係諗唔到點轉喎！會變得好死版，
例如：「你睇你條底褲黃擒擒鞋拾拾」
轉普通話：「你看你的內褲黃的不平的」
再黎多句：「果隻兔仔肥騰騰行路慢吞吞」
轉普通話：「那兔子肥肥的走路慢慢的」
再黎：「米睇佢眼坦坦其實佢仲生勾勾」
轉普通話：「不要看他... ...」頂！唔識轉！ XD

哇個神緒真係爭好遠！普通話講野無晒情感，
好似機械人咁，真係淡戊戊。

先唔評論政治立場，剩係講個所謂主播，
頂你廣東話都講唔正學乜人做主持？
仲要做左咁耐都無換人，抵人地咒你執粒。
求其搵個亞毛都講得好過佢啦！
個主播係咪同高層搞過野黎先穩坐呢個位？
連電台主持都規定要發音正確唔準有懶音，
「廣」唔讀得「講」「牙」唔讀得「呀」，
人地無畫面都要求嚴格，你出埋樣都咁hea？
真係唔理佢講乜，剩係聽把聲都反胃，
普通人粵語講唔正唔怪佢，作為電視主持，
連呢D基本野都做唔到真係要怒插！

呢幾日蚊患滋擾無教好訓(前幾日blog有講)
次次拎殺蟲水黎隻野就唔知飛左去邊，
唔對正下藥係無用，忍無可忍去買盒蚊香，
檀香就點得多，蚊香就未點過，試下先，
一拆開包裝未點就已經好大陣味，
心諗點左仲得了o既？不過隻蚊咁煩無計啦，
原來點著反而無味(係咪習慣左唔覺？)
點果陣都打開窗口，點左唔夠五分鐘，
睇住隻野墜機跌落我間床度，典下典下，
咦喂有料到喎！不過仲有咁大餅未燒，
唔知點整熄佢，就點住蚊香訓左一晚。