為左今個禮拜日響CWHK cosplay，
呢兩日都響旺角掃貨，包插：
假髮$2XX、恤衫$118、背心$2XX、領呔$38、
紳士帽$50、公事包$100、間條西褲$238
要cos o既角色唔洗特別訂造衣服，
就咁買都買到，夾埋o既費用亦唔過$1000

無線滑鼠係方便，但有一極大缺點，
就係耗電量大，要經常換電心，
但無線keyboard無呢個問題，
基本上入一次電可能可以用一年...
不過由於家中同時放置兩部電腦，
如果唔用無線o既話D線一定kick到傻。
局住用無線Mouse啦，但點解無得睇電量計？
如果Mouse睇到剩番幾格電，
咁可以唔洗等到用用下突然失靈先換丫，
起碼響就快無電前都整個低電量驚告丫！
打緊onlinegame果陣滑鼠突然停左好大獲架！
可能跌經驗要打番幾個鐘頭先回得番。
Mac OS D Magic Mouse都有呢個funtion，
仲可以隨時check幾多%電添。

點解D人好地地有Winzip唔用，
硬係要用Winrar去壓宿檔案呢？
唔通Winrar比Winzip真係壓多好多？
呢層我無深入考究過，不過壓多幾多丫？
唔會100MB壓到變10MB呀fa？
想當年56K時代，網絡空間亦唔大，
慳得1kb得1kb用壓得更勁o既軟件無可口非，
時至今日仲根根計較果一兩kb?
衣家用得壓宿都係要一次過包起一堆file，
又或者上傳空間唔支援某D檔案格式等。
而唔係用黎慳位，基本上係夠位就夠位，
係唔夠位點壓都係唔夠位。
早響Windows XP就預載左zip程式，
唔洗專登另行走去Download Winzip，
唔好同我講話部腦無裝Winzip先去用rar。
番到公司用MAC機，見到D rar檔就激氣，
偏偏好多download電台節目重溫都係rar檔，
等左十幾分鐘download完先知開唔到...
點解就唔可以用隻普及D o既壓宿檔呢？
用新電腦，都要專登走去安裝埋個Winrar，
麻鬼煩，就算部舊電腦有Winrar，
次次開親兩秒彈句野叫人注冊，勁克人憎。
呢種多此一舉o既格式應該要及早淘汰啦！

再一次証明一隻Game o既成功唔洗有華麗o既畫面，
ib係一隻用RPG大師開發o既業餘解謎AVG遊戲，
畫面質素係超任年代，人物或背景係簡陋o既pixel，
但出奇地響紅遍日本台灣網絡界，
佢o既2次創作多不勝數，P網亦唔少ib o既華麗插畫，
facebook亦有唔少ib o既主題專頁或群組，亦有角噗。
咁簡單o既Game究竟點解有咁空前o既成就？
遊戲講述ib同家人一齊入美術館參觀展覽，
行下行下走失左，美術館漸變得詭異，
不斷發生恐怖事件，老實講以超任畫面有幾恐怖？
不過佢又成功帶出呢種氣氛，再加上玩家o既腦補，
就好似睇恐怖小說咁，腦補起上黎仲恐怖過睇鬼片。
ib同Garry間o既發展亦好觸動到人心，
而解謎、各種奇怪機關等環節相當有心思，
可謂以有限o既畫面表達出無限o既創意。
我無玩呢隻Game，不過睇左魯蛋o既生鬼實況，
比起親身玩更有趣味！ XD
講起魯蛋，呢條友可以話係一個鬼才，
除左轉數快，說話o既抑揚頓挫拿捏得恰到好處，
佢應該係一個好MC，好識搞氣氛。
前陣子有沉默的小鎮，一個大中天，
再加個暗女巫梗都紅透一時，可謂潮流由佢創。

話說觀塘地鐵站月台安裝幕門好一段時間，
但每一格幕門長期有職員注守，
天哪！地鐵公司有錢過頭？
話以前無幕門驚有人或物件跌落路軌仲講得通，
反正都有職員把守，不如唔好裝。
D職員又得閒過頭響度罰企發呆，
有次我睇住雜誌唔覺意踩住黃線都走黎話我，
黃線同個幕門已經有一段距離，加上有幕門，
真係驚我會hi到架車咩？真係好浪費資源囉，
最多咪一個月台請兩三人來回巡視已經好夠。
平時響觀塘站落車時比D人係咁質入黎，
又唔見D職員維持秩序「請先讓車上乘客落車」