每逢星期一Laurence都會路過觀塘，
咁我就盡地主之義帶佢食觀塘美食，
上個星期帶佢食過麵屋武藏，
今次就帶佢食以咖喱為主o既CoCo，
呢間係Royce推界，之前同佢食過一兩次，
據說CoCo係黎自日本o既餐廳，
Royce去日本旅行都見到呢間野，
甚至響吉之島見過有賣CoCo碗麵。
CoCo o既咖喱汁真係好好味，不過好貴，
平均食一次七八十蚊落樓走唔甩。
今次叫左個咖喱豬扒飯，$65蚊加一，
好在餐廳亦有水供應，唔洗叫多杯野飲，
不過d侍應無乜針水o既意識囉，
真係想等d人食到口乾叫野飲。

今季新番之一，京都製作作畫有保証，
(but人設好有k-on感覺，又係果D細腳比例)
講述退役(?)中二男主角被現役中二女主角追求，
引發連番笑料，我幾buy呢個梗！
有相同電波o既人走埋一齊其實好幸福，
如果男主唔係要逃避中二病，呢個邂逅幾浪漫，
(咁咪Good Ending囉，仲邊有得做落去？
有o既，睇住兩條友日日搞事唱雙黃齋胡鬧劇)
又講真，現實要有劇入面呢種程度中二病，
要有好高o既轉數同埋急才，唔係人人都可以，
所以男女主角係其實好有才華。
套野仲有6分鐘o既Lite版，開頭以為係濃縮版，
原來係完全唔同o既劇情，可以話係補完，
有交待*男主角退役之前o既日常(好好笑)
亦有交待女主角帶眼罩o既演化過程...
不過OP同ED都無左幾分鐘，
真正o既內容應該得兩三分鐘...吧

*由於男主CV係福山，所以魯魯修式語氣重現

早前響password訂左件心頭好，
今日打左電話黎叫我去拎衫。
去到個sell屎又由說我加2百蚊買多件，
睇黎睇去都係爭緊D，諗住都係唔買，
個sell再話加多180蚊買多件啦，
本來件衫4百蚊，衣家平左一半都有，
見咁平再整多件啦，就買多件裇衫，
深藍色牛仔布膞頭位加燈芯絨布。

呢兩日都專登唔提及，
諗住今日再買個蛋糕比佢驚喜。
自己又好想食下蛋糕，
唔係有人生日就搵唔到理由食蛋糕 XD
放工去龍珠餅店睇下黑森林，
(之前都有幾年佢生日響呢間買黑森林)
不過今年呢間o既黑森林用左粉紅忌廉，
我覺得白色忌廉先好食，咁就睇第2間，
行前小小有間凱撒餅店，
都有咁上下size黑森林蛋糕，價錢貴D，
好~今年就試下呢間啦~買左，
點知番屋企原來老媽都買左龍珠o既蛋糕，
咁今年就有兩個黑森林蛋糕食啦 XD
試左兩間o既黑森林，味道方面無乜分別，
不過龍珠果個響中間D忌廉混生果同啫喱，
啫喱+忌廉OK，但啫喱+蛋糕有違和感。
而凱撒果個側邊就痴滿左朱古力薄碎片，
口感方面居然係龍珠果間贏左，
但由於面頭過多生果同埋內裡混左啫喱，
整體黎講係凱撒果個贏。

開呢個慄正局分類無諗過會寫左咁多篇，
其實真係寧願無乜野寫比較好......
既然有就寫啦，希望之後唔好咁多自己經歷寫。
話說上個月鬼節驚見蜘蛛影之後，
果個月間唔中都會訓教無里啦更醒左見到黑影，
例如上個月14號零晨都有一次嚇到驚叫o既經歷。
雖然最近都無怪事啦，不過都好有心理陰影，
直到衣家訓教都訓得唔安樂形住形住，
(亦有比好似響屋內發出o既「擦」一聲嘈醒左)
呢排都唔敢山埋門訓教。
以前幾年黎都係自己一個住響同一個單位，
一D驚都無，有D唔明當年o既自己夜晚點樣過...