今朝收到大Can send黎whatapps，
話佢公司急等人用，問我有無興趣...
做緊呢份工老細開始度縮唔多樂觀，
再做落去唔似有前途，考慮左半日，
食過晚膳後抽空撥個輪去打聽下詳情，
響牛頭角番工，人工仲高過衣家份工，
仲有得叫做跳出雜誌呢個框框，
最重要係只要我答應唔洗in即請！
條件好吸引，更加令我有過檔意慾，
好可惜做緊呢份工仲有D野令我放唔低，
唉，唔通要白白錯過呢個轉機？
真係黎得不合時宜呀！
 

尋日響屋企砌完稿，今日帶番公司開睇下有無問題，
一開之下完全無遺失字體或連結，運作正常！
你睇人地PC幾大方，PC用到o既字mac機都食到，
調番轉mac機用到o既字PC全軍覆沒一隻都食唔到。
仲諗住PC真抵讚時，確實開心得太早，
out pdf果陣全部PC用到o既字都食唔到落去，
有無搞錯？食唔到一隻半隻都仲話啦...
想整個mac同PC有亙換性o既平台姐洗唔洗咁煩呀？
 

較早前裝好晒D排版系統，今日就實測啦，
明明同一款fonts但好似mac轉去pc會認唔到，
開番公司D稿又要族個族個轉番D fonts好煩。
pc同mac o既hotkey係個alt位同ctrl位調轉，
簡單啦，只要將pc d hotkey都轉alt位咪得囉，
例如將undo o既ctrl+z轉做alt+z，即刻順晒。
屋企部機開D幾十Mb大過個mon o既圖勁快，
移黎移去無疾，爽！呢D就係快機o既好處。

一向最鐘意食o既出前一丁系列都係辣味，
尋日見有隻差唔多包裝但橙色o既辣海鮮味，
今日試下咩料，味道方面其實同辣味差唔多，
只係多左陣酸味，都係平時食開隻辣味好食。
其實正所謂一辣遮三臭，有辣味係無得輸，
辣味係可以抵消好多唔好味o既金手指，
記得以前響大排檔食個勁淡o既唔知咩麵，
為左完食倒左勁多辣椒油做湯即刻好味好多。
衣家為健康著想唔會咁癲啦，小辣為妙。

最近因某D事(之前日誌慄正局有提及)開燈訓教，
不過嫌睡房o既燈太光猛，平時用開60w燈膽，
想換個暗D o既，響惠康買左個8w o既慳電膽，
前後爭差唔多7倍幾？(盒上寫住相等40w輸出)
咁即係之前燈膽開1個鐘等於呢個開7個幾鐘？
係又抵玩喎，盒上仲寫住Ultra Bright，
呢個反而唔要，我就係要暗D嘛，仲同我Bright?
不過又無無Ultra Bright o既盒或Ulra Dark呢...
另外平時再響個燈度加一浸報紙包圈以減亮度，
換燈膽時發現報紙有一個燒焦左o既細窿，
原來之前單靠長開燈o既熱力都足以燒穿報紙，
諗起都幾牙煙，都係要再諗諗計。