食飯時通常都會創作一D短篇故事或概念，
呢次諗到o既係霸位黨，靈感黎自有次響餐廳搵位，
有條友一個人坐四人坐位埋去塔檯時話「有人」，
同朋友食飯周圍都搵唔到位超無癮。
d無業人事咁得閒，諗到個新o既賺錢方法，
一早去d連鎖餐廳霸住d四人位，
有人埋去塔檯就話「有人」，然後：
「不過如果你比5蚊我就讓呢張檯比你啦。」
相信唔少人都會制，即係買黃牛飛咁之嘛，
比多小小錢可以唔洗等位比著我都OK架，
咁個霸位人兄又可以搵第二檯再霸過，
一個食飯時段賺到幾廿蚊唔出奇架，
喂剩係坐響度乜都唔洗做都有錢袋喎仲想點？
嫌悶仲可以拎份免費報紙打發時間，無本生利。
然後發展落去就出現霸位黨盛行o既風氣，
雙失青年、師奶、眾援亞婆亞佰乞衣都去霸位，
唔洗日曬雨林仲有冷氣嘆好過去乞食啦~ XD
一間連鎖快餐店可能有五六個霸位黨搵食。

好耐之前屋企有個鹿頭標本，
唔知係仿製品定係做左防腐o既堅野，
細個果陣(應該係小學一二年班)百厭，
用marker響鹿頭上寫左個「屎王」，
仲畫埋雪糕狀屎有笑樣做埋yeah手勢...
惡搞完之後果個禮拜即刻生眼挑針，
覺得係得罪鹿頭o既報應，真係幾巧合，
自此都對鹿頭有d避忌，近十年來，
鹿頭一向掛響樓上，最近樓上要出租，
所以都拎落黎，出奇地果d塗鴉唔見晒！
記得早幾個月上去望過d塗鴉都仲響度...
懷疑係亞媽洗過抹甩左，但亞媽否認，
佢話洗果陣都唔見有，仲話鹿頭顯靈...
不過的確用marker畫左咁多年o既蹟，
都無乜可能洗甩，所以洗甩都係奇蹟。
 

睇番網誌對上一次剪髮係5月25號，
相距今日有半年之隔，有無咁耐呀？
定係期間剪過髮唔記得mark低... @_@"
anyway，天文台話星期一開始更加凍，
咁就趁住未咁凍去剪個髮過聖誕啦，
今次又要求髮型師幫我將後面剷青，
然後順便去惠康買個三文魚壽司~ XD

夜晚口痕又想搵D野食，朱古力又怕肥，
薯片又怕熱氣，最近又多個選擇──壽司。
屋企附近間惠康D壽司平民價，幾抵食，
減價時十零蚊就有盒12舊o既紫菜壽司，
but唔come擺，就算放雪櫃一晚都跌watt。

最近住家飯又多味餸──咸蛋蒸肉餅，
減價時十零蚊就有兜，份量夠食兩餐，
買番去就咁蒸就食得，好方便，
又食少餐煎炸野啦，不過勁多油，
睇黎都唔健康得過D煎炸野幾多...

惠康完勝，相比起百佳，乜都無，
改名叫百無啦，仲要好早收工。

上星期先批評新o既智能車飛係幾咁多餘，
(詳情可睇早幾篇日誌)不過仲未流通市面。
尋晚收工(12點幾)響地鐵站出閘時，
見好多工作人員漏夜整緊D入閘機，
應該都換新車飛，專登去售票機買張，
點知仲係舊車飛(所以掉Q左)
今日番工再去買張車飛，終於轉新車飛，
應該係第一手未比人用過無回收過，
成人(紫色)、特惠(藍色)各買一張純粹收藏，
然後都係用八達通入閘~ XD
新o既智能車飛比傳統車飛厚左硬左，
估計唔能夠大幅度屈曲，會摺巢，
而且背面白色位質地應該唔come污糟，
放置銀包同D銀紙或碎銀磨刷幾野都變黑，
整體黎講都係幾失敗o既設計，
重申，呢個新車飛系統都係多Q餘o既！