當一個職業過份強大，官方為了系統平衡就把那職業nerf掉，
(nerf是弱化的意思，由來據說是一家生產橡皮子彈槍的品牌，
給人一種很無力、軟弱的感覺，自此給用來諷刺弱化的現像)
這樣就令一眾練了該職業的玩家心血泡湯，甚至得砍掉重練。
為什麼就一定要弱化強職業，就不能強化其他弱勢職業嗎？
這樣本來爽的職業繼續爽，不爽的職業也能爽，皆大歡喜。
可是遊戲公司就是要你們重練，練了後又再削弱，再重練，
這種白木的行為才能增長遊戲壽命，這叫平衡嗎？呸！

好多人都話呢部野今次無突破，
CPU性能上o既提升係必定要有架啦，
為求要出新一代就只好格硬加D新功能，
睇廣告都見到，就係隔空感應功能，
即係唔洗用手掂部機都可以接電話之類，
無計啦技窮，iphone5都只係拉長部機，
衣家D電話仲可以加到D乜有用o既功能？
不過我個人黎講幾buy佢呢個隔空功能，
真係好似廣告咁隻手污糟果陣電話響，
洗完手番黎人地都收左線啦~
而呢種情況我都試過唔少次，
係洗完衝過去o岩o岩好收線果下激氣，
講堅架，最好下一代iphone有呢個功能，
多數唔會有(蘋果都驚比人話抄人口水啦)
我一向都生活態度唔想變生活智慧...

頭先玩緊RO同人組隊團練U3，
突然睇到隊員話搖得好利害，
然後公會D人都出聲話地震，
廣頻亦有人議論紛紛關於呢次地震，
甚至有人練緊途中走出屋外，
同時有咁多人講可想而知，
呢次震映o既威力同埋覆蓋之廣，
當然身處香港o既我係感受唔到，
雖然玩同一隻網遊但唔一樣o既氣氛，
我響一個風平浪靜o既環境玩緊，
佢地響一個動盪o既局面玩緊...
再一次體會到香港係一個福地。
少有地呢D第一手資訊唔係睇新聞，
係由台灣o既網友話比我聽。

就快又端午節，亞媽都有整粽o既習慣，
經常將「好多功夫」、「買好多料」、
「好麻煩」、「出年唔整」等字眼掛咀邊，
但咁煩又要整？無人叫佢整架喎~
好明顯佢係好enjoy整食物，
就好似砌模型咁，都係無野搵野黎搞，
買個現醒o既模型唔好？
煮粽果日屋企都會變焗爐，
好在今次佢響我訓醒前已經煮好晒~

唔知響邊度聽過入閘後響同一站出閘，
係會收番答一個站o既價錢(大約4蚊)
今日入閘果陣突然醒起要答巴士，
想即刻出閘，心諗果幾蚊豪比佢啦，
點知點必張八達通都無反應，
有無搞錯？家陣想比錢出閘都唔得？
你無權迫人一定要答地鐵架喎！
例如突然間醒起漏左重要文件未拎，
點可以唔比人出番閘？都有病！