星期六o既一個晚上，如常一邊開住RO響公會發呆，
一邊整其他野，靚女會長一聲長嘆「好無聊~~！！」
好似期待有人走出黎為佢製造節目，當然，
靚女開到聲召喚，兵哥隨傳隨到唔難丫。 XD

令我諗起，我無乜幾可會覺得好無聊唔知做乜好，
只會煩惱咁多野做唔知做邊樣先好，想做o既野實在太多，
執屋啦、創作啦、學野啦、煲劇啦，連打機都無乜時間，
真係唔多容許「好無聊」呢個字從我把口講出黎，
一日廿四小時都唔夠用，恨不得一日有48小時添。

咩情況下會真係納悶？有o既，係公司無野做但要扮做野，
比上司或老闆監視住，等放工但時間過得特別慢。

經常見D人send短訊比異性，開口就「好悶呀有乜搞？」
其實係唔係靚仔靚女除左番工放工食同訓之外就無野做？
佢地好似從來都唔識搵節目，等人地為佢安排娛樂咁，
一但無人陪就只識得坐響度喊悶，渡日如年？
咁生得靚又真係乜都唔洗做o既，幾時都話，
靚仔靚女洗乜有情趣、識搞笑或多才多藝？
係個樣唔掂先要靠其他野答救之嘛。
不過到呢D人有一日唔靚o既時候又無人陪，
咁就唔知點生活囉。

有D人唔可以拍少陣拖，果頭分手唔夠幾日又有第2條仔，
我就唔同啦，無拖拍都無乜所謂，識自得其樂。
又諗起高登一句「其實毒__一個仲開心。」 XD

講起奇洛李維斯，就諗起Matrix、生死時速、魔間行者，
最近佢套新戲殺神上映，ACG鬆借機講下佢o既事蹟，
原來佢今年已經50歲，由當年黑客型男變左殺手大叔，
唔講唔知，佢o既生平都同佢o既電影一樣咁傳奇，
據講佢視錢財如糞土，生死時速導演搵佢拍續集，
佢居然推左千萬片酬o既生死時速2而接百萬o既追魂交易，
目的只係為左同影帝有對手戲甘願自降身價，
之後Matrix大紅後，佢居然用8千萬買名貴電單車，
送贈有份做特技替身o既12位幕後人員以示慰勞，
而佢3集Matrix片酬總共係1億1千4百萬，咁又係o既，
佢都話過佢已經搵左夠洗一世o既錢，所以無所謂，
比著我有1億都可能唔介意捐出8千萬，2千萬夠用啦 XD
又經常比傳媒雜誌影到佢著對爛波鞋出街、答地鐵、
或者孤身一個坐響公園食麵包，話晒何里活巨星喎！
家庭方面佢更加係命犯天煞孤星，佢生個女死左，
佢女友都車禍而死，佢拍完魔間之後事業一直未有起色，
做名星做到佢咁都算幾陰公，唔知篇報導堅唔堅呢？
堅o既話佢都算係幾傳奇。

小弟自問一向口齒伶俐，電台DJ亦係細個理想職業之一，
有時同friend傾電話可以傾到好似做節目咁無dead air，
有無諗過不如自己錄個節目，求其搵題材講下然後錄低佢，
再播番出黎試下有無好似聽緊自己做節目o既感覺，
係咪好好玩呢？不過以為做到，實際上又另一回事，
聽番自己講野就會發覺硬係爭緊D野，發現一D語言毛病，
例如講野之前好多「即係...」，講完一句好多「架啦」，
呢D野平時自己講果陣唔會為意，往往自我感覺良好，
旁觀者清當局者迷，透過呢個玩意可以改善說話技巧，
然後又再聽番職業電台DJ有無犯我以上o既錯，
原來係有架！即使係專業到由港台風騒快活人，
做到DBC大家真風騷o既老字號梁思浩都有語言毛病，
例如佢好多時講句野前都加個「講緊o既係...」，
而句野前面加「即係...」就更多人都有犯o既毛病，
李克勤做綜藝主持都有犯，其實又唔係D咩大錯，
只係講幾句野前面都有個「即係」聽落會有D累聚，
你睇我打呢篇文章咁多句野，有邊句前面有「即係」？
「即係」呢舊野同「er...」有異曲同功之妙，
就係講下一句野前用黎攝時間比位自己組織下句點講，
無錯，多數都係多餘o既，報新聞D主播係唔會犯樣野，
原來唔講都唔覺，平時聽DJ做節目都以為好流暢，
留意下原來都出現好多唔夠專業o既細位，
可能我對自己要求嚴格，所以自己有壞習慣特別un眼。

講番自己錄節目，除左考驗自己說話能力外，
仲有係語調o既昂揚頓挫，運用洽當相當重要，
有D人講野無精神，重覆字眼又多，真係會聽到訓著，
例如D聽眾phone in上電台講分享個案之類，
好多時佢地無受過訓練所以聽到好悶。

贈大家一句，玩呢個玩意時唔好同專業DJ比較，
唔係難免會有挫敗感，只要try your best就得啦，
就算黃子華o既棟篤笑都未係句句精景字字珠機啦，
人地仲要籌備左1年比佢台上講1粒鐘。

自從中學時期至今就無食麥片，市面上亦唔多麥類o既食品，
或者身體比較缺少麥元素，為左盡量達到均衡攝取量，
想習慣食呢隻聲稱以麥為主o既麥維他消化餅補充番D麥，
呢隻餅有分牛奶朱古力同埋黑朱古力，隻牛奶朱古力比較淡，
黑朱古力先至正常朱古力味(亦唔濃)，不過隻餅設計極差！
佢有一邊茶左朱古力醬，有乜理由一塊貼一塊咁擺？
第一次買不以為意放雪櫃，拎番出黎全包都痴實晒分唔開，
每塊餅之間應該比D空位丫嘛，經過上次教訓無再擺雪櫃，
但一拎起朱古力溶到一手都係，個包裝紙又係無走盞位喎，
搣過左龍都唔知點收番，搣少少食深左又好難挖到塊餅出黎，
如果有最差食品包裝選舉，我首選麥維他！

 

又係聽大家真風騷講起，台灣留行一種新o既護髮概念，
一名頭髮稀疏o既台灣女名星帶起，自從poo free左1年後，
D頭髮居然濃密番髮質仲要健康左，乜野叫poo free呢？
洗頭水叫shampoo，poo free就係唔用洗頭水洗頭，
分秘頭油其實都係一種人體o既自然保護機制，
但頭油會阻塞毛孔妨礙頭髮生長，洗頭水就係洗走D頭油，
咁身體detect到無左D頭油就會製造更多頭油，
等同有說法唔好用面油紙去吸油一樣，只會越吸越多。
而poo free就係只用清水洗頭，咁就減漫頭油分秘速度，
不過要洗耐好多，唔係o既話就唔夠力去走D污積，
專家指出呢個方法清唔走D細菌會導致生頭瘡。

另一個護髮心得叫bomb bomb，係黎自小數民族，
據說用真髮去製作假髮o既製造商就係向呢佢地收購真髮，
雖然唔捨得賣，但賣左D頭髮夠佢地響當地買間屋住喎，
佢地髮質出晒名最好，亮麗有光澤，有傳媒訪問過佢地，
秘訣就係平時會坐響度倒轉個頭D頭髮向地，
然後用骨疏從後面疏上前面每日維持5分鐘，
目的就係要將D空氣打入去，咁樣頭髮就有營養，
呢個方法可以試試。