尋晚溜冰跌親，溜完冰仲去跑步徑援步跑，
跑左2千幾米(每6百米休息幾分鐘重覆幾次)
今日發覺傷處比尋日仲痛，右腳可謂舉腳艱難，
做援步跑o既動作都困難，真係唔明尋晚點跑。
原來跌親第一日係唔痛，第二日先黎料...

今次終於掌握到滑行o既技巧，用右腳做重心左腳推，
即係右腳果邊滑，仲未做到雙腳梅花間咁滑。
今次平衡感好左好多，響冰場上動作都無上次咁核突，
著住冰鞋響正常地面移動亦出奇地自然，
無左果種踩高橋o既感覺，以第2次黎講我應該算大躍進。
我學好多野都係自學，無上堂無專人教，
包括魔術、結他、踩單車，所以溜冰我都要自學！
可能走左好多冤枉路，我發現其實唔洗咁快落冰場踩，
第一次學溜冰應該先習慣響正常地面移動，
由左搖右擺行到穩定，然後落冰場時扶住欄杆行，
係「行」唔係滑，未學行唔應該學走，
當行到穩定一段時間後，再嘗試加快速度，
然後先去揣摩滑行o既技巧。
今次都跌低過，學一樣野點都要嘗試跌低再爬起身，
當年學踩單車又何嘗唔係跌左好多次？
不過建議唔好簡禮拜六學，個場勁多人，
又要限方向走，如果有人響欄杆位卡住，
而自己又唔可以離開欄杆，就只有棟響度等人離開，
擺明浪費時間，d工作人員有心歧視d唔識溜冰o既人，
一定要上堂學呀？唔比人自學呀？

明明自問也算口齒令利，但對著她也變得結結巴巴。
明明練習了很久的魔術，但對她表演仍然失手。
明明很想約她，但仍是卻步。
越是想表現最佳狀態越是不能最佳狀態。
能夠面對她的時間只有這麼短，
在這短短時間內要發揮最佳狀態更是難上加難，
她不在場的時候整個人鬆口氣，空間也變得舒適了。
究竟我和她何時才能更進一步？
只要過了這關才能面對她也也很自然吧？

凡事總有第一次，咁人生第一次溜冰就獻左比今日。
比多7蚊租個locker，但著完對溜冰鞋打埋幾個結後，
先發覺行唔到去locker咁遠，感覺就好似踩高橋咁，
無諗過著左溜冰鞋響原地行路都咁有難度，
結果原定諗住擺locker o既物件就咁hea響椅底...
不過好多人都係咁，唔係帶咩貴重野係唔洗locker。
步出左溜冰場後，難度激增左，要企都企唔穩，
全程都係貼住個扶手漫步，由8點幾行到9點5。
完全明白d老人家或殘疾人仕學行路o既感受，
因為我落到冰場d動作就同佢地無異，
眼見其他人響個場度自由自在咁滑行，睇落好易，
仲要好多個款似幼稚園細路，佢地得無理由我唔得假？
原來真係唔得，個幾鐘後頂多能夠勉強唔用扶手行路，
睇住d細路做出自轉幾個圈，甚至垂直一字馬自轉，
呢一刻我覺得佢地係天才囉！可以參加奧運！
我無諗過要玩花式，只係要響溜冰場正常移動炸。
一直以為去到個冰場應該好凍，我著1件短袖T-shirt，
全程都係半出汗狀態，完全唔覺凍。

很想和妳一起去日本旅行，一起穿著和服，
在滿佈櫻花樹的街道漫步。
很想和妳一起繪畫，合繪同人本，
一起cosplay出同人活動。
很想和妳一起下廚，品嘗妳煮的美食。
很想和妳一起打電玩，很想和妳一起看動漫，
很想和妳一起看電影，很想和妳一起生活，
好不容易在人海中找到智趣相投的妳，
在我心目中妳是最完美，妳是天上有地上無，
我不能放棄，我要和妳在一起。