每年書展就係做出版社o既惡夢。
(沿用番上年o既opening唔想煩)
今年無左小說部門以為會輕鬆，
真係太天真，小說繪本依然出，
好在今次灘分晒全個art team，
咁都好d，but我都係連續無停過。
由6月頭搞手電叢書，然後繪本，
跟住到日韓雜誌，以為可以鬆下啦，
點知又殺出兩本韓星寫真集，
喂大佬，吊頸都要抖下氣啦，
尋日先入稿仲話要禮拜一起貨？！
即係又要食左我o既六日假期啦？

有集pua講過呢套電影兩個值得深思o既位，
咁真係要拜讀一下呢套作品。
上youtube search下又比我搵到足本睇喎 XD
一開始睇比我o既感覺呢套係台灣電影，
睇落去，佢地手機用簡體字、劇情D客來自杭州等，
先知呢套係大6片，果份時尚o既味道、女主角氣質，
完全想像唔到大6都可以拍出一D都唔老土o既電影。
but睇真D男角仲係搣唔甩果份土氣，
唔能夠做到金秀賢或者吳尊果D型男味道。
女主角黃小仙任職一間婚姻公司，比男友飛左，
電影就係講佢失戀o既33日點樣渡過。
其中兩個pua講過o既深思位，一個有錢男人，
佢女友會好嬌爹同佢講「嗯~~我要包包」
盲o既都睇出佢條女唔係鐘意佢個人係鐘意佢D錢，
女主角問佢點解明知到咁你都想要？
有錢男答「省事」即係同呢D女一齊唔洗煩。
道出現實世界其實有唔少呢D組合o既原因，
另一個深思位就係女主角個老闆王總，
佢以前努力賺錢就係想為個女有更好o既生活，
但掛住賺錢而導致老婆離婚帶埋個女去外國，
到佢事業有成時，打長途電話問個女近況，
個女只答佢一句「關你叉事呀？」
到頭來，究竟佢o既努力係為左咩呢？
入番主角線，女主其實係一個毒舌傲嬌，
之所以會分手，都係出於佢唔識得比落台階男人，
愛情又無對與錯o既，一個願打一個願捱咪得囉，
不過個男人受唔住，講又無用，唔分手都解決唔到。
女主角最尾居然同一個camp camp地o既男人一齊，
感覺只係一個「好姊妹」而且佢應該唔鐘意女人，
居然溝左女主，真係估你唔到喎。

有d人好識吐糟自己o既特質，將呢樣野變做梗，
講緊o既係巴哈RO版人氣帖子南門椅子個夏樹，
佢係一個外表似細路女身高145cm貧乳大學四女生，
佢將呢種缺點化做萌點，響粉絲頁不斷寫日常，
都係自嘲自己比人誤認為細路、唔夠高拎野、
傲嬌發皮氣o既事跡，雖然我覺得都係作出黎o既，
但係佢真係捉到路，清楚萌點係邊，令讀者中槍。
而且每件事都貼一張相關相片都算幾靚女(重點 XD)

例如：有日夏樹行街有個女高中生向佢sell產品，
「小妹妹睇下呢d係我地高中設計o既精品靚唔靚呀？」
夏樹青筋一冒「我係大四生，你先係小妹妹！」
然後場面尷尬，原來外表最細果個竟然係全場年紀最大，
然後女高中生想再sell，夏樹話唔洗sell啦絕對唔買！
之後女高中生掙扎「唔該你丫，大姐姐~」
夏樹問「你叫我咩話？」女高中生再講「大姐姐~~」
夏樹「好、好、好，我睇睇...」(拎銀包出黎)
結果都係買左 XD

又例如：有日夏樹去理髮店，髮型師叫佢可唔可以坐高d，
夏樹「已經係最高啦」，髮型師「唔緊要我較高張凳」
夏樹「已經係最高啦...」，髮型師「......」

南門椅子當中仲有個畫畫勁o既藍莓都唔輸蝕，
經常畫d好得意o既圖，呢班人真係識得發揮自己特質，
吸引一班粉絲讚好(至今有萬8關注)將青春大放異彩。

通常肥o既原因都黎唔開食得多、少運動等，
但今日聽收音機聽到一d新o既原因，係估佢唔到。
1.唔食辣野，食完辣野會熱，真係同你燃燒脂肪，
食到出汗亦排走肥脂，所以你見d食辣野o既國家，
例如印尼、菲律賓等，果度d人都係偏瘦。
(乜唔係因為窮無啖好食先瘦咩？ XD)
2.少洗手，下？洗手又關事？係呀，
因為手部容易積聚線病毒，呢種病毒係會致肥。
3.食生果前唔洗乾淨，咁會食埋d濃藥，
而濃藥係有儲存脂肪o既作用...咁都得？囧
以上資料黎自英國《星期日郵報》。
另外主持仲加多個，狼吞虎嚥反而係唔易肥，
下？乜唔係咁快食晒都未落到肚覺得未夠喉，
經常都叫多碟咩？相反，食得快好快撐大個胃，
就會產生飽肚o既感覺。

之前經常食大快活唔落味精系列o既韮王蝦仁炒蛋飯，
雖然因為懷疑皮膚敏感戒食蝦，但都好鐘意食呢個飯，
最多忍痛食剩D蝦佢，就算唔食D蝦依然勁好食。
近期居然換左粟米蝦仁炒蛋，唔係話唔好食，|
但相比韮王黎講係差幾皮，韮王配炒蛋真係天作之合！
真係要講句「有無韮菜搞錯呀？！」