年年到呢個月份都會發生d怪事，
唔知今年又會唔會呢？
當然希望無怪事啦。

最近又學識到幾個台式潮語，
首先介紹

BJ4
意思：不解釋
由來：取其國語諧音
應用：哥的帥在於臉，BJ4

廣東話發音唔同，所以一般港人好難聯想到。
跟住介紹

GG IN IN
意思：雞雞硬硬，形容男性生殖器官生理反應。
由來：取其國語諧音
應用：哇！林志鈴露點，GG IN IN

香港人較常用「JJ」黎形容男性生殖器官，
跟住呢個就上年睇魯蛋實況大中天學到

GG了
意思：應該係類似仆街了咁上下
由來：其實唔清楚真正由來，
都係睇魯蛋Game Over時講，
但唔知點解唔少港人都有用呢個詞語。
應用：段考還沒有溫習，明天GG了

跟住介紹呢個係英文諧音

哭奈
意思：晚安
由來：Goodnight o既諧音
應用：呢個唔洗啦...

跟住介紹o既係文型

好_ _，不_嗎？
應用：「好蛋糕，不吃嗎？」
「好轉蛋，不抽嗎？」「好正妹，不上嗎？」

睇落無乜特別o既造句，但唔知點解較早前台灣好流行，
「好XX，不X嗎？」充斥響各大網絡論壇，
好，今日介紹住咁多先~

最近同DAL求愛約會大作戰cross over，
就推出學校系列副本，由課室5樓跑到落1樓，
以為通關啦，咦乜d獎勵咁度縮o既？
點知又多一個籃球場東側，好不容易跑完啦，
又整多個籃球場南側，咁即係有東南西北啦？
一陣點知佢會唔會又整個更衣室系列、
男廁第一格廁格、女廁第三格廁格，
然後又教員室、音樂室、保健室、禮堂...
對於想破關o既我黎講真係走極都走唔完架喎，
你估我好多AP咩？到4層以上走一步要5AP，
番工放工答車o禁兩野根本走唔晒... 囧

一首好多年前o既舊歌，接觸果陣我讀完書無耐，
響domon扎晃料理做兩個禮拜戶外店務員o既臨時工，
當時維園搞網球比賽，domon響果度擺檔賣野食。
而個場就由頭到尾洗腦式咁炸呢首歌，
之後都無乜再聽番呢首歌，亦唔知首野叫乜名，
不過時至今日首歌o既旋律仲係印象深刻。
曲風都幾過癮，想再回味一下不過無途徑，
事隔十載居然響朋友o既facebook度搵番，
佢係玩開鋼管舞(好特殊o既嗜好...)自拍左條片，
條片o既BGM就係用呢首歌仲寫埋歌名。
再上「你管」search下呢首歌o既MV黎睇，
原來唱果條友都幾樣衰 XD
風格幾似Lady GaGa，但當年GaGa都未出道。
 

一番到公司就見老細響會議室同各部門主管開緊會，
開到我收工先開完，開左起碼超過5個鐘，
究竟傾乜傾咁耐？而我上司放假，所以全日冗員 XD
睇住前面隔離d同事睇動畫、玩fb、睇youtube...
而我就帶左rmbp玩左陣RO同優化個作業系統 XD
其實呢份工唔係埋版果d日子又真係幾他調架，
番工兩點放七點，都係番五個鐘左右又唔洗打卡，
d記者仲啖，可以一個禮拜都唔見人...
係就係可以話出去採訪不過響屋企訓教邊個知？ XD
人地d出版社規定就算出去採訪都要番公司打左卡先，
唔順路浪費多程車錢都係咁話 -_-