每隔一年半載上網都會出現問題，
然後就call職員上門換modem，
上次個職員都話佢地公司D modem係咁架啦，
最近又黎料啦，開始一兩日內斷一次線，
衣家個問題未算好頻密，
不過相信再過多排又會頻頻斷！
又要call客服又要book時間，
一陣換左又出D咩問題，麻鬼煩！
上年年頭先換左一次，真係年年都黎一獲！

本來就想清楚記低個mouse幾時無電，
不過早幾日玩玩下RO發覺有D操作唔靈敏，
online game o既野唔可以突然停落黎架嘛，
只好臨時換一粒頂住先，條數亂左...
不過幾日後都係完全無電，明明有一粒新電喎，
無理由咁快打柴架？然後就兩粒一齊換...
結論：對上換電果次係2月，大約頂到兩個月。

由Lv97一晚已經轉埋生仲升到Lv55，
job Lv50轉埋神官，自己都唔相信咁快，
速度上根本同玩私服差無幾，
呢個仲要唔係loki free 3倍經驗。
首先轉生前Lv97果陣join火2團，
睇住D exp數字係咁跳，
開左兩本經書左右就上到98多7X%，
之後散團就開火蜥蝪solo地監升埋佢，
接伊甸園任殺30個邪惡使者同瑞比歐，
轉生任就煩左D，清空身上物品都算，
要D錢係1285000z多一蚊都彈番出去，
搵公會會長幫我keep錢先轉到。
轉完後開邪惡箱衝Lv，打完蝗蟲打裴洞，
都升好快，然後開火鳥響獸洞怒爆，
拖一堆邪骸獸人爆一野條exp多半棟，
快到癲，就咁樣爆到50job轉埋神官。
然後仲可以伊甸園洗野豬毛洗到Lv70~
轉左生後都升咁快，強調係全手動！
唔怪得公會D人話3日手動轉生再3轉啦。

每年4月公司都會例行檢討工作表現同埋調整薪金，
今日好在番得早，唔係又可能有位比人入。
上司的入房仲諗住會左批右批，正所謂慾加之罪，
唔係點壓人工之類，點知係讚喎！
話工作表現良好，有心機之類，
我心諗係咪黎一招先煲貶呢？咦？又無乜喎，
然後又話會再加人工之類，不過無講加幾多。
不過上年同前年我都有R加多D人工，
既然今年佢讚，咁我都隨意啦，有加就OK。
anyway啦，證明呢年o既辛苦係無浪費 :D

玩左幾日loki free，升到Lv40，
硬係爭緊D野，係咩呢？就係人氣！
好話唔好聽呢個服熱鬧程度仲衰過D私服，
中央掛賣o既露店好稀疏，
我心諗係咪有第二個掛店專區？
(好多私服o既掛店專區並唔係響中央)
睇forum d人話波利服好多人，
咁就再去波利服開個人睇下啦，
當堂唔同晒！中央D店由南門排到水池密麻麻，
南門外面亦長期有堆玩家吹水甚至徵婆，
裴陽除左露店都算林立外，仲變埋機場，
估唔到今時今日仲有傳陣賺錢呢種風氣！
入到古城修道園，中間都長期有人徵組隊，
以前有祭司帶小服，今有主教帶祭司 XD
呢D先係氣氛丫嘛！感覺良好，
出左十年估唔到仲熱鬧不減，
定居免服波利server決定！(蓋印