打工打到經歷搬遷公司，都係一個唔錯o既體驗，
感覺好似轉左份新工但對番D熟悉o既面孔。
新公司樓下有雲石地版大堂，感覺高級左小小，
以前香工要響個殘舊o既爛停車場答lift上去，
一入正門有個大檯接待處，不過唔係力高做，
門面亦好華麗，招牌下面有石春同射燈照住，
入到去格局好似比以前靚左，可能只係因為新掛，
廁所就誇張，整到好似大型商場果D咁，
每格尿兜都有塊磨沙玻璃隔住，仲有乾手機。
Art team篇埋一齊坐，另外3個張檯都係比我闊好多，
唔公平！我個位就比亞頭睇晒，多左份無形o既壓力。
個位仲要對正冷氣機個吹風口，超唔爽！
部水機就貼住請勿使用，不過有精漏水任拎，
搞到飲左全日凍水，可能咁個肚唔舒服，
第一日就要光顧個新廁所。
 

重遊舊地，一個我讀書時期o既地方－柴灣。
衣家都可以話搵唔到理由要去呢個地方，
今日ULO活動正正響柴灣搞，睇番D指引，
話新翠商場出天橋o既青年廣場，
第一時間就諗起下面有大排檔果度，易啦，
點知去到天橋見D路牌寫住青年廣場但指第二邊，
跟住個路牌行過去，嚇見一棟新型建築物，
原來青年廣場係新起o既好似會展咁o既地方，
入到去亦相當新淨，格局亦好新穎，
雖然都幾靚，但又未去到會展咁華麗，
上幾層睇下，有層放晒XBOX360同PS3，
比D小學雞玩下Kinet，個場其實搞乜架？
不過都唔錯，起棟大樓比人放下展覽，
搞下D event，為柴灣呢個地方增添文化品味。

見觀廣頂樓間野有得賣，$548，算啦殺佢！
反正遲早都要買(WiiU都無幾多Game可以買)
過排想買點知無又要衝落灣仔仲煩。
平盡頂多爭幾十蚊，車錢都係番度，
我又唔信過多個月後呢隻會跌到3百幾。
題外話，觀廣頂樓有兩間Game舖，
另一間真係好唔生性，居然無賣WiiU Game，
真係想講「搞錯點做生意架你？」
巡例都擺番一兩隻WiiU表示你跟得上潮流丫。

病左幾日加埋版，其實無乜點認真旭過部新玩具，
今日買埋忍外3RE，話說全個觀塘區都賣晒，
搞到要衝出188，188都好多間都無，
結果幫襯間睇落食水深o既黑店，$573扑錘。
大病初癒，點都要買多隻Game賀下佢(舉酒杯
玩左陣，只有一種感覺，我有我o禁佢有佢斬...
都唔知自己響度出緊乜，只係狂YYYYY/XXXXX，
斬到咁上下佢就好似會random出斷肢技...
可能其實有得控掣出邊招只係未熟個系統啦。
講下孖U，我對上果代玩孖寶應該仲係超任版，
玩到呢隻發覺D滯空時間、物理演算等好唔同，
跳起預左踩到個磨姑怪，點知太慢落地踩唔到，
向前行又唔可以即時剎停，以前居中佢就停架嘛。
不過適應一下問題唔大，難度都算高，
好多位都狂死，不過只要去第一關chok幾十UP，
一定唔會卡關，因為死夠幾次就有綠色感嘆號，
電腦幫你玩埋，無得輸...
 

真係要熱烈慶賀！呢位編輯真係做得到！
亦有賴另一邊art team無野埋版，
可以幫手，如果埋版日撞晒期就好難。
果日我仲要個肚唔聽洗，係咁去廁所，
如果唔係我諗兩點都應該走得。
我公司本日韓潮流雜誌出左咁多期書，
得兩次係可以唔洗第二朝答地鐵收工o既，
一次珊姐睇咩野流星雨，呢次就係第二次啦！
一個月有兩日通宵，本野都出左超過一年，
一年12個月即係有24日通宵！
唔覺唔覺都通左廿幾次宵啦...痴線！