星期一：莆燒秋刀魚拼雞扒飯 = 約$35
星期二：麥落雞餐 = $21、火車朱古力餅 = $15
星期三：好地方芝士班塊撈一丁+可樂 = $50
星期四：G-zone = $16、火車朱古力餅 = $15
星期五：厚切黑豚扒飯 = 約$35
星期六：濱崎步TOX2 CD = $220、豪大大雞扒兩塊 = $50、惠康買物 = 約$35
星期日：無出門
TOTAL：約$492

 

平時響觀塘呢D井底地區都無機會一睹WiiU o既風采，
放假出旺角睇下能唔能夠見到實物，
(搞到好似睇國寶咁要專程遠行一趟 -_-")
信和係得一間電器良品有show到實機畫面出大電視，
當時show緊孖寶兄弟U，仍然係未見過Game Pad，
其他鋪就只有放盒野出黎，亦唔見有人出機。
之後落埋好景，依然係無人display WiiU，
連出旺角呢個宅中地都咁難睇到WiiU盧山真面，
睇黎呢部野o既Rare Level真係達到國寶級 =_="
鬼咩？部野咁貴，D鋪邊捨得開出黎play呀？
題外話：行地庫間海盜船居然撞到同事 XD


 

12月18發售o既WiiU都出左五日，
觀塘廣場三間Game舖依然唔見有賣，
只係有賣幾隻WiiU Game囉...
機都無乜人有賣Game黎托咩？
上forum睇下出面賣幾多錢，
痴線，賣4千8，比原價炒貴二千！
洗唔洗咁狼呀？

記得以前食過厚切吉烈黑豚扒飯，
果種有份量o既肉質確係唔簡單！
不過都消失左一排，衣家出番！
連同蒲燒秋刀魚拼雞扒飯，
仲有一口黑豚定食一齊出現，
禮拜一食過個蒲燒秋刀魚，
秋刀魚最煩人o既就係周身骨，
佢燒到D骨無晒威脅力，
不過咬落都仲輕微feel到有D骨慘慘。
可以盡情享受秋刀魚o既滋味。
要扣分o既就係等好耐(超過十分鐘)
同埋有菇(呢個係我私人扣，我一向憎菇)
本來禮拜二想再接再勵食佢第二個和風，
點知落街落雨，懶得番上去拎遮，
只好響最近o既M記食個麥樂雞餐解決左。
今日終於要試番久別重逢o既黑豚啦~
又係唔洗比飛等叫number，依然係耐，
我上四樓睇左陣Game再番番落去都仲未有，
又唔似美心咁有塊跳字牌就算錯過左都睇得番，
上次就話可能要蒲燒條魚所以耐姐，
今次呢個頂多夾舊豚肉落舊飯再林D汁洗幾耐？
可能舊吉烈黑豚唔係一早炸定即叫即炸。
anyway講番個飯，舊黑豚肉交足貨，
飯用珍珠米大大粒，不過D照燒汁就出事啦！
苦o既！搞到食D飯好似食咳藥水咁，
求其整乜汁落個士油甚至唔落都好過呢D汁！
好在佢個汁只係污染左四份一碟飯，
結果食剩果D受污染o既飯，當減肥。


 

如無意外美版WiiU響11月18號推出，
但今日落到觀塘區完全見唔到WiiU o既縱影，
已經唔係偷跑唔係正日啦，遲一日都無？
咁觀塘區無姐，旺角深水堡有啦掛？
無時間過去走一趟，上網Gaf睇下銷情如何，
無人報價，唔通香港真係一部都無？
似乎香港o既市場反應對美版WiiU好冷淡。
呢部野最蠢o既設定就係限地區，
即係美版機玩唔到日版Game同行Game，
日版機又玩唔到美版Game同行Game，
你睇下人地Sony幾大方無分區，學下人啦！
硬件銷受好贏左個市場佔有率係致勝之道！
衣家呢部美版機香港無人問津好正常，
香港核心機迷都係偏愛日系作品(包括我)
至於歐美Game電腦都有出啦洗鬼玩你咩？