無記錯2011年全年都無大病過，最多都係D傷風、感冒果D，
今年年尾先黎料，而且係頭暈身慶+腹瀉呢個組合，
本來星期四晚一放工休養到第二朝狀態都叫做好轉D，
病都未清乾淨又要坐響有冷氣o既公司8粒鐘，又再奶野，
辛苦到未過尾班車時段都要答的士番屋企，
番工前食左3粒喇叭正露丸，響公司都肚瀉左四次，
計埋星期六食左起碼廿粒正露丸，依然未能止瀉，
又再一次証明食藥係無用o既！
呢幾日無胃口，口水亦分泌苦味，食乜都苦啦，
經長時間休養後，叫做回復番精神，可惜腹瀉仍未解決，
亦唔知頭暈會唔會再發作，星期二仲可能要通頂，點頂？
 

原定12月8推出的WiiU偷跑了，旺角、188等地方已經有網民報價，
比起美版索價4800來說，這次日版的價錢合理得多。
平均都徘徊在白機2800黑機3500芒亨機4500水位左右，
這個價錢以原價十算來計也差不多，遲點再買也便宜不了多少，
除非過幾個月或半年後任天堂宣佈個價格下調，
以過往的經驗老任是會做這種事的，看3DS就是了。
本來也太不期望觀塘這些宅界井底地區會有偷跑，
不過下午4時左右還是往地鐵站那家店看看，真的有貨了！
再看看價錢，如果標價差不遠就不出灣仔或旺角買了，
嗯，黑機3500白機2700，機會合理，可是Game價就500起，
其他網民報價孖寶兄弟係3百多，這家賣5百5，這不科學，
算了，明知Game價有詐還是就犯，加上今天身體不適，
放工後還要專程跑旺角或灣仔一趟，還是多給兩三百省點氣力好。
黑機連變壓火牛、芒貼、孖寶兄弟U以4200拍版，
當然叫店主幫貼芒貼啦，怎料店主沒什麼信心，
原來這也是他第一單賣出WiiU的交易(之前美版機也沒入貨)
所以他也是第一次貼這GamePad芒貼，不過我連貼的經驗也沒，
怎樣算他也比我專業，然後也順利貼完他第一次的WiiU芒貼了。
對於這台機的事，他都說不太清楚，聲稱也是第一次接觸實物。
回公司本來急不及待試玩一下，怎料首次開機要先對SYNC，
不接一次電視是不能連接GamePad的，真是有夠多餘的設定。
SYNC是電視顯示階磚、紅心、黑桃、梅花符號在Pad上輸入一次。
輸入了幾次還是不對，原來組合是會重覆的，可以是4個紅心...
這樣亂碰猜到天亮也試不出正確的組合啦，放棄了，
回家後暈眩發冷一直臥病在床，都沒有理會過WiiU了...
到第二天早上才去接通WiiPad，組合居然是4個黑桃！
初始設定一番後，玩了兩回合孖寶兄弟Pad就閃紅燈了，
原來孖寶兄弟不把那關的中首領幹掉也不會給save的 -_-"'
 

你無睇錯，係杯飯唔係杯麵。
其實早響八月日本就推出左，
不過香港唔覺有，吉之島都無，
卒之比我響Apita見到有，
當然日文版啦，唔洗旨望有中文版。
暫時只見有兩種味，
一個係cup noodle味(下姐係咩味？)
佢片假名係咁寫架，我照譯番姐。
另一隻係cup noodle咖喱味，
有咖喱味就無得輸啦，就買左兩盒。
順帶一提，兩款口味價錢都唔同，
無咖喱果隻36個幾咖喱果隻35個幾...
暫時未食住，遲D食完再寫食評。
本來係想買日清豚王出前一丁，
不過都係唔見有賣，殘念。

呢期雜誌情況唔樂觀都有心理準備架啦，
真係通到兩點先走人，係中午兩點呀。
出左咩錯呢？由過左尾班車時間開始撿討，
有2P FN、2P Bloger、1P線稿、編者話未入，
海量o既稿未執錯，未有一份轉pdf...
個FN、Bloger、線稿D相又要退地，
Bloger同線稿仲要由零開始去發揮。
content又要扭橋，到果D鐘數個腦都實左，
邊度嘔到D咩野花臣出黎？
好多時編輯都太睇少轉pdf呢D雜碎步驟，
轉一份可能前後一分鐘，幾十份都幾十分鐘啦，
個pdf仲要改下錯字改下頁碼呢？
未計轉緊中途可能字型出錯，又要由頭轉過，
(呢個設定好智障，食唔到隻字就早響啦，
洗唔洗轉到一半先知有字食唔到呀？)
結果做到兩點鐘先走人，番到去訓到八點。

寫blog鐘意用口語，不過好多廣東話都無正字，
只好用同音字去代替，例如：

襟撈、依泣、必出黎、軟林林、硬掘掘、
含罷爛、打思益、唉埋牆、姑寒、斬眼、
鄧你唔抵、撻著、抦埋、痴立立、玩鞋...

中文字有過萬，同一個音都有抑揚頓挫，
連許志安首「知意耳而驗~尖尖知厭」
都可以完全用中文字砌出黎，理應無乜字寫唔出，
但偏偏好多口語係連搵個同音字都搵唔到，
呢D字又唔係黎自英文，究竟邊個發明出黎？
以下就係一D連同音字都無o既例子：

un腳、dum波鐘、唔girl、r痕、
chok、lam利、A~(類似「喂」)、
好kai、lur飯應、high埋黎、
呢呢fair fair、fing頭、呢lock野、
long響上面、一pat屎、sir滑梯...

或者係小弟才疏學淺，未知以上正字點寫，
如果有人知道點寫不妨留言告知~ XD
再講，以上都有D詞語可以用其他字眼代替，
例如fing字可以揮字代替，唔girl以唔妥代之，
dum波鐘就拖時間啦(衣家興講拉布)、
un腳呢？唔通震腳呀？嚇到腳震震就有，
明明係一件好他調o既事變左好驚，
咁又可以用咩字形容lam呢個動詞？
而且用左第二D字眼句野即刻無晒神緒。