ANOTHER
今季首推呢套，PAWORK製作畫質比seed重製版好多多聲，
之前套花開物語都神作畫，不過睇呢套你無時間慢慢欣賞畫面。
故事引人入勝，講一個校園被咀咒o既傳聞，
第三話亦出現獵奇畫面。
OP一聽段前已經估到係Ari Project野，真係估中。
Ari都係走唔出果種曲風，聽得多的確係會納悶，
響其他人唱唔到呢種風格時，當係佢o既獨有特色都不失為過。
如果呢套係原創劇就完美啦，可惜早有漫畫版及小說版，
好多人都知道往後發展，做唔到好似廢怯果種討論潮，
大家估估下先至好玩架嘛。

戰絕歌姬
一開始就話女主角(?)已死，之後倒序法兩年前，
好似吉崎觀音筆下o既開朗型女生好歡樂o既生活同埋戰鬥，
女主角cv係廢怯小圓o既悠木碧，ED畫面亦濃厚o既廢怯feel，
意味住有腹黑o既發展？玩向陽畫風+獵奇劇情？
鬼叫廢怯hit起咩，不過都有令人追睇o既吸引力。
GAF有人估可能果d NOISE其實係化左灰o既人演變出黎，
點解有呢d NOISE又係要維持生態平衡之類o既原因。
翼對響不懷好意，如果翼殺響呢套會係神作(三日月夜空理論)

BRAVO10
原著係漫畫，戰國時代作背景，以真田幸村果方作中心，
按照歷史真田都係輸家，做乜最近咁多戰國作品搵上佢？
人設討好，打鬥場面都唔差，值得一睇。
不過真田幸村人設係個怪叔叔，
相比戰國BASARA果種帥氣少年出入好大...

BRS
純粹因為人設夠chok吸引到我睇，睇完係一堆問號。
之前o既OVA版都已經係咁，呢套又係，
我寧願佢用Game版o既故事設定。
黑衣想同小鳥遊做朋友搞到好似溝佢咁，
又面紅又難為情，想點呀？
咁純潔o既友情又加入大量虐殺畫面，
BRS係咁比坦克碌過鑽心口鋸肚搞到噴晒野，
但BRS絲豪無損，反而仲將敵人個頭切埋...
而人樣方面OVA版(藍色水手服)明顯穩定好多，
TV版有d崩壞o既位，小鳥遊帶左眼鏡仲娘左。
(之前其實幾like dead master o既造型架)
反而BRS只係套住個黑色胸圍加件外套咁唔撿點，
有違一名走型格路線o既戰士氣質，著得密實d好d。
的確動作場面一流，飛天落地大砲變蓋特機槍等，
如果呢套野只係裡世界，無左真世界果part好好多。

輪回之拉格朗日
個名想點？女主角係個充滿正能量兼有d材能o既女生，
又係叫小圓，比外星人搵佢渣機械人打使徒(?)

偽物語
繼承化物語果種浮誇o既表達方式，
長期有果種急口令到咬親條利o既對話，
基本上睇字幕睇到好辛苦。

發售首日係觀廣買到中文實體版連特典$429，算係咁啦。
起初幾間鋪都無陳列，要問先肯拎出黎，唔問就走漏眼啦。

估唔到咁好賣，尋晚落旺角都賣晒，搞到白行一趟，
聽講之前旺角賣$699都火速售罄，d人洗唔洗咁癲呀？
行過觀地鐵站GH正想問有無，未開口已經有條友幫我問埋，
可想而知係幾有市場。keep住check gaf睇市場最新動向，
有人報話188有，放工即刻仆去買啦，去到行雲一樓都無，
見到樓梯口有條友一路行一路拆緊RO個玻璃套，
衝上2樓真係見到有，賣緊$638，正尤疑緊買唔買好，
whatapps比CY話佢知188有，係呢個過程中，
前前後後有兩條友買，計埋樓梯口見到果個，
短短唔夠10分鐘已經響我眼前賣左3隻，再唔買就無啦，
即鎊水啦，連貼左價錢陳列響玻璃櫃果隻都比我買埋，
相信呢隻係當日last果隻，真係遲多步都撲空。
番到屋企玩左陣，心諗只係情義結先玩姐，
唔會好得過芒亨，丫~玩落出奇地爽快，亦易上手，
開左隻劍士，可以將d怪打去半空再空中air combo，
將d怪打番落地又可撞暈其他怪，空中打緊又可即刻dash，
dash完未落地又可再打，好自由，無芒亨咁硬直，
就好似gundam seed爆左speed mode咁，
可以格鬥step cancel格鬥咁。
不過隻game d怪差唔多全部新面孔反而令人失望，
寧願佢新瓶舊酒出番以前d巴風特、虎王、皮利恩仲好，
呢d係玩過RO o既集體回憶，實吸引到龐大o既RO老玩家。

Biohazard:Revelations有連線拹力模式，就係Raid mode，
今日收左工約Laurence出黎老地方試下個Raid mode，
當我抵達Pacific Cafe時個職員埋黎話就收工，
唔係fa？禮拜六7點收工？佢地話全線PCC都去食開年飯，
都唔識做生意o既，要食開年飯都係揀閒日唔好響禮拜六啦，
咁轉駕部去Starbuck，好在無幾耐都霸到個插穌位。
話說要開Raid mode首先就要清左頭三個EP，但我進度援慢，
都仲玩緊EP3，唯有硬住頭皮即場完埋任佢。
頭兩EP都無乜野，EP3個大佬先惡打，唔出場個場都仲係冷清，
一出場就唔知點解四圍都多左好多銀針粉，
要一邊打大佬同時應付其他怪，好在第二次都過到，算係咁啦，
係咁引佢埋d滅火筒(?)附近爆佢，然後埋去畜力體術佢，
消滅大佬後用晒藥草頻死狀態，但EP3仲未完，仲要走到老遠，
要行番之前行過o既路，如果中途多隻怪突襲又要再打過，
幾驚，好在直至EP3完之前一隻怪都無出現過。
玩過Raid mode，兩個人都用Jill咁就兩個複製人咁好怪，
打到Lv4拎左枝2000攻擊力o既密林，再入番stage1試槍，
雖然反動大，裝填速度慢，不過大部份銀針粉都1槍1件，爽。
跟住落老M例行公事都打番幾舖MH3G啦~

響觀廣頂層以$3070入手3G豪華套裝版，
本來係$3380 o既uncharted同綑版黎，
查實我對uncharted無乜興趣，呢隻仲係外判出去，
唔係原來o既開發團隊Naughty Dog製作，更加無信心。
當時又無剩機或其他同綑機賣，老細話可以換其他Game，
老實講，PSVITA首發o既作品唔多吸引，揀唔落手......
老細話一係連game都唔要平$310，咁就解決我o既煩惱，
好！殺你！呢次應該係我第一次買機唔買Game~ XD
拎張卡出黎o既時侯老細拒絕話碌卡會收佢地手續費，
要佢陪同之下落地鐵站ATM提款，感覺不良好......