以前通常都半年先剪一次髮，
由於轉左短頭髮關係，
衣家隔左兩個月就剪一次。
對上一次剪髮係年廿八(1月21號)
本來側面兩邊想剷得再青d，
不過細通都話巡序漸進咁適應啦，
唔好一次過變得太勁~

用左十幾年o既提款卡，第一次食卡，
話說我o禁完提款果陣部機出番張卡出黎未出錢，
想用手機抄低個結餘，諗住籍似控制開支預算，
抄緊途中張卡自己攝番入去，前後應該唔夠十秒。
然後出番未入卡之前個畫面，其他人可以入卡，
當然呢個時候除左入另一張卡之外o禁乜都無反應，
第一時間打比客服，佢話要下個禮拜一先拎得番，
搞錯呀洗唔洗咁耐呀？要拎第二日都拎得番啦！
本來仲諗住去CAMPER買鞋衣家打亂晒算盤。

她的性格、她的舉止、她的一切，都是我最喜歡的類型，
如果注定跟她沒有結果，我寧願這個人不要在我生命中出現，
因為她只會帶給我多餘的思緒凌亂、徹夜難免的感受，
我沒法控制，沒法令自己不想著她，
她也不能當朋友，階因接受不了眼巴巴看著她跟別人一起。
能夠做的也做了，不能進一步只能無奈停滯。
這種感覺最不好受，究竟要何時才能停止這種局面？

我一向都覺得今代次世機(PS3、XB360)無乜突破，
係，畫面係靚左，但又未升華到另一種層次，
唔計體感玩法(查實體感舊野出落PS度都得啦)
相比起超任轉去PS1，PS1轉去PS2 o既轉變，
當時一出真係有眼前一亮o既程度，
PS2轉PS3只係圓滑少少同埋可以放高清電視，
well，對於無高清電視黎講，有人話同PS2無分別。
即係轉捩點係可以放大d(都要有HDTV)黎玩唔起鋸齒。
好似隻GVG EXVS，根本出落PS2度都桌桌有餘，
硬係要出落PS3度屈人買機。再講PSV隻TOIR，
直情係PS1畫面黎，反睇3DS隻Bio，話係PSV都有人信。
其實去到呢一代，畫面好壞係睇開發商功力，
睇番當年PS2隻BH4，華麗o既古堡場景設計，
一草一木o既雕豕塑造出黎o既廣闊世界，
又再睇下衣家PS3所謂最新o既高達EX VS，
簡陋o既3D建模，仲有果d草地貼圖，一d都唔自然。
同一張宣紙同一枝毛筆，比個畫家可以畫出華山絕景，
比個小學雞只能夠了堆鬼畫符出黎，
唔關枝毛筆靚唔靚事，係睇渣筆條友o既功力。

繼上期R左一版book B寫Game稿後，今期有4版都係我寫，
仲係book B o既大Topic，由到現場攝影到排版一腳踢。
就係報導C3，不過擔誤左唔少時間，搞到禮拜一晚通頂，
好衰唔衰禮拜六日屋企網絡癱瘓，無辦法上網搜集資料，
迫不得要響公司搞埋佢。