黎左一個唔洗見工直接入黎做o既新同事，
講普通話唔識講廣東話，聽聞外國留學番來，
好似話做一個月就走，即係黎見習拎經驗？
本以為係老細D親戚或朋友個女，
但老細D國語都唔咸唔淡，唔似係親朋戚友喎，
咁應該係D大客要求比佢o既千金黎實習，
可能有幾百萬生意來往(?)
不過奇怪呢D千金居然會想做design?
真係純粹為興趣？過下癮？
呢位內地新同事講野好文靜好溫馴，
走埋黎我個位講野居然跪低，
即係我坐緊都仲要低頭先望住佢講野，
呢種係唔係佢刻意表現出我比佢地位高o既感覺？
其實老細都唔會點比野佢做啦，
一陣得失左個大客就蝕大錢啦。
以前做亙動出版社又係有類似o既亂入同事，
果個係公司御用律師o既仔黎實習，
又係做一個月就走人。
 

俗稱數字網o既8591，呢4個數字o既來源，
相信係取其「寶物交易」o既普通話諧音，
該網聲稱提供比香港人o既購物方式有支付寶，
同銀行過數，不過支付寶必須大陸身份證先用得，
咁即係得番銀行過數... =_= (我就用呢個方法)
衣家香港對台幣o既匯率大約係1:4左右，
即係1蚊港幣可以買到4蚊台幣o既野，
我想買o既野係4000台幣即係1000蚊港幣，
選購完就落街去匯豐自動櫃員機過數，
過完數記住拎收據，如果唔係可能渣都無，
番到個網佢要你入番部櫃員機o既編號，
過數時間，同埋影張收據o既相upload上去，
而果D編號呀入數時間係張收據先有寫，
然後要等佢個網審核，核實完先比你買，
咁o岩我過完數入完D過數資料都11點，
佢先出句審核時間係朝早9點到夜晚11點，
即係要等第二朝啦，囧呢句野之前無標明o既...
第二朝起身就不斷check個網睇下審核左未，
差唔多要到12點先話核實，要3個鐘審核？
我仲要由夜晚11點等到第二朝12點足足13個鐘！
不過核實完佢會send番個msg去你電話，
相約賣家交易完仲要番番個網o禁番確認收貨，
咁個賣家先收到錢，算係幾保障買家。

把心一橫將部份PSP正版遊戲丟掉，
真的是雞肋，是有點不捨得，
而且尚算精美，有高達、太鼓之達人、
untold legent、code arms...
當年每隻遊戲都三四百元入手，
但現在就算無聊透頂了，
寧願面壁也懶得開那些遊戲玩 XD
(而且玩ios實在太方便了...)
說實的，如果有二手電玩店願收購，
我是免費送也沒問題，
可是過氣遊戲相信貼錢也沒人要。
家裡就是一直想騰出空間，
就要向這些東西開刀了。
 

一起身聽到唔知響邊度傳黎V~~聲長響，
以為出面D唔知咩機械響，望一望窗口，
又唔似黎自外面喎，先發現原來係iphone，
部野一直長震無畫面o禁乜掣都無反應，
其他電話都仲可以拆電強制熄機，
但iphone無得拆電，只好等佢耗盡電力...
心諗部機正式宣佈打柴？響呢個無奈o既moment，
上網search下有無類似case，即刻搵到！
果然「u are not alone」實有其他人都係咁，
要頂果粒電源掣+home掣一齊o禁實先熄到，
然後佢會自己開番之後如常運作，嚇得我丫...
可能有人search到呢篇blog都係因為相同個案，
希望以上o既方法可以幫你解決到~ :)

PS:震左一朝早得番幾%電，其實唔reboot都應該好快消晒電。

早幾個月有隻出前一丁麻油味薯片，
不過先後去過759零食物語果D都賣斷，
以為同呢隻薯片無緣啦，
點知今日響地鐵站o既OK便利店見到，
得番3包，每包14個幾，
諗都唔洗諗即刻比我掃晒 XD
開左一包剩番o既帶番公司，
食落其實無乜出前一丁麻油味，
同卡樂B燒烤味相似，燒烤味仲好食D，
算啦，呢包野都係志在桌頭姐 XD
公司仲有包日清雞蛋湯麵味薯片未開，
不過呢隻麵響香港應該唔出名，
所以呢隻crossover薯片無咁桌頭...