曾經消磨左我大半年o既台服MHFO聽講今日結束，
呢個blog都唔少MHFO o既回憶，點都開題講下，
不過臨別秋波呢段時間本人都係無再登入過，
呢邊廂台服話摺，日服果邊廂仲推出G級大更新。
好在我都只係HR3百幾，可憐果D HR999 o既玩家，
人地話私服可以話摺就摺無保障，
我唔見得官服好得去邊，呢隻由開服距今兩年幾，
咪又係話摺就摺，其實計我話佢大可以唔洗摺，
只要肯set平D個月費薄利多銷都仲有轉機，
對於仲係拎零用錢o既學生黎講98蚊月費太貴啦。
另外佢又封左個HR15試玩制度，
以前無入月費都可以入去吹下水最多唔比做任，
聽講係果陣有bug可以試玩HR15以上，
結果新幹線斬腳指避沙蟲唔係fix bug，
而係連個試玩都cut左佢，無入月費login都唔比。
大佬呀，鬼知部電腦行唔行到D手掣對唔對應到？
要試要比98蚊？試完部電腦推唔旭咪白蝕？
令一班想嘗試入Game o既人大為卻步，
無新血玩家，得番D老手，D老手一走左就無晒人。
一係佢好似Diablo咁一次性收費，
起碼隔一兩個月手痕想玩番都仲會回巢丫，
想過下手癮玩兩野就要比98蚊代價太大啦，
入左錢唔玩又可惜，又要迫自己煲番，豪無彈性。
根本呢D Game月費制就係錯，仲要月費貴就超錯。

好耐無約過田中K出黎食飯吹水，
所謂擇日不如撞日，就今晚放工後食，
去佢地頭筲箕灣，全條東大街都係食市，
唔驚分薄晒D顧客咩？
佢揀左間叫澳門咖喱o既鋪頭仔，
全店得兩三張檯，應該容納唔到10個人，
D咖喱的確好食，飯o既份量亦相當多，
多到食完係有濟o既感覺。
題外話：2張盜賊門換票卷送左比Clark

呢套戲拎到兩張優先場飛同埋兩張換票卷，
不過約左媽媽都係去澳海睇優先場，
唔係D換票卷遲D先睇遲下遲下多數變放置play。
型男索女做賊，邪派亦有種壞浪漫。
雖然韓國電影但有任達華做大配角，
大叔都可以好潚，不過都要好潚咁領便當。
不過另一位中年發福o既大叔先係真主角，
全套戲o既核心故事都圍繞住佢，
人地開夾萬又要針孔攝錄又要好細心聽先開到，
佢單手開夾萬仲要同時飲緊湯，level唔同。
靚仔金秀賢向全知賢表白掩護佢而比人拉左，
結果呢段情不了了之，金秀賢杯具左。
吐糟位亦多，點解響間商場舉槍無路人喊驚？
機關槍連射一下都射唔中主角，果然主角威能...
戲中有飾演香港警察o既警司但操唔咸唔淡廣東話 =_="
全知賢同果D餘黨都比人點晒相，仲可以消遙法外？
PS:當日澳海好唔舒服，行到邊都有sales想sell樓，
傻的嗎？買樓你估買棵菜咩？硬sell就有用？
有幾多人有錢置業？會比sales講幾句心軟扑錘？
 

無諗過呢個Topic會開第二集，同樣亦係七月節，
由於聽朝早參加CWHK所以零晨三點左右去訓教，
四點左右醒左，擘開眼嚇見身邊有巨大蜘蛛黑影，
該影體積約半個人大，八條腿撐開縣掛響半空，
就好似泊響隱形蜘蛛網咁，而且維持左起碼兩秒...
嚇得我驚叫一輪，同時將攬枕fing向該影，個影消失...
亞媽衝入我房按撫我，但又奇就奇在...
響我媽衝入房之前果刻好似突然無晒恐懼感平常心咁。
然後再諗番先慢慢驚番...呢個驚嚇程度唔簡單，
之前多數都係睇到一團模糊野或黑影閃現，
都可以解釋為眼花或殘影等，
呢次呢個係睇得出其型態，仲要維持得耐，堅驚！
幸好之後訓到朝早都再無怪事發生。
不過咁大個仔，響現實嚇到咁驚叫應該得一兩次，
第一次係好細個打風出現女人哭泣聲果次，
第二次就係呢次。

1872遊花園每逢星期五都有o既環節，
係每週生肖運程占卜，我一向都唔信咩星座生肖呢D，
試問全世界咁多億人，唔講全世界只講香港啦，
7百萬人只得12種命運？即係有5萬8人有相同命運？
如果個生肖/星座今個禮拜發財即係有5萬8人同期發財？
太兒戲嘛？另外睇D星座運程發現左一樣野，
睇自己果個好似好準講中左D野，
再睇其他星座唔難發現每個星座都好似講中自己。
講D大路野就實貼中啦，例如話今個禮拜比較衰運，
人生不如意事十常八九，有邊個禮拜唔黑仔丫？
流感高峰期或轉季果陣話小心身體，容易生病，
果D日子人人都特別易生病啦。
好啦，點解特別要提呢個1872麥靈靈，
因為比呢個節目講中左兩次，
話說佢話我個生肖o既人果個禮拜容易同同事有衝突，
佢個節目未出街果日就已經同同事發生左爭執，
我心諗響呢間公司做左年幾其實好少可會同同事嘈，
咁都比佢講中係有難度，而且佢只講一樣無其他大路野，
仲要唔止一次，係講中兩次，有無咁準呀？
好，今個禮拜就話我個生肖會有貴人相助，容易升職，
我就放長雙眼睇下點貴人相助法，
你唔係好o既唔靈醜o既靈咁唔公平呀fa?!