以前音game界認識其中一位同我同齡(只細我3個月)朋友，
佢搵到件唔錯o既女友，庸脂俗粉果陣真係幾pure幾靚女，
就係果種著T-shirt牛仔褲波鞋唔拎名牌袋唔造作夠自然，
自細到大都覺呢類女仔好舒服易相處就算只係錯覺都係咁話。
最近呢位朋友同佢女友影左輯結婚相擺左響facebook，
哇條女個造型當堂噴飯！連條女本人都話「作死呀擺呢張？」
張相條女應該係經過專人化妝再響影樓影果D一條龍服務，
不過化到成個淫娃蕩婦咁，仲要兇神惡殺到好似想食左你咁，
同一個人，果份清純感去晒邊？即刻變左八婆港女，
化乜鬼野妝丫？平時個造型靚十九幾萬倍啦。
又諗起以前公司有個reception都幾靚女(我都鐘意過佢)
個樣又係天真無邪加上幾細路女下，好buy呢D款，
(當然佢內心可能好現實好勢利我唔知啦，家下只係講外表)
佢又係好趁青春留倩影，去影樓整左輯古典美女相，
著晒古裝、和服、宮庭服化晒妝有埋古色古香o既佈景版，
但輯相...受晒幅射囉，個妝化到佢勁生硬仲硬過D臘像，
好似響旺角現時點玩具舖賣果D平價塑膠公仔咁，錯晒！
如果佢著番果D衫不過用番平時個樣影o既話應該唔錯o既。
 

尋日連唔到線，今日搵人上門整，換modem係例行工事，
又換番NEC NTA-3310比我，職員又係話呢個形號come用，
希望今次真係come用啦，就放長雙眼睇下有幾come。
呢次個modem一睇個外殼都殘殘地，唔知換左幾多手，
個職員又解說果5盞燈有乜含意，PWR就係電源燈BJ4，
有數據運行緊ACT盞燈就會閃閃下，LINK代表有連到電腦，
或連到任何要上網o既裝置上(包括PS3、nowTV等)
佢話最重要就係睇LINE果盞燈，著左代表網絡運作正常，
ALM就有問題/固障就會著、閃。

開心水族箱同廠出左隻新game叫俠物語，
整左個推廣活動只要響俠物語達到指定條件，
連續登入5日、完成某任務、男/女角色達25級，
就可以響開心水族箱得到特別裝飾品同特別魚。
查實要達標都要響俠物語磨上唔少時間，
響活動截止前我都拎到2個裝飾同小龍女魚，
男角我都超過25級但佢無比到楊過魚我！-_-凸
講番隻game，以facebook game黎講，
算做得有心機，起碼角色有動作，人設OK，
場景有分layer移動緊有層次感，亦幾華麗。
好多手機apps facebook game都係定格硬照炸，
D立繪出招又係咁打死佢都係咁，要玩家腦補囉。
支援同其他玩家對戰，叫做有野同人鬥下，
不過其他對手都係同你一樣樣o既複製人...
最唔gur係佢迫你第一次同玩家打要硬食一敗仗，
緊係輸硬啦，走上個雷台度個個都高Lv過你，
(唔排除有人課金買晒神裝逆天角色可以贏到)
不過以facebook game黎講嫌佢系統過份繁複，
每件裝備要鍛治，晒左錢鍛高佢後又派套新裝比你，
搞到都唔想投資太多落裝備驚到咁上下又有新野，
修練內功要元氣，元氣要去雷台或天梯同人打，
科技升級又要閱歷，每個配角又要額外升級，
升到咁上下又開放新角，搞到又唔係好想升角...
跟住又有主線任、支線任、打塔、經商、耕種、
捉奴隸、運鏢、劫鏢(呢隻不如叫賊物語啦)
咁多野搞，開一開game都要o禁足十零分鐘，
查實呢D facebook game只係想攝下時間用姐，
響公司蛇王o禁兩野，唔想咁認真玩，
唔好水蛇春咁多野要搞，不過隻game人氣唔掂，
我facebook個friend list入面一個都無玩俠物語，
連有活躍玩開水果D都係無玩，我都封左game，
o岩o岩開入去睇，哇離線6天獎勵有幾十萬送，
仲話最多可60天？姐係變相鼓勵D人唔好登入？XD

尋晚仲好地地，今朝起身例行工事上網hea陣，
點知完全連唔到線，熄modem熄機重開都唔得，
又要打上客服搵人搞搞佢啦，其實都慣晒，
年年都要換一次modem，對上果次係上年7月，
咦？距今只相隔8個月？乜今次個周期短左喎！
不過呢次壞得最雲巡，唔似以前咁上上下又斷，
隔日又無事然後又斷番，都唔知叫唔叫人整好，
最憎就係呢d唔穩定！所以今次無咁慶。
 

dbc電台自從換左人接手後態度一向中立，
不過聽佢個大家真風騷都經常講到大6D恐怖案件，
有時同一日都講幾單，例如話大6網購化妝品，
搵十間唔同o既買番黎o既化妝品全部都係假野，
我開頭都以為十間有八間假都仲有兩間真丫。
又話大6D司機車到人會倒波再輾多幾下驚佢唔死，
點解？因為車死人可以一炮過賠錢，
車傷人要賠醫藥費住院費仲要養佢一世仲金呀！
而且好多個案係專登掟D人(屍體)出馬路搏賠償，
所以亦有好多司機車到野唔理繼續向前走。
又話係街比D細路爬手偷野千其唔好仁慈放佢走，
你放佢走反而佢仲有排受，會比個主腦虐打，
「無鬼用o既咁都偷唔到？」然後只會繼續去偷，
如果真係為佢好應該報警拉佢咁先可以救到佢，
起碼佢唔洗再繼續錯落去都叫做甩難。
仲有果D響街殘廢斷手斷腳乞食o既細路又係，
有一班人專門捉D細路專登整到佢地傷殘，
又或者類似上面講將D細路掟出馬路整殘障，
如果果D乞衣乞唔到錢或唔多錢會再整殘D，
例如搵D硫酸乸爛細路D肉，無所不用其極，
梁思浩都係果句，唔好因為一時仁慈而比錢佢，
要杜絕呢種情況就係唔好比個幕後主腦賺到錢，
當佢發現呢招搵唔到食先會停止呢種行為。
又講大6一間學校送學生一人一部400蚊手機，
咁著數？聽埋先，手機要上台先運作到架嘛，
間學校送手機炸喎，無話幫佢地交埋電話費，
而月費係每月500蚊，未算，如果你唔交台費，
校方唔比佢番學，咁咪即係送你粒糖要你間廠？
仲話大6一間工場為左令D乳牛一日渣兩次奶，
用D化學藥搞到D牛變K形，渣出D奶含致癌物質。
當然仲有好多好多不能盡錄，聽到真係火都黎埋！
以上消息係黎自一間中立o既媒體，都講到咁多，
呢D種種o既惡劣行為真係接受唔到囉！
點解香港人咁唔鐘意大6？唔洗問啦。