拿唔係馬後砲呀，2月果陣網誌都寫G鬆cut AC野唔掂架啦，
估唔到涯唔夠3個月，近期G鬆真係打回原形夾番ACG鬆，
比較出乎意表係佢將ACG鬆EX摺埋，剩係AC野真係咁難做？
其實咁都唔差丫，ACG鬆EX出左咁耐我都只買過一兩本 XD
衣家o既G鬆先係我想要o既野，可以睇番足本o既ACG鬆，
原來潛艇個四格漫一直仲keep住連載緊，
不過G鬆都走左兩位元老級編輯亞銀同Kana...
跟正番之前話Yes!傳出要摺但到衣家都未摺，裁員就堅o既。

寂寂無名o既啟晴村由今日開始人所階知，
因為發生左一單轟動全港o既槍擊案，
而我係案發後大約一個鐘內正正就響附近，
仲見到有警車駛出，完全唔知發生單咁o既野，
事後睇番電視先知，持械兇手響啟晴單位內，
單位傳出火光槍聲，飛虎隊遊繩從窗外入屋，
好多陀槍o既亞sir響附近戒備，好似拍戲咁。
有線記者仲影到兇徒企出窗外用槍指頭，
其實記者果下真係搵命搏，如果佢係癲o既，
亂咁向下面開槍就死得人多啦，
又無派狙擊手趁佢擒出黎果野冧低佢，
好在無其他傷亡，如果唔係呢個獲警方有排孭。
現實o既飛虎隊比想像中姐手姐腳，
見佢慢吞吞咁爬入窗，如果兇手當時未死，
隨便對窗開槍，佢呢個入屋速度夠佢死十次，
睇電影D飛虎隊身手靈敏，破窗而入架嘛。
然後又爆出原來兇徒個女同彭導演有路，
再一次轟動全港，facebook係咁洗版，
以後仲邊有人夠膽話師奶劇D情節巧合無稽？
呢單真人真事比電影更震撼更曲折離奇。

細個果陣阿媽會整啫喱，好好味，
好食過雀巢果隻四方果啫喱(略嫌淡戊戊)
記得以前仲有好似警車頂d燈咁款o既啫喱，
不過都好耐無食過啦，好想回未一番，
所以買番盒羅拔臣啫喱粉自己試下整，
都係幾蚊盒姐，整得唔好完全唔肉赤 XD
睇盒邊製作方法...咦乜原來只係用滾水沖，
搞雲佢再倒凍水搞雲然後放入雪櫃就得？
都好簡單下喎，同錄個杯麵差唔多，
(其實我唔清楚份量比例求其倒水落去 XD)
跟住放入雪櫃，訓醒打開雪櫃，得左！
幾蚊整到咁大碗堅抵食喎，
不過唔明點解要再落凍水呢個步驟，
(其他牌子啫喱粉個製作方法都有叫落凍水)
會有分別咩？下次要試下唔落凍水會點 XD

當然係零晨5點啦，雖然多左新編輯，
不過我工作量無少到，一樣砌咁多頁。
連續3晚5點先收工天光先訓教...

同台灣人傾計，間唔中都會表達唔到想講o既野，
因為諗唔到點將某D粵語字眼轉做書面語，
又或者轉左做書面語都詞不達意好似怪怪地咁，
唔計潮語啦，以下呢D都係日常經常用到o既字眼：

例一：不如
用法：「不如今晚食麥記丫」
通常都係提議一D野，但台灣人又無呢種講法，
有人話「還是今天晚上去吃麥當勞吧」咁講，
我覺得「還是」唔能夠表達到「不如」o既神緒，
「還是」有一種勸籲感覺，警匪片入面，
警察會叫犯人「還是收手吧」，
警察唔會同犯人講「不如收手丫」咁兒戲 XD
而且「還是」亦有「仲係」o既意思，
例如「還是不行/仲係唔得」
但響粵語「不如」同「仲係」係完全唔相通。

例二：抵你/抵佢
用法1：「你咁醒抵你發達o既！」
用法2：「佢平時寸寸貢抵佢比人丙啦。」
呢個諗唔到點轉，用法1極其量咁講：
「你這麼聰明，發達是應該的」
用法2就「他平常這麼囂張，被人打活該啦」
1果句有D牽強，2果句比較接近原意，
但係都係爭左D神緒。

例三：拿~
用法：「拿~都話左唔得啦」
要比人知道自己o既諗法係正確o既語氣，
諗唔到有咩字眼取代「拿」字又不失霸氣... XD

例四：er...
用法1：A「想食麥記定雞記？」B「er...」
用法2：A「咁你話點先o岩心水啦」B「er...」
通常係用黎表達猶豫不決或無寧兩可o既答覆，
或者響未諗到答案前頂住先為自己爭取時間思考，
呢個堅諗唔到有乜字眼代替。

講住咁多先，遲D再探討多D~