呢期整左個日本itune acc喪down日系Apps Game，
有心跳餐廳、Tales of union、初音live stage producer、
擴散性MA、Puzzle & Dragon等。
不過D Game毒性一般，玩兩玩就放置play左，
志在有D精美icon粉飾下個手機桌面？
呢D Game o既幣病就係唔容易暫停，
一上手唔睇番一堆劇情或過唔關斬六將都唔放得低，
好唔方便，未必能響排隊呢D地方攝時間，
要響屋企得閒果陣認真玩，但咁樣不如玩PS3？
響屋企仲拎住部電話對住個咁細個mon？
Candy Crush就簡單，一開就黎料，唔洗煩，
所以點解高據no.1~

一晚睇左兩套野o既結局，先講P4，
第一樣吐糟o既係主角群居然一直追查邊個係犯人，
難道響咁神怪o既世界觀，
就唔會認為兇手其實唔係人而係神秘力量作祟？
第二樣吐糟o既係點解一拎到張卡，
就唔洗睇說明書即刻識？
戰鬥更加係明明唔夠打然後忽然突破D咩咁贏左，
無任何格鬥技巧或邏輯可言(意志就係一切？)
最尾兩話整到神話咁...不過都叫做解開晒D謎。
兵部京介又係打完大佬擺平一切劇終，
第11話就要吐糟，主角威能亦都要有個限道丫，
咁多子彈無一發射中安兵都算，
D敵機圍住安兵認真佛心唔攻擊住等佢地慢慢傾。
 

已經唔係第一次開題鬧Winrar啦，
用Winrar會型D咩？
是咁的，話說最近想玩番RO，
搵雲晒市面上都無實體版賣，
只好上官網download，要BT，
頂佢個torrent檔要搵個rar包住，
個檔得17Kb炸！咁都壓佢無病呀fa？
部新PC無裝rar(係呀我係抵制佢)
搞到要將個file搬去另一電腦解壓，
BT到啦，連BT完個安裝檔都塞響rar，
佢係咪痴線架？家陣好多散件咩？
一舊野都要裝入rar度？
點解咁憎Winrar？
因為每開次開都會彈句野叫你買，
明明Windows又好Mac又好，
預設都用到zip，免費o既野點解要買？

今次係打側訓半夜突然醒左，
一擰轉身見到近距離有怪影，嚇到叫左。
平時都保持淡定，今次點解失守？
都係未有意識之下o既本能反應。

假髮$120、外衣、裇衫、領呔連西褲$374，
加埋total 500蚊都唔洗，又幾抵~
呢個價錢響I.T只係買到件T-shirt炸。