為左趕稿初二都番工，不過12點番到去望住公司個鐵閘，
呢個moment除左擘大口之外都無乜野可以做，陰工。
老細又話吉日開工，落到樓下問番實Q話老細有黎過拜完神就閃左，
算啦既然係咁我都索性收工啦，反正又唔係真係多野做到咁。
行過觀廣一眾Game舖無開工，但見有條友拎住隻Bio Hazard，
走上前問佢邊度得黎？佢指觀塘地鐵站果間Game Hits賣$550，
隻Game官方就定左1月26號出，等得佢出都放完假啦，
放假無Game玩好無隱，好在佢偷跑趕得切放假有得玩，
落到地鐵站Game Hits即磅水唔傾，無落訂就咁walk in都買到，
今日落觀塘總算無白行一趟~

當初簡綱上行又貴又慢就係貪佢夠穩定，
但呢一兩個月黎又係頻密斷線，上網都上到好火！
好在呢排無乜煲開online game。
Royce話玩MHFO，早兩日入番點開番出黎諗住陪佢玩，
你知啦MHFO個腦殘介面，每次開Game都要load成個字，
入到去斷線就強行彈Game，又要再load番入個介面，
前前後後咁樣斷幾獲，爭d慶到掟掣。
斷左線去番login畫面度唔得咩？
係要彈Game，想控制人流唔比人狂登入呀？
人流多咁做我唔怪你，不過隻Game都無乜人玩啦，
仲整埋d咁克人憎o既系統真係趕客。
係斷線就同我斷得雲巡d，直情上唔番，
唔好一d時間幾個鐘唔斷一d時間幾個鐘狂斷，
最憎最憎無定向間歇性失靈，
搵人整完都唔知係唔係真係整番好，又要時間觀察。

下左決心放棄keep左差唔多十年o既髮型，
(大約由讀完聖伽利亞開始到衣家o既髮型)
專登趁隔幾日新年假改變形象無咁唐突，
都係搵番搵開o既細通，拎埋本快週刊去，
指住安志杰個頭話要剪呢種髮型。
(當然剪完之後一d都唔似安志杰啦 XD)
人地話新年剪髮會貴好多，
不過呢間就響門口寫到明無起過價。
埋完單連本雜誌都唔要就咁擺響佢地檯 XD
(緊係唔拎走啦，髮型屋咁多頭髮。)

一日番工正常當8粒鐘，我就一日番左25小時，
即係番左人地3日o既份量，由16號11點番到17號12點。
連番左唔夠一個禮拜o既新人都要番廿幾粒鐘，
唔係唔做，唔夠訓根本無精神做，出唔到貨。
好在17號12點放左工就18號先番，其實都蝕左啦，
番左3日o既份量先補番半日假，番到去當然昏睡啦。
繼上個禮拜後再次放suki飛機，對唔住，我都唔想。
本來話本繪本要上星期五起貨，之後答應左17號做，
結果17號係訓教...

昨天中午收到Keye的來電，他知道我認識法科師傅，
問關於幽科事儀的東西，當時我也不以為然，
然後他說Emily今早走了，完全來不及接受這件事。
不是病倒、也不是生無可戀自尋短見，
只因醉酒失理智而掉下橋，只是25歲，多麼的不幸！
早兩個星期她還來電邀請我出席聖誕朋友聚會，
我因為要上班而推了，沒想到那是見她的最後機會...
回到公司也上Yahoo和蘋果日報網搜尋相關的報導，
的確找到了，而且蘋果那篇還有圖片......
自私的我不想一個人面對，忍不住告訴Royce，
好讓多一個人跟我分擔這份情緒，
也害到Royce很痛心，不能專心工作，對不起。
我也要面對排山倒海的工作，也沒有心去幹，
明明已經笑不出還要強顏歡笑面對公司的同事，
甚至覺得在這種心情下還能交出好設計有莫明的罪疚感。
八點左右易拎來電，原來她從Kaka那邊也得知這個消息，
並責怪我為何知情又不及早通知她，
我不知道人家想不想把消息揚出去，始終也是悲劇，
所以認為由Keye決定宣佈與否比較合適。
約零晨兩點，我仍在公司工作，好像有一刻耳鳴，
聯想起會不會是Emily來找我，當然只是假設。
三點多強哥來電說Emily找過他對他說「做乜唔採我？」
「比鬼責好舒服咩？」「點解點解點解」
如果這是真的話，她的確很不甘心，
當然不排除是強哥由心理產生的幻聽，這也不能怪他。
零晨四點、六點強哥也先後來電了幾次，說不能入睡，
要不是我仍要面對公司的事務我也可能陪他聊到天光。
諷刺的是，這海量的工作是給我的麻醉藥嗎？