身為同時有macbook air同macbook pro o既主人，
目前有兩個跟機送o既magsafe2火牛，巡例講下，
呢隻火牛優點係只要換個插腳就世界通行，
而且可以揭起兩個角位o既膠架比你繞住條電線，
唔驚打kick，蘋果d設計確係比人走得更前更遠，
抵佢發達！咁話說我要準備3個magsafe2火牛，
新居一個，舊居一個，公司一個，唔洗帶黎帶去，
買magsafe2果陣個sales問係for13" retina pro嘛？
乜唔係air同pro通用架咩？原來唔係架！
magsafe2居然有分45w、60w、85w幾種，
85w係for15" retina pro用o既，當然可以向下兼容，
而45w係for11" air用o既，唔夠力叉15" pro架！
但係外型同大小係完全無分別，只係底部有寫w數，
同埋重量唔同，45w果隻係輕d，85w係重d，
仲話如果用air隻牛插落pro就算叉到電都叉慢d，
講開又講用左咁耐我又真係未試過air隻牛插pro喎，
air隻牛一開波就插響公司，有air後無帶過pro番公司，
識得買，一定係買85w啦，反正價錢都係一樣，
大小通吃丫嘛！ XD

時下唔少手機apps網遊免費玩課金抽已經係大勢，
今次針對網遊而言，神裝都係要抽出黎好克人憎，
好彩o既你1開即中，唔好彩你開1000個都未中，
可以好似賭博咁跌入無底深淵。
而某d網遊有人將神裝放上(如8X91等)交易網賣，
有d裝更賣到幾萬台幣，但呢d錢只係進注賣家戶口，
同埋交易網抽佣，賣幾多錢遊戲公司都落唔到袋。
以前諗過，點解遊戲公司咁笨唔直接自己賣呢？
明買明賣d錢咪可以自己袋晒囉，洗乜益人？
其實又咁講，如果官方賣神裝又應該set乜價位？
虛寶賣幾萬，一定有人會話佢痴線o既唔好去搶？
賣得平民價就搞cheap晒d神裝啦喎。
事實上響一個人氣平台呢d神裝係可以值幾萬台幣，
即使不被部份窮玩家認同但亦係不爭議o既事實，
不過呢個價唔可以由官方set，係要由玩家去炒高，
理得你炒幾高又有人肯買，願打願涯無人challenge到佢，
遊戲公司就係要負責製造一個具人氣o既遊戲世界平台，
將d神裝放課金抽，夠人氣就自然有台戰不惜工本去抽，
(唔計遊戲中好稀有咁出隻王多人搶仲要極低機率跌神裝)
查實優越感係一份極大誘惑，好多人就係為左呢份感覺，
整到全身神裝，當然有d人只打算做個平民hea玩，
亦有唔少呢d平民玩玩下中左毒加入埋台戰大軍，
當然有唔介意比台戰踩響腳底o既砲灰，1樣米養百樣人。
(無呢d砲灰，抖S台戰都少左份砌神裝o既主要動力XD)
有供求須要神裝就有價有市，無人玩o既1蚊都唔值。
但當初官方直接賣d人就會覺得搵笨，亦無咁多人落踏，
無人甘願響一個擺明有錢大晒o既唔公平環境定居假？
遊戲公司高明在營造個懶係公平o既餌釣到1班人落坑，
網遊真正好玩o既唔係咩系統，而係比呢d人搵到優越感，
遊戲公司就係間接賺呢班追求優越/愛炫曜o既玩家錢，
只係有技巧賺得含蓄令玩家無咁大種好似搵笨o既fu，
相比每月收固定月費，課金抽o既得益係無可限量，
以上就係目前成功網遊o既生態同營運手段。

唔開名啦，話說前公司女同事響面書放結婚相，
呢個女o既個樣係寒酸左D但整體相當順眼，
(其實呢D女仔先係最受男士歡迎，遲D再講)
講番條仔，個樣蒼桑得黎但細路仔五官，
無乜威嚴，好kai果種，都算係樣衰架啦，
或者因為佢自知個樣唔夠成熟所以留鬚，
下爬整一執濃密o既鬚，咁做實在大錯特錯！
留鬚唔代表睇落會成熟D架！只會違和感大增！
著起龍袍唔似太子，個樣唔成熟就米Q留鬚啦！
就正如D女人痴執鬚響個咀度咁un眼！
超唔順眼，樣衰到想見獲打獲果隻！
講堅，佢唔留鬚會正常好多！
(利申：我同佢無怨無仇亦無瓜葛)

到5月10號啦，雖然唔係好凍，
平時都係著夏天衫出街，
但到夜晚衾被訓教都仲係舒服果隻，
唔會出汗，都幾反常下喎，
咩事呀？咁遲都未夏天。

日清有兩隻杯麵，一隻合味道一隻出前一丁，
兩隻都有出辣海鮮杯麵，兩隻包裝都係淺藍色，
出兩隻性質咁近似o既味真係自己打自己 =.=
有時買果陣都會分唔出邊隻打邊隻，你可能會話：
「是但啦，咪又係辣海鮮」說話又唔係咁講呀，
出前一丁果隻入面有d滑散散o既類似菜o既物質，
仲要黐納納口感係極差！次次食都會new走佢！
合味道就無呢d咁o既野，所以合味道食得安心d。
其實合味道同出前一丁o既標麵有乜分別呢？
主要係麵質方面，合味道麵條比較方同扁，
睇落次一等，而出前一丁麵條比較圓同埋有彈性，
比起包裝版出前一丁麵質同口感都係差一大截，
實際上合味道系列o既杯麵都係好食過出前一丁，
合味道d湯料調配得較好味，d麵亦入味d。