見呂少個群組whatapps幾張豚王相片後，
好似變左一種唔食過就out o既風氣。
不過落過Apita同吉之島呢D日系超市都偏尋不獲，
點知響樓下間百佳就見到，雖然係日本野，
但講到明係for香港o既，唔怪得日系超市無啦。
今朝早餐就整個赤王嘆下，講真麵質麻麻，
做唔到拉麵果種彈，似意粉囉...
湯底就堅正，辣度係平時食開隻辣麵三四倍。
如果佢用番出前一丁果隻麵再配呢個汁就完美！
可惜今日上唇爆擦，咁o既狀態又對個湯扣左分...

早排D人話銅鑼灣多左個打卡新地標，就係誠品，
計我話係同樣響希慎廣場o既apple專門店就真。
同朋友兜過幾次希慎都係行誠品無經過apple shop，
今日親自走一趟，我知點解D朋友唔行入去啦，
原來間apple shop真係一間大毒梟！
入到去好易抵受唔住林林總總o既毒品引誘？(笑
好大間，仲要有3層，我估剩係macbook都超過50部，
monster beats系列耳機都差唔多show晒出黎，
連唔同色o既solo都有show晒出黎，插晒ipod任你聽，
平時去D連鎖店想睇下實物都難，最多show隻黑色款。
果度好多職員，但無一個會主動走埋黎show你，
基本上你點搞佢D機都唔會理你，真係任試任玩，
平時D連鎖店你旭下佢D機都有人埋黎懶殷勤咁招呼你，
「先生有咩幫到你？介紹番」令你唔好意思再研究落去。
出奇地差唔多每部mac都裝埋Adobe CS6系列，
仲要D字體裝埋我話裝唔到o既MHei系列...
(不過佢地D機開illustrator同Flash一樣出欠Java問題)
定時定侯有職員開講座，講解點用iphoto果D軟件。
我當然捉住D職員問下D技術野啦，不過佢地都矇矇地，
一個連產品係mouse定叉電座都要睇個盒一陣先答到，
一個又話佢地D mac機無裝第三方字體，唔好玩啦，
原來技術支援要預約，佢地會有所謂genuis黎解答，
不過我今日唔book住，等草埋多D問題先一次過問。
話說中環有間apple旗艦店我都未參拜過，
據聞有條走光聖地玻璃樓梯，不過今日都響希慎見識到，
著得裙行上去真係要預左乜光都走晒，唔係講笑，
自己行上去感覺有D化學，睇住條玻璃中間無任何支架，
每踏一步仲有微微o既震盪，堅覺得唔多穩陣(汗
前前後後見有兩三個人買左macbook air、ipad等，
都米話唔好生意呀~

呢幾日都係整理部macbook o既系統，
務求做到可以完全同公司亙換o既平台。
之前PC又裝唔到mac fonts啦，
裝到o既內文字體偏偏又出唔到pdf，
諗住用皮幾買部mac就實無走雞，
點知問題一浪接一浪~~~
1.裝唔到illustrator話無Java SE6
2.安裝Java SE6話要系統10.6先安到(我部10.8喎)
3.好多fonts裝唔到，甚至裝到hang左
4.裝到D字體響字體簿顯示亂碼
5.移除字體移除完都仲響度
5.偏偏裝唔到最重要o既MHei系列內文fonts
6.用到正線體啦，居然有D字出唔到(例如個全字)
公事唔講啦，以為將部iphone4 set做個人熱點，
就可以帶部macbook出街上網咁爽啦，
iphone4行唔到4G，慢都預左，點知仲衰過慢，
直頭連唔到，連親線都話連接逾時，連得1次炸！
所以世事往往不盡人意，要親自用錢做實驗，
先知原來唔work架，好多問題諗都無諗過。
仲諗住裝win7再玩Game，衣家有D卻步，
點知部機得唔得架？
 

其實買左macbook都好多周邊須要買，
例如mon貼、keybroad笠、機殼等，
不過最先決o既都係買機袋，咁先可以帶出街，
今個月「元」氣大傷，上面提及果D就遲下再補完啦。
都話豐澤百老匯送果D機袋未必o岩心水，
最好折現比我自己拎D錢買過個。
出旺角，睇左newvison，D袋唔係重口味就色唔靚，
一係質地唔靚，一係無手抽無斜孭，
行過多間揀過後響旺電$278買左個黑色袋。
for rmbp13 o既機殼好多間都話未出，
得旺電2樓有一間有，可能山寨廠趕工貨唔多靚掛？
另外問左win7 OEM版係八百幾，都係下個月買，
到時就真係一機兩味hehehe
 

今朝食個「早餐」都係飯，仲有菜，
午餐級數果隻，番到公司點知又搞大食會！
有天婦羅、三文魚刺身果D任食，
果刻真係好後悔唔空肚番工...
雖然係飽肚但無理由放過D美食，
所以照樣塞D野落肚，食左好多個炸蝦雲吞，
去到晚餐時間都仲未肚餓~