番到公司秘書就代老細每人派兩封開工利是，
上年春茗都係響酒樓，今年就響pentry叫中式到會，
因為老細要早走人食飯前就先搞利是抽獎，
大獎係500蚊4封，其他有100、200仲有20蚊...
每次有人抽利是D同事都大叫「廿蚊！廿蚊！」
如果我抽到20蚊我會話好過D抽唔中o既，
咩呀？廿蚊唔係錢牙？沒有最差只有更差，
20封利是有一封只係一粒金幣朱古力，
抽中果個真係會比同事恥笑，抽唔到好過。
結果抽晒20封之後係加碼先抽中我，
果度係3封利是每封50蚊總共150蚊。
今日總共收到8封利是算係咁啦，其他仲未拆。
今日依然無乜野搞，又係自己拎左AV d稿砌，
望art team都響度facebook緊、youtube緊，
都係無乜幫手o既必要...

見youtube D人用3D公仔整左D MV，覺得佢地好神，
我雖然自細到大都有繪畫天份，現今亦從事設計行業，
一直以黎3D呢個範疇對我黎講都係高深莫測，
好耐之前都想克服佢做個平面、3D階可o既設計師，
但無呢個機會亦唔知從何入手，就不了了之。
今日接觸到呢個被日本網民喻為神軟件o既MMD，
其中一項偉大之處係免費，如果佢要收錢實賺到笑。
該軟件係可以套入3D模組，然後控制佢做任何動作，
介面操作比想像中簡單摸兩摸好易上手，
而網上亦唔難搵到大量3D模組同場景，
再匯出avi格式，一段屬於自己泡製o既3D影片，
話都無咁易就誕生，真係難以置信，不愧為神軟件。
但我o既目標唔係用已有o既素材資源去製作，
而係連呢D 3D模組同場景都係自己一手一腳去做，
好！再努力咁鑽研下先~

尋晚熄左燈臨訓教果陣響望住天花版，
發現響距離我訓緊o既床頭同天花版之間，
有D隱形o既氣流凝聚響半空，
係好多組不規則方向轉動o既野集結一團，
初頭以為眼花，望下第二度乜都無丫，
再望番同一位置氣流依然存在，
覺得唔對路，去個廁所番黎再望，
都仍然存在，之後就去床尾訓。
今晚再響床頭位置望番就唔見仲有果樣野...
唔覺得係靈體，因為當時果樣野無移動過，
似係一種無意識o既能量或者磁場，
過多陣就會消散，不過出現原因不明，
應該練開氣功o既人會更容易察覺到。
聽D師傅講過，有樣叫煞o既野，
亦係無意識o既能量，但係會對人有害。

無線mouse一向比我好快無電o既感覺，
例如mac機用o既magic mouse，
真係平均三個禮拜要換一次電。
聽講衣家出o既技術好左，D電come用D，
屋企PC都係用緊無線mouse，
因為太多線，所以少一條就少一條，
之前都頻頻換電，唔知係咪無玩Diablo關係，
今次好似用得特別耐，好似四五個月無換過電，
定係用左勁o既電心？上次係金MATHOSHO今次照用番，
為求証實一下係咪堅用耐左，今日就記一記低，
2013年2月11號夜晚11點換左次電，
睇下下次換電o既日子係幾時。

D無線mouse無電量顯示真係好唔方便，
用用下突然無電真係好克人憎，低電量都比個訊號，
等人有定心理準備隨時無電或者換定電都好丫，
打打下online game無電真係可大可小架~ XD

無線keybroad一向好come用，半年都唔洗換電。
 

連續兩日冗員無乜野搞番工等放工，
兩點番到公司，無耐D亞頭出晒去食lunch，
我都落街hea陣同埋食個杏仁棒子芭芙，
之後影音雜誌班人入左少少稿，
我就求其拎幾版砌，唔好乜都唔做咁樣衰，
果本影音雜誌都係新年假番黎先埋版架啦，
所以唔趕，然後七點準時收工~ \( = ▽､=)/
之後放假放到下個禮拜五先番足足放6日(撒花
久違o既長假呀~~要好好享受一下~~
其實下個禮拜五請多日假，咁就一條龍放9日啦！
去旅行都得啦~~不過無請到......
放完假之後公司又有春茗，又有到會自座餐，
不過又有遊戲，最憎果D公司遊戲，
大獎又無份輸左又罰飲 (￣皿￣///)

今日借左部PSV比同事，連火牛同幾隻Game，
新年假佢可以盡情玩(肯定玩唔晒咁多隻~