一向都唔鐘意用最新ver軟件，
怕有bug或有野唔support，
基於安裝字體問題解決唔到，
蘋果Genius話試下update(無話包掂)
我都預左多數唔掂不過都試下啦，
up左未必得唔up就100%唔得，
反正部macbook air亦無乜裝過野，
真係出事頂多砍掉重練都應該無乜損失。
個作業系統只能appstore download無實體版，
一睇...哇要5Gb幾！都down左幾粒鐘，
如果係用4G流動數據卡上網，
淨係up個OS都KO左個公平使用量...
裝完入去唔覺有乜分別，桌布亦無轉海浪，
第一時間緊係再試下安裝之前有問題o既fonts，
不出所料果然係未解決，依然錯誤同亂碼。
之後發現個mark色系統唔同左，
新版標左色只係多個顏色波仔無咁覺眼，
不過可以同一舊野標多過一隻色，
標左色可以去相屬o既顏色分類搵到，
屁如你搵紅色分類所有標左紅色o既野響晒果度。
公司mac機響內聯網一向睇唔到10.6機標o既色，
用10.5機標色10.6機亦睇唔到，
衣家10.9又執過個標色系統咁咪更加睇唔到？
(經初步證實10.9響內聯網係睇到10.6機標o既色)
仲有倉頡系統亦改善左(應該話變番好似以前咁)
打第一個字碼會出現一堆有可能出o既字，
簡單D講，想打個「你」字打第1個碼「人」，
佢會出堆以「人」字做頭碼可能打出黎o既字，
例如出「化、仁、你、仔、他」等字，
然後你打埋第2個碼「弓」佢就出「你、仔」等，
同樣係以「人弓」做頭兩個碼可能出現o既字，
如此類推，好處係如果有D字你只係知佢頭碼，
你可以打頭碼然後慢慢搵，好過棟左響度。
仲有多左ibook同apple map，不過懶得理，
應該都唔會用。

上月尾號先話冬季來臨，
不過呢個星期又暖番，
每日都係著夏天衫，
響屋企又未至於有開冷氣，
不過都開住風扇訓教，
好在未將風扇收起。

每次踏足銅鑼灣希慎廣場間Apple Store，
3層佔地極大擺過百台mac機、iphone、ipad，
以及高級耳機等產品，過百名職員stand by，
心諗究竟Apple要花幾多錢營運呢間咁o既野，
而Geniusbar就係蘋果專門店o既免費技術支援，
響apple官網預約，我就草埋一大堆問題，
帶埋部macbook air一次過問過究竟。
最大問題緊係關於字體安裝出現錯誤亂碼呢樣野，
Genius只係答字體唔支援新OS系統...
你話一隻半隻字體唔support我最多唔用姐，
我係差唔多全部中文字體都唔support喎！
好多從事設計行業o既人都會選用mac系統，
衣家新OS用唔到大部份fonts你叫人點用落去？
咁貴買部macbook做搵食架生，衣家廢左武功，
你叫人點開工？(慶幸呢個問題暫時對我影響唔深遠)
再一次證明用新ver o既系統係問題多多。
另一問題，用iphone做個人熱點出現連線逾時，
丫部iphone又好醒目即刻連到線，搞到問唔到落去。
主問題解決唔到，然後都係問D比較無關痛癢o既野，
例如iphone d歌同另一部電腦連動時點樣保留，
答案係唔可以o既，如果部腦無果首歌係強制削除。
又問icloud o既運作，會唔會覆蓋左我電腦D資料，
佢話唔會覆蓋D mp3，D人經常話5Gb唔夠用，
剩係記低D行事歷同通訊資料1Gb都用唔晒啦，
邊有咁多野記呀？icloud又唔可以備份D mp3 o既。
仲有點樣響內聯網下睇到舊OS mark左色o既資料，
仲有關於剷機或重裝系統之類o既問題，
仲有問點解個倉頡o禁shift掣打英文會變左大階？
o禁capslock變左純打英文字母無中文字、
(呢種操作模式咁似win7 o既明明以前都唔係咁架)
有無得指定倉頡打符號係出半形唔係全形之類、
有無得倉頡打頭碼*尾碼可以暫用速成等...
結果大部份問題都係無辦法解決... orz

原來spek殼已出左2013年macbook air款，
唉早幾日忍下手黎到呢度先買咁就一步到位啦，
不過spek換左新包裝採用開放式設計，
可以隨時推個殼出黎比人任摸，咁咪摸到污糟晒？
呢個世界好多人去完廁所唔洗手，或者new過鼻屎...
舊包裝好好多，希望佢快D轉番密封式設計啦。

然後買左個PD9 $589，咁大個盒只係裝住幾張紙，
碟都無隻，不如用個信封咁上下o既包裝裝住算啦。

上次睇過順天村，環境有D殘念，
今次睇o既係舊機場重建o既新開發區，
據聞只係o岩o岩入伙兩三個月o既啟晴村，
格局同康怡花園、富景花園果d參唔多，
不愧為新起o既公屋。樓下好寬敞，
空間感大左感覺應該好free好relax~
如果新婚夫婦派到呢度生活應該幾美滿下，
鄰近商場好多仲係吉舖，買野好唔方便，
要等遲D慢慢多D商舖開舖先會改善。
地方空擴好食風，本來大風都舒服o既，
但地上好多泥土(仲有唔少設施工程整緊)
風一刮起即飛沙走石，好多粒粒向我攻擊，
而且風力極大，連我都有D企唔穩，
以前打八號波行街都無呢度咁大風，
今日無打風都咁，三號波都應該難以想像...

聲稱一年唔洗換電o既mouse，
買番黎果陣內置1粒金霸王2A電，
5月頭買番黎用到11月頭，
雖然無包裝上寫話1年咁耐，
不過以1粒電足足崖左半年左右，
算利害，OK!You Win!當你贏。
不過呢段期間中途有失靈過，
有換過其他電再換番原本粒金霸王，
所以實際時間不能作準，
目前拎之前用剩o既其他電頂上，
等開過粒新電之後再同佢計過。
睇番5月4號寫果篇mouse用後感，
有d操作上o既唔習慣或暗病，
不過用左半年後o既今日又麻木晒，
已經忘記左雙擊唔順呢個問題。