上次試完個印尼炒飯讚口不絕，
所以今次再試埋個鰻魚粒炒飯，
證明D野好顧客係會翻轉頭o既，
不過今次個鰻魚粒炒飯就跌眼鏡，
首先表面落左一層橙色魚子，
對我而言係一向好憎呢樣野，
所以未食前就將D粒粒撥埋一邊，
但難撥乾淨會有D混左入D飯度，
(所以到埋單果陣都食剩堆飯)
D飯亦唔覺好似上次咁特別好食，
加上個價錢更令人擰頭要62蚊，
(上次個印尼炒飯只係44蚊)
大快活o既咖喱魚評價會比佢好。

兩晚做到尾班車黎趕本手電叢，
內文砌好晒，係爭個封面同開版之類，
點知埋牙個編輯先走黎話發行出左事，
咁即刻轉發行嘛，佢話唔係話轉就轉，
所以就順延至過完年先再搞，
早講丫嘛，咁就唔洗趕餐懞啦，
好在未做到零晨或通宵去趕，
不過咁仲好啦，下個月o既工作鬆番D。

用左兩個禮拜o既MBA11"絨布機袋，
拉鍊已經卡卡地，布位比金屬扣卡爛左小小，
果然下次都係買個蓋衾設計果d袋好d。

好耐之前見田中k著得幾過癮都想整番件，
又見好多日本仔以至動漫人物都鐘意咁著，
例如最近新番流浪神差o既男主就係著黑色款，
所以都諗住買件夜斗神果款黎著下，
行過馬拉松、gigaspot、adidas專門店，
都有差唔多款呢類運動服但間間總有d唔同，
例如左邊胸口位有骷髏logo(最憎骷髏圖案)
顏色唔同、連身帽、半身色地、球會logo等，
想搵最典型無乜花臣o既樽領款查實都唔易，
唔係顏色唔o岩心水就係多左d唔想要o既元素，
價錢都平均500左右，比想像中34百蚊貴左d，
結果響gigaspot買左件最似夜斗神果隻典型款，
折實價539連埋條褲算係咁啦，可惜得陣列品，
問職員有無新佢check完一尾只答無！無！無！
分店有無？無！第隻size有無？無！有無咁少呀？
都唔知係咪見到有都扮晒話無肥水不流別人田，
仲要我開口講話呢件連褲店員先跟埋褲比我，
唔係539只係得件衫咁就蝕底晒，
係真唔知呢件套裝丫定想側側膞第時再散賣？
仲想買件紅色典型款不過都搵唔到。

雖然都證實左訓教醒來出現o既怪黑影係殘影，
其實係遠距o既局部物件距離感出錯睇落好近，
殘影質感就類似望燈膽再望第度會有個烘咁，
不過仲未明白會出現錯覺o既原因，
會唔會係通宵工作操勞過度引致？
(第一次出現o既巨蜘蛛形黑影諗番依然好謎)
慶幸地近來訓教都無再出現怪影，好事黎，
即係睡眠質素得到改善，希望keep住咁啦。
呢篇無慄事，只係之前呢個topic係放慄正局，
所以呢篇都照放番 :)