好難得o既星期六日中秋節+國慶連假，
連放四日！仲要暫時清晒D工作(撒花~~
之前放假試過夾住D工作，放得唔盡慶，
所以呢種無工作o既連假可遇不可求。
不過今日o既節目就係無節目 XD
無去赤柱BBQ、無去維園留響屋企hea。
其實我對於出去人迫人無乜興趣，
而且番工咁耐無乜幾可連續響屋企hea，
當然盡情地hea下啦~ XD
下晝本來趁亞媽出街執下屋，
點知一上diablo3就比蔡記hold住，
結果下晝就咁比左diablo3。
搵度消失左一時o既繪版驅動程式CD，
新電腦都可以畫畫啦~
諗住夜晚就玩下同事借比我o既TOG，
打打下blog又11點半啦，都未開始玩，
唔覺唔覺咁又hea左一日啦~ XD
今個月應該破左個人最高blog數紀碌，
係有23篇blog，都係寫唔晒30日，
平時平均都係寫到三份一至一半，
原來要寫足一個月blog係有難度，
又唔想為寫而寫D無營養o既blog。

今日又執下屋，把心一橫掉緊D穿隆襪。
另外掉埋為MHFO而買o既電腦手掣，
仲有條買左兩個禮拜o既廢HDMI線。

入左呢間公司都參觀過兩次同事婚禮，
今次呢個係天主教式婚禮，
響深水堡聖方各濟堂舉行，
有神父(定牧師？)主持，
旁邊仲有班人唱聖詩咁歌頌佢地，
(其實應該係在坐每位都要唱，
不過無乜人肯跟住唱 XD)
加上教堂o既管風琴聲，有氣勢。
途中個主持講錯野，變左gap位，
例如話佢地相識七年，之後又話三年... XD
跟住響眾目葵葵下宣誓、交換戒指、簽証書，
果種氣氛係令人感動，相當隆重、神聖，
雖然我唔係天主教，但天主教婚禮感覺華麗，
第時結婚都希望搞天主教式o既婚禮。
(聽講要夫妻都係天主教先搞得？)

呂少生日響澳門水舞間，正日無得慶祝，
咁就今日補祝番，幾位舊同學聚埋一齊，
簡左灣仔間King Ludwig德國餐廳大擦一餐。
招牌菜分別係腸盤同咸豬手，
咸豬手大家都知係乜唔洗講，
好肥利，個人唔係咁buy，食左少少算。
腸盤係一碟混雜唔同類型o既腸，唔錯。
仲有其他非招牌菜(?)分別有碎蛋沙律意粉、
薯餅、空心麵包裝住咖喱雞同埋菜溶...
最好食係碎蛋沙律意粉，不過唔算特色...
菜溶係D菜整落好似D糊咁，口感唔太良好，
埋單5個人食左$1360，每位$272(驚訝

每逢禮拜二又係日韓潮流雜誌埋版之期，
由禮拜二通宵做到禮拜三朝早已經係例行工事。
(不過轉月刊後應該唔洗咁啦掛)
響零晨三四點大家都無得sleeping o既情況下，
總編開住sleeping dog，仲要開得幾大聲，
一邊砌稿一邊聽粗口，氣氛歡樂(?)
隆同事係咁周街打人、殺人、撞電單車，
不斷比警察拘捕不斷發出變態o既笑聲。
(其實之前呢D時間佢地唔係Diablo3就係三國殺)
跟住聽日番到屋企又係昏睡到五點唔洗番工~