長期響公司工作對住部mac機，會中蘋果毒，
為左坑毒，我都買番部rmbp13~ XD
想買macbook好耐架啦，之前出D款都有理由忍手，
macbook air雖然又細又輕線條又靚，
可惜部野唔係好夠力，仲要得64Gb，
iphone都多過佢啦，ban得。
macbook pro夠力但太重，外型亦欠美觀，
我通常都外置mouse，mouse一定擺右邊架啦，
(有無人擺左邊？)佢右邊偏偏無USB，失敗！
唔通要響左邊插USB兜個大圈去右邊用咩？
係就係可以用無線mouse，曬電呢~
而衣家新出呢部rmbp真係......無得彈！！
夠輕又有線條美，右邊又有USB，忍唔到手啦！！
上網做左D功課，對部機有基礎o既了解，
部機公價128Gb $12988，256Gb $15488，
不過裡面所有野都"罕"死左，無得後期擴充，
所以買機果陣就好谷盡佢啦，就揀256Gb果隻，
雖然差2千5，不過唔加肯定後悔，128Gb容乜易爆？
唔好忘記macbook仲可以裝埋windows，
我加果2千5就當我買多部notebook，抵番晒。
去過百老匯豐澤周圍格過價，都係公價，
不過送機袋、mouse、喇叭、16Gb卡等贈品，
而且唔止豐澤送，百老匯都送，送o既陣容都係一樣...
唔知佢地係咪夾定啦，定係D贈品都唔同牌子。
學生、教職員等去官網買都有優惠價，
不過iworld比現金買唔洗學生都一樣有95折，
我買果部$15488折左都係$14713平成七百七十幾蚊！
計落果D雞肋贈品加加埋埋都去唔到呢個差額啦，
機袋未必o岩我心水，仲有我要D喇叭黎做乜？
好就幫襯iworld，不過比現金先有呢個價，要o禁機，
我咁大個仔一次過比現金買野黎講暫時呢個係最貴。
番到屋企開箱，個盒沿用iphone4盒果種設計，
拎部機出黎果陣再一次有種震撼感！好薄、好輕。
然後初始設定，set語言、時區、user name，用得。

見同事檯面有綠色chip star薯片，
唔知點解有衝動去開盒咬番幾塊，
但次次拎起個盒先知空o既...
個盒係好吸引，呢D就係包裝o既成功，
都專登落百佳惠康諗住買番盒，
點知偏尋不獲，今日先響吉之島見到，
不過得番黃色(牛油味)同紅色(原味？)
仲要唔係擺係薯片果欄度...幾難搵，
唔怪得百佳惠康無啦，原來日本野黎o既。
牌子係nabiso，硬紙筒包裝，硬紙蓋，
個蓋係有小小膠水痴實，開蓋後都幾鬆下，
D薯片仲有個袋裝住，可以唔沾污個紙筒。
開左筒黃色黎食，味道一般，亦唔夠薄，
並唔係想像中咁好食，隻紅色未食，
食左再寫報告。仍然對綠色版充滿期待~
 

本來想買Project Diva f個亞北弱音重音DLC，
上PSN又見到有隻download限定o既PSV Game，
叫MALICIOUS，只係賣1500yen，PSV畫面質素，
十算都只係港幣百五蚊，喂抵到爛丫！
以前PS3版都比佢人設吸引，不過果陣未有PS3，
衣家移植落PSV就要買番隻黎試下啦。
之前用剩300yen，落bobo買左5000yen PSN幣$530，
上PSN買左Project Diva f DLC 600yen 3個角色，
再買多首DLC蔬菜汁歌又係600yen，
買MALICIOUS 1500yen，仲有2600yen剩。
講下MALICIOUS玩後感，系統都幾爽快，
可以空中跳兩次，之後仲可以再狂dash，
主角威能睇落好似幾屈機下，但玩落都幾難玩，
第一次已經較easy打空中戰艦果關，
continues2次都係過唔到，個大佬會著草，
感覺好似打芒亨，只係我係隻怪個大佬係玩家咁。
主角無能源計，要知佢比人扣左幾多血，
就要睇佢身體，受到傷害身體D部位會消失，
咁就要o禁實L+O掣去恢復番消失左o既部位，
雖然肢體係會再生，但破壞左o既衣服都係破壞，
滿足果D有睇女角爆衫癖好o既人(奸笑)
暫時只係過左花園一關，雖然easy都打得幾吃力。

搵開個師傅又早收工，又剪唔到髮啦，
仲諗住趁今日19度唔係好凍去剪，
聽日跌到得9度就米搞啦。

由星期四下晝3點做到星期五下晝7點，
當一個人去到眼訓o既臨界點後...
就係唔眼訓...(過左12點後恢復狀態
鬼咩，星期五零晨兩點後入4版大稿，
七十幾張圖，睇見都驚，轉相都有排，
仲有bloger、編者話、線稿等未入稿，
仲有一大堆稿未改未out pdf...
跟住朝早又比D sales追我改稿，
改完又轉jpg send比個客，
個客睇完又話要改，得我一個art，
唔係我跟開o既稿都要我硬食，
我自己D稿都未搞點，做得邊樣？
卡住晒我o既進度，印廠又打黎煩，
long起個電話都要比行政部過黎迫聽，
頂，你煩我我都無可能即刻比到你假！
比佢煩一煩我又慢一慢唔聽最好。
lunch好在有同事幫我去買M記，
連落街食飯o既時間同精力都無。
忙完一輪終於解決左果七十圖煩稿，
好似放下舊大石，之後可以專心放假，
星期六日放完星期二又放(1月1號)
無D手尾跟住個假都放得舒服好多！