macbook採用金屬殼，一直諗住come花come污糟，
直到行過豐澤睇見佢地D display機殼一撻撻暗，淆底...
用開個機袋只係for番咁上下size o既手提電腦，
唔係完全fit size，所以係鬆鬆地，有晃動空間，
而且物料唔多好，一路行街一路摸刷，驚刷甩色，
有時諗用手響個袋夾部機出黎夾得多都驚有四個手指印...
所以外殼係下一個優先考慮目標！
奈何行過多間apple專門店都無賣13" rmbp機殼，
較早前響旺電係見過有，直覺覺得果個雞野黎，
不過唔等得啦！等到周圍有賣時可能部機已經殘，
無計啦你做獨市唔幫襯你唔得啦，咁就鎊左三舊幾水。
靚唔靚都用住先，最多第時再買個靚殼換番。
安左落部機度，都OK丫，唔係咁差姐~
不過唔知點解個面摸落好似有塵不過眼睇唔到。
另外買左個HUAWEI(華胃) pocket wifi五舊幾水，
講起就慶，本來部iphone4爭氣D用到個人熱點，
就唔洗浪費呢D冤枉錢買pocket wifi再另買儲值卡啦。
再買多個Genius伸縮線mouse $78，
行雲旺電都無mouse for手提電腦用條線係短D o既，
插響部機隔離要1米長托咩，又要橋起佢，
D sales問點解唔用無線？平均1個月換1次電喎米玩啦~
伸縮線mouse就最fit啦！

尋日響觀塘GH入手，328蚊送電話殼同海報，
首發黎講抵丫，呢D就係行貨控制到價格o既好處。
電話殼有Galaxy Note2、S3、iphone5版本任揀，
喂唔好諗到D玩家個個都追到咁新款o既電話先得假，
結果電話殼得物無所用，尋日要通頂搞本手電蟲，
買左都無得玩，結果都係今日正日先開始玩...
輕微舖左塵o既PS3手掣又再起動啦~
玩左一關，畫面係幾靚，場景無攻擊判定無咁爽，
過關後有片睇，手痕就試下o禁乜掣skip，
點知一o禁select掣問都唔問即skip，
(平時D Game都會問你係唔係真係skip再o禁確定)
出番menu都唔覺有得睇番段片o既選項，
唔通為左睇番段片我要再打多次？ sosad

今次係為左手電蟲通頂，
上次5日砌本野比人話，
所以想快D趕起本野廢事比人入，
通一通做到朝早6點起貨，
第二日改埋print out搞埋個封面，
點知老總7點就走左無得拍版，
N神打電話去問老總，
佢話聽日先睇封面慢慢啦唔急...
結果都係要禮拜五先掟到去印廠，
下個星期一先對到藍紙......
其實話要兩日搞起唔係唔可能，
不過前題係要齊稿o既情況下。
好似呢本咁，星期一開始做，
星期四零晨三點先入十幾page，
點樣兩日內搞掂呀？

對上KFC個日式咖喱大雞扒飯就讚不絕口，
今次呢個同樣掛住日式咖喱o既名義，但非常唔掂。
佢用左好似大快活果D一哥焗豬扒飯o既石紙包裝，
揭開後賣相差就好似(我唔想用果隻字形容自己諗啦)
D所謂咖喱汁凝固晒，好似薯溶o禁住D飯咁，
無乜日式咖喱味，雞肉亦遠不及雞皇飯果種鮮嫩。
飯裡面仲有D炒蛋，唯一可取之處係份量都幾足。
唔知係我食果間分店處理得唔好定本身個飯就係差，
如果佢D汁係流質用料再新鮮D或者其實唔錯？

除左同人活動外響香港真係無乜人賣UL相關物品，
見蔥西個plurk先知原來香港有引入UL 2週年周邊，
不過只限訂購，無walk in買，真係唔普及。
訂購期係12月15至1月10，得知呢個消息都算遲，
剩番兩日，尋晚都網上訂左，今日到店比錢~
買晒佢兩set總共640蚊，要月尾先有得拎貨。