每日番工答地鐵D扶手電梯，
目光都好自然比旁邊D廣告版俘虜，
不過有時D廣告係D唔多想見到o既野，
最近就有個「踼走灰甲」o既廣告，
係一個男人show佢隻腳出黎，
頂，一朝早唔想見到男人腳囉！
(你整個林志玲show腳又唔介意呀)
咁就自然擰轉面望對面D廣告版，
點知對面又係咁上下位置「踼走灰甲」，
避都避唔切，好Q克人憎。

呢個topic都唔知開左幾多次，唔講咁多，純粹作一記。
不過本雜誌由雙週轉月刊，今個月只通一宵，算好左...
今日先至開始做，80頁o既雜誌我一日內砌左39頁，
即係一日內做半本書，上個星期係一頁都無掂過...

平時我都算係一個健談o既人，
不過幫襯左呢個髮型師咁多次都無乜傾過野，
髮型師唔係一向好似的士佬咁同D客吹水咩？
我用開呢個就你唔吹佢都唔會主動撩你，
之前幾次都有D緊張，驚剪得唔好睇，
所以好難有一個吹得o既情緒，
今次就真係破冰，開始問佢係咪轉左眼鏡，
然後有個垃圾廣告電話打黎，之後多野講啦，
講開D垃圾電話逢親3字頭、21字頭都唔聽，
之後就問下佢係咪老細，間野同佢同名，
原來老細另有其人，亦都係同名...
吹吹下就前完髮埋單啦~

落住雨訓教特別舒服，雨聲就好似首安眠曲咁，
3點幾已經進入夢鄉，不過無端端停電醒左，
奇怪，停電唔會有巨響反而係D電器靜晒，
可能就係因為一直有D電器o既聲音持續住，
唔止屋企o既風扇聲、雪櫃聲停晒，
仲有隔離鄰舍上下左右幾十部冷氣聲無晒，
唔通突然靜左果種強烈o既反差令我醒左？
門外o既走廊亦柒黑一片，打去管理處打唔通，
係佢個電話都無電呢定係同時間好多人打去搶線？
對上一次停電唔知有無十幾年前，好似仲讀緊書？
香港真係好少會停電(大陸、印尼果D地方就月經)
所以屋企無準備蠟蠋，好在我媽好快搵到電筒，
估唔到上年買落乾濕電兩用LED座檯燈大派用場，
(應該有一年以上放置play無開過)
不過尋晚黎講就算無燈都未至於伸手不見五指，
外面狂閃電，屋企都好似disco咁閃閃下。
無入電池o既風扇亦係失策，幸好尋晚算涼浸浸，
都仲訓得著，大約六點幾先恢復番。

買包朱古力問我加唔加多廿蚊買洗頭水，
買本雜誌叫我買埋電心啦做緊特價9個9炸，
問果個都知個客唔會理架啦，都九唔答八，
一個買包花生o既人點會無端端買面膜？
你話買包薯片可能有意慾答多罐啤酒，
想引人答單都答D有啦更D o既野啦~
我買野都唔會出聲，呢D時侯好懶得開口，
個收銀嘟緊D產品我就遞起張八達通卡，
必完就走人錢都唔洗找，有次我買盒餅，
個收銀問有無會員卡，我無出聲即係無啦，
有會員卡我晨早拎左出黎，跟住嘟完D野，
又話加多十蚊買D乜啦做緊promo好抵喎，
我默默遞起張八達通，佢都靜左一陣，
無整到比我必o既動作，心諗快D啦必得未呀？
等左一陣佢先比我必，佢唔係諗住唔比我必，
我就會順佢意買多果舊野呀fa？
定亦或等我答覆？要我講唔要呀，
唔洗問都知D人唔會想要多舊9唔答8o既野啦，
免費送都嫌阻訂何況仲要比錢買？
要買果樣野佢唔問我都自動會買啦，
我明白呢D都係老細迫D收銀員做，
我想話聲比呢D老細聽呢種手法係唔work架！
只會令人覺得煩同討厭，下次唔想再光顧，
唔好迫自己D下屬要比人黑面啦！