本來呢篇係想寫埋入尋日果篇繪本論入面，
不過唔想一篇blog寫太長(努力克制字數中)
同埋尋日篇野都算係個大topic，分開黎講。
ACG樂樂團係連載響ACG鬆入面o既四格漫，
個人認為畫功唔多討好，有時內容幾9唔答8，
不過係有吸睛力，好多時都會不自覺讀晒佢，
就算讀完都唔知up乜春又或者「咁on9架？」
但下期都係會反射神經忍唔住繼續追睇，
再次證明只要有公仔幾無聊o既內容都係會讀。
(定係純粹我個人對圖文無乜抵抗性？)
唔講大家可能唔知，畫呢個四格o既潛艇，
其實係位有家室有仔女o既男人，睇唔出哩？
據聞未有豬鬆前佢已係遊戲雜誌界打滾多年，
佢份人平時仲好正經唔多出聲，居然畫呢D。
睇落應該係好似老夫子咁長做長有o既套路，
突然黎個bad end！又再一次估佢唔到！
不過之前個章魚女王大戰吉帝貓篇都好黑啦，
仲諗住睇佢點樣接落去不過一直無晒下文，
點知連主線都cut埋，講個主角(?)比人拉左...
之後果期真係無再連載落去，係咪打算收山？
其實仲諗住佢係都整個大團圓結局，
然後話「後會有期」之類，不過又係o既，
衣家呢個BE先夠爆丫嘛，仲正D添 XD
講開又講之前GameWave都有土筆草畫漫畫，
畫功都勁hea內容極無聊，不過又係令我睇，
衣家都無連載啦，以前GameExpress都有添，
果陣我仲好細個，d日本game書都唔少連載，
衣家本地game書又少左樣野啦。

自細都對文字無乜大興趣所以拜讀過o既小說寥寥無幾，
都係睇漫畫多，不過只要將適量o既文字夾雜響圖片中，
就可令我呢個唔多讀字o既人一字不漏咁讀晒段野，
有時睇雜誌都讀左張附圖連caption之後先考慮睇內文，
由於有加張圖就將文字o既冗悶味驅散呢種神奇魔力，
繪本同樣受惠，好多幼稚園畫功o既繪本響市面擁現，
我公司之前亦有出開呢類作畫水準甚低o既繪本，
有D內容亦相當無聊無營養白痴，睇完只係浪費時間，
(有d作者更加係hea到連上色都要搵我地art team上，
咁不如我地幫佢畫埋？我叉知件衫咩色頭髮咩色？)
但係呢d劣質繪本長出長有證明有佢o既市場，
如果同樣o既低能內容只係得字相信唔會有人想睇。
所以如果你響臉書寫D野唔想比人skip左要有收視率，
不妨加D插畫，點都留到人兩秒，D圖肉酸唔緊要，
最緊要圖文並茂。

經常check手機有無miss左message，
一路答車一路send短訊，估唔到我都有呢一日 XD
一聽到三全音(iphone聲效)即拎手機出黎點知唔係我部響，
之前o既我聽到呢種響聲一於好少理，
通常下次要用電話unlock部機時先一次過睇番晒。
開RC見愛人on緊line亦有份安心感，
大家亙相講下甜言蜜語我叫佢老婆佢叫我老公真係好窩心，
呢d種種o既幸福感，真係要寫番篇blog好好記住佢，
對上一次拍拖都未開呢個blog(哇...都好耐下)
而且果個年代SMS要收錢，短訊來往亦會就住就住，
邊有今時今日whatapps、wechat、LINE咁發達。
希望有一日呢個女仔會真正同我結婚係埋一齊啦~

早就應該要合服啦，搞咁多server分薄晒D人氣，
最好就好似瑪英傳咁世界大同只係分流唔同。
不過合服後好多人話個倉唔見晒d野變左要回溯，
我同女友都響其中一個要合服o既server開左角色，
好在先見之明，心諗咁多問題好可能要回溯，
所以合完服果日唔練住，真係出事仲要回兩日，
好多玩家損失慘重，官方開3倍經驗賠番幾隻蛋，
果d投資左大半日精神練功、執倉o既都算小事，
響某數字網買左神器果d真係血本無歸囉，
錢就過晒數，神器又回賣家手上，可以再賣添，
官方講到明現金交易o既損失係絕不受理...
聽聞轉蛋開到神器或打MVP得王卡果d都照賠。

3月都一半啦，應該都春天啦，
但依然凍到㩒被，今年都反常，
日本仲落雪，幾時先暖番呢？