食飯時通常都會創作一D短篇故事，
有時諗到D熱血o既題材會異常開胃，
今日用膳時即興創作左呢個黑道無雙，
話說D金毛MK look o既友仔行街，
經常比差佬查身份證，好掃興，
有個MK仔好好打，可以一個打十個，
比差佬查好唔gur，居然反擊差佬，
無咁好功夫底子o既差佬當然唔夠打，
call伙記支援，但MK仔依然無有怕，
繼續打，十幾個差佬到場比佢打低，
然後越黎越多，都比MK仔族個擊破，
一地都係受傷戰鬥不能o既差佬，
已經打低左超過100個，又黎多100個，
由於最多只係同時4~5個差佬圍一條友，
其餘D差佬只係企響後面唔會有位入，
只要果個MK仔可以同時應付到4~5個，
就再黎多10000個差佬都係一樣，
差佬出絕招，開槍，但比MK仔閃開左，
子彈飛到後面擊中另一名差佬，
開多幾槍都係被閃過射中圍住o既差佬，
差佬明白到響呢個局面開槍無用，
反而仲傷到同僚，所以都只有繼續打，
由朝打到晚MK仔已經擊倒100000個差佬，
差唔多全港o既差佬都比佢打到重傷，
然後MK仔仲做埋社團大佬，
從此差佬見到D MK仔都唔敢再𢭃，完。

食飯時通常都會創作一D短篇故事，
有時諗到D熱血o既題材會異常開胃，
今日用膳時即興創作左呢個連鎖快餐爭位記，
靈感係黎自放飯時間想搵個位都難，
有個好燥底又好武功o既男人一個人去食飯，
入到一間連鎖快餐見周圍都坐滿人，
好不容易見到一個o岩o岩空出黎o既單丁位，
就求其放低手上份報紙以示霸位，
然後出去買飯，買完飯拎住托盤番黎，
嚇見原本霸左個位已經比人坐住仲食緊飯，
男人問：「我份報紙呢？！」
食緊飯o既人話叫執檯亞姐掉左啦~
男人好無奈咁雙手渣住盤野但無位又食唔到，
男人怒斥：「呢個位我到先個喎！！」
食緊飯o既人：「邊個知呀？慢慢等過位啦」
男人等左好耐都無空位，越等越火滾，
一手將自己盤飯丟落地下，飯碗都掉爆，
然後將搶左佢個位條友d飯亦撥埋落地下，
d刀叉、可樂、餸菜、汁液散落滿地，
大叫：「我無得食你都唔洗旨意有得食！」
而搶位之人亦非善男順女，爆粗大叫賠錢，
相方繼而動武，展開一場龍爭虎鬥，
男人一個迴旋踢，對方閃開踢爆後方玻璃，
對方拎起座位向男人拋過去，男人亦避開，
擊中背後其他用膳o既人，店員報警，
兩個爭執o既人都驚警察黎到會招惹麻煩，
各兵分兩路閃人，警方來到拉唔到人，完。

表面上呢部2013款MBA同上幾代完全一樣，
原來側邊多左兩個mic接收位(一個收音一個抗燥)
而完全支援新款o既機殼又係未普及，
情況同年頭o岩o岩買rmbp果陣一樣搵唔到殼用。
用開spek o既機殼，MBA都會買番，品質有保證，
可惜目前spek仲未推出完全對應2013版MBA殼，
買住舊殼頂住先，反正都fit位只係遮左兩個mic口，
唔用MBA錄音應該唔會有任何影響。
跟住另一大主角win7，有win7部MBA先叫完美 XD
響觀塘問過價home prem版64bit OEM要999蚊，
再睇番之前自己網誌記載響旺電買825蚊，
哇，足足貴左174蚊，差50蚊我都仲會豪比佢，
反正答車去旺角都無廿零蚊，但爭174點都唔益佢！
落到旺電之前買果間無開工，2樓另一間索價980，
咁即係無慳過？正當心灰有感白行一趟之際，
心諗唔通衣家win7公價比年頭提升左百幾蚊，
點知問到1樓有間話820蚊，比之前買仲平5蚊，
所以話奸商當道，唔問多幾間可以蝕百幾二百重蚊。

其實對上一篇網誌先係用macbook air打，
不過得番19%電(開箱至今未叉過電)
所以都係比佢叉一叉廢事放電放得太盡。
衣家先知apple個網有套官方用電指引，
http://www.apple.com/hk/batteries/notebooks.html
對電池最保養o既方案係每日放一陣叉一陣，
唔好放太多電或長期插住電咁就最come用。
開箱後個格局同之前部rmbp差唔多，
不過個盒頂比多左層黑色海綿，
係咁二睇下個說明書，拎出個火牛，
然後就可將個箱長期收藏play。
以為內置左最新OS X Mavericks，
設定語言同使用者入到去見到宇宙桌布，
而唔係海浪桌布，先知原來都未update。
用過部野上左陣facebook玩過陣UL，
同埋睇左陣youtube都係測試下機能，
facebook呢D野只要部機弱雞小小，
個wall拉得越落越慢，舊果部hp電腦玩UL都好疾，
MBA完全勝任，用落都好順，不過路遙知馬力，
未用過indesign同PS呢D唔方便妄下判斷。

雖然已經有macbook pro retina 13"，
不過都係對MBA果份輕巧無法抗拒，
之前唔考慮o既原因只係HD容量太細，
不過今年呢個型號都加到256GB，
簡直就係perfect dream machine~
售價9188蚊，係年頭果部o既3份1，
唔止價錢平左3份1，重量亦輕左3份1，
都係幫襯番之前買rmbp果間iworld，
問過其他舖公價無得平就送埋D垃圾贈品，
又係mouse同喇叭，我要個喇叭托咩？
iworld最正常，無送贈品照價95折，
八千七足足平左四舊幾水，都係果句，
果D垃圾喇叭同滑鼠加埋頂多幾廿蚊，
雖然星期六唔洗番工，都專登過觀塘買。