又係埋版日子啦，art走左個同事，
如果我做通宵第二日無人對藍紙，
今期就砌晒唔第一校零晨3點幾閃人，
第二日番黎先掟pdf，一如所料，
3點開始對稿轉pdf，8點幾先掟印廠，
80版要out晒係要5個鐘左右......
而個編輯就聲稱3日無番過屋企，
3日無沖過涼，但佢話有洗頭@@
佢有放洗頭水響公司。

不過呢幾日都幾涼爽，
起碼行響條街度唔會出汗，
佢唔沖涼3日仲頂得住o既~

被喻為34年來最強颱風，又話時速200公里，
前日仲睇到唔少facebook朋友屋企窗口貼晒膠紙，
貼埋相片出黎，其實如果真係爆玻璃，
果兩條覆蓋範圍唔夠10% o既交叉有乜用呢？ ＠＠
慶幸地打風當日我果邊好平靜連風聲都唔多聽到，
仲以為天兔會為大家送黎中秋禮物~四日連假~
不過今朝十點已經除下，連3號都無，走得非常準時。

好似逢七月節總會發生d怪事，
慶幸地今年無怪事發生！ ^o^
專登等農歴七月過完一排先發呢個日誌，
廢事一發完又出現d怪事 XD

走進熱鬧的街道，好像在慶祝什麼的，
然後聽到笛聲、太鼓聲奏起傳統風味的音樂，
這...這不就是日本的節慶祭典嗎？！
我終於可以現場感受到這氣氛，
感動到眼線不禁冒出淚水......
突然醒來了，原來是夢呀~
雖然回到現實節日的感覺仍是揮之不去，
啊，對了！今天是中秋節翌日。

中秋節今日放五點，
尋晚遲放工，今日兩點先番，
只係坐三個幾鐘就走得 XD
聽日星期五仲放假，
然後星期六、日連放3日，
係時侯好好叉電~ XD