呢隻TO無雙促使我有次世代手提遊戲機之下都要玩番PSP，
估唔到首發即日就已經有邪道玩，PSP防線可謂不堪一擊...
玩左一關，粗略簡評一下玩後感，一開始原來可用人物得幾個，
我就揀左TOX果隊，王子答妖精美女，呢pair算係順眼o既官配，
(話說有好多pair都九唔答八，例如TOI Luca配綠毛...)
估唔到配Mira果位澤城美雪係用番AB岩澤果把咁男仔頭o既聲，
arm arm玩左一關，d敵人打落去無乜質感，
無得吊起半空吊住吊住，無得鞭屍亦好唔爽，
(無計，呢排玩開PSV隻RO，難免將果隻d戰鬥系統拎黎同呢隻比較)
第一關o既大佬係TOS果pair，打死左連條屍都見唔到，
真係幾時殺左都唔知......

唔係首發或首週買，今日先響Game Hit $450入手，
之前係youtube睇過d畫面硬係爭緊d野又講唔出，
應該係感覺上似PS2質感，須鐵拳6已經係PS3引擎，
所以對畫面有所期望亦係理所當然。
諗住youtube睇唔清，實機體驗或許又唔同，
結果親身渣上手後，的確係PS2感覺，
加上個mon又細，立體左都補救唔到。
而立體程度亦偏弱(相比起3DS版街霸4)
或者暫時只試過練習模式，玩埋街機模式可能好好多。
操作方面，Y+X、Y+A都係難o禁，斜下依然係會變下。
隻Game賣大包送埋電影版，而且仲係立體，
可惜都係衰mon細，寧願要個mon大d無立體。
再講，電影o既立體又係紙版立體囉，層次唔分明，
亦無人物輪廓弧形線條(相比起MH3G op)
喂ngbi乜你出親d game都咁無誠意架？
PSV隻RR又偷工，PSV隻TOIR仲係PS1畫面...
不過鬼咩，對鐵拳有情義結，點都要買架啦。
哇呢一個月內真係大出血，又PSV、
又BH、又TOIR、又重力、又RO、又鐵拳.....

facebook card game一隻，人設好靚，
唔多like o既係好多時勝負取決於運氣，
即係呢個回合係近距離你抽唔到劍牌只有捱打，
如果遠攻你無槍牌同盾牌就乜都做唔到。
唔見得能夠以技術去扭轉局勢，
佢派槍多咪拉遠距離用槍打，
佢派劍多咪拉近距離用劍打，就係咁。
都唔係好明個系統，隻怪攻擊10我防禦9，
我心諗扣1姐，豪比佢啦，點知一野扣6，
點呀？果5攻擊係邊度走出黎？
衣家o既方向係整一套靚deck去升呢，
但暫時除左用2000Gem買d初期卡外，
就要用唔知點先得到o既抽獎卷去抽...
(近期乜野補償每日登入派1張直至2月23號)
用3張卷可能係抽到張唔知有乜用o既金幣牌，
見高登d人兩頁卡簿都係角色卡真係唔知點草番黎，
(可能人地玩左兩年先有咁o既卡量...orz)
又無貨金卡喎，要貨金都係買卷抽，
60fb credit有10張，110fb credit有20張，
1000 mycard($265)點先得2百幾fb credit
痴線，即係2百幾蚊只係買到40張卷炸！
1000mycard點=1000fb credit就合理d，
仲要抽到垃圾喎，所以話貨金抽獎最屈機！

又係公司聽恐怖在線，講到靈櫻點解纏老母唔纏老豆，
袁師傅就答因為男人本身有福氣護體無咁易搞到，
點解果個人生出黎係女人階因佢福德唔夠，
又話佛家思想無男女平等，要做佛先要做男人。
你睇自古至今有邊個佛係女性？
跟住潘生附和，又係o既，女性生理同心理都無男人咁好，
又有月經又要忍受生仔咁痛之類，但我好唔同意呢種講法，
如果計福德，起碼靚女已經比醜男更有福德啦，
做女性只要唔係太醜就有男士為佢獻恩勤添，幾幸福。
講番點解靈櫻只纏老母，咁d BB係亞媽個肚架嘛，
落唔落仔係取決於老母(如果係老豆指使呢？)
如果個老母係要生出黎拎枝槍指住佢個頭都阻佢唔到架。
呢種講法就有說服力好多，關福德咩事姐？ -_-"

好多時玩game前都會先要求入你個名，
呢個名可能係代表你個角色或人物。
Biohazard:Revelations一開始都會要你入，
我心諗，d人物都定左名啦，Jill就係Jill，
Chris就係Chris，無理由改得架？
改左可能係Raid mode代表自己個角色，
唔啦，之前見識過BH4 o既獵奇死法，
鋸甩頭、爛面毀容、插穿肚、腰斬乜都有，
改自己個名都唔方有好野，所以改做Mon Hunt，
點知打Raid mode見到d怪有刷過o既玩家名，
同我打過Raid mode o既朋友o既名都有出現，
即係意味d朋友中左感染變怪仲要比你射爆，
幾咁唔老泥，心諗知你隆野啦好在無中伏。
比朋友打Raid mode見到有隻怪叫Mon Hunt，
佢咪打囉，打Mon Hunt之嘛，又唔係打我 XD