4月新番來講，大熱o既進擊之巨人居然未睇，
反而睇左幾話革命機Valvrave，其實幾好睇，
but好似無乜人講(只怪進擊o既風頭太大...
呢套野集機械人、政治、校園生活、愛情於一身，
聲優陣容相當龐大，有水樹、福山潤、宮野、
堀江由衣、梶裕貴、戶松遙等一線聲優，
迷開高達、code geass o既都應該對呢套有興趣，
睇過前者都覺得背景、人設都有既視感。
講左咁耐都係男人o既浪漫，
但唔知點解身邊好多腐女朋友都追呢套野，
唔覺得呢套野有賣腐丫，唔似得k、黑籃果d咁。
我都好鐘意呢類革命史詩式背景o既作品，
工口工口腐果種以單人之力破整隊軍亦精彩，
OP同ED都好好聽(其實我鐘意ED果多d)
不過比較不滿o既係上身及不死身o既設定，
明明套野o既題材都好夠力，唔洗加呢d設定丫，
加左呢d野真係要講一聲「這不科學！」
剩係靠高科技、駕駛天份都未夠開主角威能？
不過算吧啦魯魯修咪一樣有geass能力、
基拉大和又會爆seed、剎那金身不老添...

由於跟開本雜誌由雙週刊變月刊，
變相少左好多野做，日日番工等放工咁滯，
呢排番工都係睇網頁去殺時間~ XD
不過作為一個居安思危o既我黎講，
越係hea o既工作危機感就越大，
老細唔會咁好死請個人番黎玩手指，
(仲要唔止我一個喎)
不過黎緊下個禮拜應該忙番，
又有本麻煩叢書等緊我砌，
接下來就要面對果本月刊，
到時又係連續忙忙忙...

話說早排個panasonic耳機出現「霹靂啪啦」沙沙聲，
正當想買過個新o既，尋日亞媽洗衣服時又浸埋個耳機，
心諗，今次個耳機會唔會多埋「咕嚕咕嚕」潛水聲呢？
點知好番晒，就算聽靜歌時都無晒D雜音......
唔通真係浸下水可以修理番好個耳機？ 囧
如果大家有壞耳機想買新o既之前不妨試下呢個方法，
(注意：一切更壞後果本人恕不負責 XD)

今日放工番到屋企見到個雪櫃已經移左位，
一不做二不休，再搬埋個電視組合櫃，
大工程啦，先要空晒個櫃D野同埋部電視，
個櫃仲高過我一半，應該有架私家車咁闊，
清出黎D雜物由個廳放到走廊疊起晒，
有一堆餐具啦、漫畫啦、書啦、DVD啦、
生抽啦、米酒啦、即食麵啦、遊戲機啦...
果堆DVD當中劉謙o既近景近近景個盒，
變到好似薯片咁鬆脆，輕輕一搣就散開，
然後我就一手將個DVD膠盒好似渣巢廢紙咁，
真係變魔術咁神奇，個盒碎晒，有無咁化學呀？
電視仲係用緊果D膽機，所以好重，
之後搬完個櫃又要將一大堆野塞番入去...
而我一堆珍藏o既盒比我媽亂咁hea，
當中MHP3個PSP限定機盒就high落垃圾桶度，
搞到污糟晒，即刻無收藏o既意慾...
算啦部機都借左比細貓，都無諗住叫佢還，
PSV都出左兩年啦，放番部PSP出去都唔值錢。
 

以前D人經常話正服係升等地獄，衣家無左呢條歌仔唱，
我親身去試過將兩個職業手動三轉唔洗兩個禮拜，
當然係一轉>二轉>Lv99轉生>一轉>進階二轉job70>三轉啦，
公會更有人聲稱3日就3轉，其實有心衝等o既話的確唔難，
我都只係一日玩少少咁，放工練下，有時果晚攰都無乜玩。
今日就將超魔導三轉埋，升左幾個job再去古城爽下，
以前古城比我o既感覺係充斥住洪水猛獸o既危險地帶，
衣家3轉solo落去就見乜殺乜，去到邊都暢通無阻~ XD
破左呢個好多年前同過唔少朋友入去都跌% o既難關。
o岩o岩3轉入騎士團2~3隻幽劍衝埋黎一個凍僵術，
再魔力增幅，然後電力連擊(只係Lv1)都解決到，
然後一直落~電力連擊打虎蜥人D數字更加係靚靚~
跟住史丁、捲甲蟲、狂暴牛牛通通萌大奶，
而且EXP都相當和味(捲甲蟲係Job高過Base)
3轉之後邊個話一定要火2？唔想組隊solo古城都得 XD