唉，平時又唔黎趕稿，出MH3G先黎趕，
星期四、星期五都無乜玩過，係公司做到十二點，
不過蝕左兩日進度今日彌補番晒~ XD
今日都做到夜晚九點半先放工，搵Laurence幫手打，
好在HR3都接到HR4任，打左兩舖碎龍(其實得佢打XD)
Laurence話佢把太刀要d黏菌好血尿，仲要5飛，
不過我第1局派左1飛黏菌，第二局派左4飛，
夠料整把碎龍太刀！(只係爭D採任掘到o既石)
零晨三四點送走左Laurence，都忍唔住要試刀，
爆破屬性真係好勁，爆果下條龍多數出硬直，
5針搞掂隻村土砂龍，連佢著草訓教o既機會都無。
然後順便打上位狗龍裝d料~

其實牛奶味關冬季乜事呢？
上年GZone d同事勁話好好食，
又話買唔到就用牛奶倒落海鮮杯麵代替...
今晚終於一嘗此麵，一撕開，
見到根本就係將堆奶粉審係上面，
臨左熱水後傳來好濃郁o既牛奶味，
不過真正食落口又唔係好覺奶味，
整體而言又未至於好難食，但都係麻麻地。

12月10號正式推出，但12月8號香港已有偷跑，
放工就落188，見到GZ舊同事emi、tsuki、六蚊佢地，
問佢地買到未？點知佢地話無興趣而且無機...
兩層兜左兩個圈，都唔見有人show隻game盒出黎，
唔對路喎，族間族間問啦，問左7~8間都話無or賣晒，
心諗唔洗咁癲呀fa？炒到咁貴都係賣得晒？
正當放棄諗住出旺角之際，問埋1/F角落頭果間，
點知有喎！個老細響櫃抆隻game出黎話$780，
當然即刻科水啦，再買埋個專用pad $180。
以前o既心態係問一間無就間間都無，
衣家改觀啦，真係唔問晒咁多間都未必無希望。
點解咁急買？聽晚遲收工都唔得閒出去樸game架啦。
一入game個3D開機畫面極度震撼！亞煩達級數！
跟住創人改名，搵左好耐漢字都搵唔到幽浮呢個字，
以前psp版都改到，唔通3DS版個漢字少好多選擇？
玩左陣都未打任務眼訓得滯訓左先。

尋晚放工番到屋企，媽媽就話係有d問題，
是咁的，媽媽陪我係樓下，老豆自己一個係樓上訓，
訓訓下聽到媽媽間房個梳妝檯櫃門「啪」一聲，
佢以為係媽媽就問「你又話落樓下訓o既？」
之後佢發現屋企得佢一個，驚到全晚都訓唔到教...
我媽就懷疑係有女鬼想搵梳，所以搵佢個梳妝檯...
我媽就覺得係架單車有野，自從買左架單車番黎，
屋企就接二連三發生怪事，我心諗點會呢？咁arm姐，
架單車係全新o既，我睇住d職員拆盒再組件，
d零件仲包住晒好新淨，唔會係二手野。

因為上個禮拜Laurence單野(11月26號個blog有寫)，
然後媽媽落左黎樓下陪左我幾日，禮拜五佢番上樓上訓，
果晚又得番我自己一個係屋企訓，又訓得唔好，
訓訓下個廳出現撕紙聲醒左，咁o既情況發生左兩次。
始終到左冬天又無開風扇又無冷氣，四周圍顯得格外癖靜，
跌枝針落地都聽得清楚，所以一有怪聲就好明顯。
禮拜六晚都訓得唔舒服，雖然無乜聽到怪聲，
但都唔知點解醒左好多次，唔能夠一教訓天光，
對於Laurence單野o既心理陰影仍然係揮之不去。
禮拜日晚媽媽再落黎樓下陪我，又可以一教訓天光。