我份人就係鐘意不斷嘗試探索新o既美食，
響阿信屋見到隻寫韓文o既薯片，
盒上可以話無一個字讀得出，都係睇番張單，
寫住Orion薯片，買左原味同酸忌廉味，
原味好一般，可取之處係無油無粉，
渣上手好似渣塊餅乾咁，唔會食完一手肥膩。
隻酸忌廉味呢，1個字講晒，好難食！(1個字？
跟住講下KFC今個禮拜推出o既越南牛油雞，
其實KFC響做雞方面無辦法超越到佢o既經典，
推出過咁多款所謂新口味都係畫寫添足，
所以都係壇花一現，好快就收皮，
不過呢個越南雞可取之處就係佢個套餐，
有兩舊雞+薯格+星薯餅+雞寶+野飲，
包羅晒我想食o既野唔洗另外叫，
所以最近都係索性叫呢個餐唔洗煩，
如果同樣配套換番佢o既經典雞就perfect~
再講下卡樂B o既原味薯片，
其實卡樂B呢個牌子都算少出亞種，
都係BBQ味、熱浪、咖喱，燒雞味等，
一直以黎我都視BBQ味為原味，
點知食左咁多年今時今日先推出呢個原味，
加上波浪紋，食落味道同宅卡B薯條一樣，
只係分別在形狀唔同質感唔同，好好食，
絕對唔會差過經典o既BBQ味或熱浪，
亦無畫寫添足之嫌可謂恰到好處。

所謂超合金，只係胸甲、臂甲、裙甲、靴位係金屬，
其他部位都係膠，連把劍都係膠無左劍應有o既質感。
玩得可動figuar，要擺pose調較下肢體o既關節角度，
好多時figma輕輕一扭就甩左隻腳，
而呢隻超合金Saber四肢造工比figma紥實好多，
暫時未見甩手甩腳情況，不過裙甲位都係化學，
有甩過出黎，雖然裙甲有關節造到飄起效果，
但太重不勝地心吸力好快跌番落黎維持唔到撥起。
由於腳部係金屬所以重心做得唔錯，
可以唔靠任何支撐企響度，當然pose唔可以太浮誇，
好多人都插佢頭部做得差，計我話OK啦我收貨，
有figma o既水準(就係6舊水買figma水準D人先插)
頭髮位如果每條都可以細緻D油埋陰影就好好多。

為什麼只是隨便看了某朋友的照片，
她的樣子可以清晰地刻劃在腦海裡，
而差不多每天也見面的另一位朋友，
要聯想起她的樣子卻是這麼困難？
偶爾睡前想幻想一下跟心上人拍拖，
好讓自己可以發個甜夢~
就是一點殘影都想不出來...
這不科學~

悄悄問：有人睡前也會幻想跟誰拍拖嗎？

從日本用成千蚊訂購等左兩個禮拜終於到手，
包裝比想像中更精美，精美到有D唔捨得拆，
之前睇漏左佢寫住平台係Windows日本語版，
仲擔心會唔會安裝唔到落中文Windows7，
響PC安裝完無事，點知一開話DirectX device失敗，
無理由丫，DirectX已經最新ver啦喎，咁都唔得？
裝埋佢跟碟入面果個DirectX都一樣唔得，
上網查過有人話張display card唔得要換過張，
唔係呀fa？已經係NVIDIA獨顯啦喎會唔夠力？
過五關斬六將居然衰響呢步認真唔抵！
只好裝埋落Macbook pro個Win7試埋佢啦，
Macbook pro只係得集顯唔抱太高期望，
點知玩到喎！今次Mcabook勁過部PC啦~
而且亦唔見要入S/N或要網上認證之類，
真係親民o既善良設計，即係可以裝幾部機啦~
雖然買得貴，但係絶對值回票價！

唔到我唔信邪，最近鼻頭生左粒瘡，
響相學黎講鼻係財帛宮，生瘡即係破財，
據聞呢D人係賭場o既明燈，
即係佢買大你買細佢買細你買大就必贏。
銀包裝省銀個位又穿左窿，係咪漏財？
呢排黎堅用左好多錢~
Win7 OEM=$825、Super Driver=$580、
スリーディーカスタムしょうじょ=$1120、
超合金Saber=$680、PSV閃亂神樂=$380、
PS3初音DivaF=$380、PSV TOHR=$480、
FLASH5=$100、FLASH MX=$350、
FLASH CS4+Dreamweaver CS4=$490、
RMBP透明殼=$380、Panasonic剃刀=$180、
Ice Fire兩頂帽$580...
剩係呢D加埋都6千幾，未計日常開支...
不過要買o既大野應該都七七八八，
好！立此日誌以止蝕！