條HDMI線都插住PS3廢事插來插去，
所以呢幾日都無開過部core i5電腦，
響P shop花多$98買過條HDMI線，
部core i5電腦得以重見天日，
証明mon同PS3都無問題，唔知好嬲定好笑。
另外再睇番P shop黑袋行版訓狗只係$330，
相比起當日買機果間足足平$100咁多，
PS3平兩蚊，HDMI同隻Game蝕左兩百蚊！
講番訓狗，衣家都係開始玩左小小，
之所以開第一回係唔排除會有第2回第3回。
衣家PS3玩game都好似電腦咁，
未玩前要install，仲要install半粒鐘...
PS3版X同O掣提示係對調左(後來已fix番)
所以開始玩好多時明明o禁左都係判失敗。
開頭要強制玩一堆追逐戲同劇情，
行遠小小又fail彈番check point重玩。
然後番到北角o既屋企先到開放式世界，
可以自由咁玩，殺人搶車乜都得。
一開始就渣架車落中環定香港仔區，
開箱居然拎左枝手槍，咁就一開始就有槍用，
然後搵屋企附近個長髮亞姐試槍，見佢擺定甫士，
射佢隻左手噴晒血，痛一痛又無事再擺番甫士 XD
然後射佢右手、再射佢左腳，痛完都繼續擺甫士，
好野呀下！不過再射埋隻右腳都係要訓低 XDD
響條街出事，D路人仲會拎部手機出黎拍片，
整game果個真係了解香港人o既心態 XD
最好笑係D路人同雜碎大多數都講粗口！
而且D對白好有心思，並唔係就咁叫人去死，
例如：「我對鞋有乜特別？專踢屎忽鬼架」
呢D真係香港人先識笑，外國人又聽唔明。
仲有上車又有中文電台，係咁播廿四味D歌。
網上有人話響中環唔知點將幾架巴士塞住條路，
跟住大塞車D司機又係勁講粗口鬧，未試過 XD
應該仲有好多過隱野可以發掘~
|
