一向唔鐘意飯焦，尤其是珍珠米果D焦，
咬落去又硬又痴牙仲要好難甩。
我媽經常話我筆飯果陣用個殼刮走D coating，
所以先有飯焦，咁要筆乾淨就係要刮架啦...
今日換左個電飯煲，其實唔係專登買，
有左好耐，印花換落一直響樓上放置play。
尋日拎部舊imac上樓上順便拎部電飯煲落黎，
試下有無飯焦，邊位都係有o既，不過唔嚴重，
飯焦近乎變飯焦與未變飯焦之間，
即係擺落口其實唔覺，可以接受，當佢無啦。
我唔會再筆飯，又睇下第時係咪唔再有飯焦。

唔想用橙色燈，所以尋日買左個Warm White慳電膽，
之前買個冷白色都係白光，咁諗住暖白都係白色啦，
今日換左廁所果盞，睇下點樣暖法，頂！中伏！
原來暖白色就係橙色，好心佢寫橙色或者寫黃色啦！

本週無乜洗大錢
星期一：吉野家咖喱雞飯 = 約$35
星期二：響屋企食無乜用錢
星期三：吉野家野菜煎雞飯 = 約35
星期四：G-zone = $16
星期五：土司工坊 = $51
星期六：百佳買物 = $64、FBC = $300
星期日：無出街 = $0
TOTAL：約$500
最痛係買FBC玩UL58銅抽，最慘係無收獲sosad

我份人一向唔鐘意同人爭執，唔踩得利害都會吞左佢，
好似今日咁，我叫個記者可唔可以將layout放埋上ftp，
點知有人答訕話覺得whatapps睇好D喎...
喂，家陣我做design定佢做design呀？
我係睇住layout砌稿o既，最好print埋出黎放隔離啦，
唔通下下開著電話咁細個mon都睇唔清楚黎砌咩，
用兩隻手指放大張圖然後左移右移咁，
隔一陣部電話又熄mon，又要我解鎖著番佢？
好我忍，懶得解釋咁多，我問可唔可以將doc檔轉做txt?
因為我部機無裝word睇唔到doc檔，
點知有人話不如我去開個gmail然後就可以睇到doc...
明明txt檔PC、mac機都開到，點解唔用呢？
明明txt檔唔洗額外安裝其他軟件就用到點解唔用呢？
點解要助長呢D收費程式普及呢？
打個字之嘛，做乜咁奢侈一定要用word黎打呢？
好啦，你用word打完再copy番落個txt檔度save有幾難？
算，懶得解釋咁多，一人少句good一聲吞左佢。

睇GameWave睇到篇論文，講硬件專精化對坑智能手機，
理論上智能手機好似萬能咁，實則上周身刀無張利，
表面上智能手機都可以影相，唔會咁笨重再帶多部相機出街，
但唔計D可換鏡單反，D傻瓜相機都仲不斷出落去無停產過，
手機就算4000萬像鏡頭，像素再大只係令相片容量變大，
就算一部傻瓜機佢有光學變集、大光圈同埋D先決模式，
都係智能手機無得比美，只要想影D「見得下人」o既相，
去旅行點都會帶番部傻瓜相機，然而唔買相機o既人，
就算智能手機無得影相都係唔會買相機，唔關事。
同樣道理，智能手機都可以用黎打機會否取代手提遊戲機？
係唔會o既，骨灰級機迷就算有智能手機都會買手提遊戲機，
剩係個實體控捍操作感虛疑手掣永遠都無可比美啦，
你唔會接受到玩街霸IV用個虛疑手掣chok波囉。
所以生產商只有以硬件專精化黎坑衡智能手機，
而PSV就走錯方向，響部機度加上3G、多點觸控功能等，
搞到四不像，其實單點觸控就夠用啦，
加D唔等洗功能只會增加開發成本變相轉駕落消費者身上，
一部手提遊戲機只須要專心做好打機呢個單一功能就夠，
無必要加D智能手機功能去同iphone砍過，畫蛇添足。
不過有一點唔認同，智能手機真係取代左mp3機...