無線播成龍o既新宿事件，套野講黑幫仇殺，
只係用日本做背景，感覺即刻唔MK。
我媽一向極度反日，開頭睇果陣又話D日本人幾衰，
點知原來D華人角色都一樣亙相背叛，
然後都全滅，全套野都係一大堆反轉豬肚~
吳彦祖一開頭乖仔造型然後黑化壞掉幾突出，
成龍變番普通人，無晒以一敵百o既襲耍動作，
想睇華麗打鬥o既話呢套絕對會令你失望。
同埋徐靜雷比敵方黑幫捉左，最尾都無交代...

排隊買KFC，自然玩下Candy Crush殺時間啦，
Load緊入去時望下隔離果個響度Candy Crush緊，
擰轉身望後面果個又係響度Candy Crush緊，
答地鐵，唔難發現坐你隔離果位Candy Crush緊，
總之響街見到人低頭拎住部手機80%都係Candy緊。

我係最近先開始玩，只係打到20關，並唔算沉迷，
玩o既原因只係偶然聽收音機1872遊花園，
有日周海光開個題話Candy Crush對你o既影響，
又講好多人唔係真心鐘意玩只係唔玩無話題，
我又download黎玩下睇下有幾大魔力，
裝完後睇下個地圖，好多facebook朋友都玩到好後...
有個玩到百幾關o既朋友話佢係Crack道具，
即係有無限心有無限+5step等，唔怪得屈晒機啦~
佢Android機好似特別多邪道野，iphone真杯具...

呢隻Game真係運氣佔80%技術佔20%，
ran中D卡住o既糖真係點扭都唔會過到。
無可否認係隻Game係有佢o既毒性，
仲有亙動性o既send心同埋鬥高分鬥玩得多關，
不過唔係排隊、等車、答地鐵無其他野做要硬食，
平時得閒都唔會開黎玩，仲有更多更有意思o既玩意。

最近好轟動o既事件，公司o既同事都經常討論，
主要係因為網上瘋傳o既錄像片段有詭異行為，
加上酒店唔簡單o既背景傳媒再喧染做靈異事件。
酒店係多個連環殺手及撒旦教o既收容所，
間野收咁多恐怖人士點解D員工仲繼續做唔辭職？
D人猜測因為D職員都係同黨或共犯，所以亦無事，
又話有人響果間酒店訓教比人揑但現場係無其他人。
又傳有塔羅師一早占卜到佢遇害o既情況完全吻合，
網台搵文王卦同易經塔羅占卜件事幾時水落石出，
一致占到要半年後先查到同埋結果唔會令人滿意。

今個禮拜又再黎一單好轟動o既埃及氫氣球事故，
當時人要響被燒死定跌死決擇，諗起都恐怖，
唯一生還者係響六米高空跳落去，
我公司個老細同秘書閒聊話點解佢唔拉埋佢老婆跳？
6米呀...3米都難跳得落，唔係人人有呢種勇氣跳到，
總之禍不單行...希望唔好再連續咁多悲劇新聞啦~

標題係咪好謎？其實係陳慧琳近期派台作so hot...
不過我聽到係「掃黑、掃黑蟹！掃黑、掃黑鞋」
我心諗...佢唱乜......做乜新年流流鞋蟹聲 XD
另一首聽錯歌詞o既就有王婉芝o既哥哥，
一開始聽仲以為日文歌「ここは~ここは...」 XD
聽講呢首歌係黎自早排完左o既老表你好野。
最近一聽就覺得正o既歌係2Yoon o既Nightmare，
咁耐都係聽過收音機播過一次，即刻記住個名，
自己去youtube search黎聽~

是日正月十五，亦係元宵佳節，做個祈福攝太歲，
雖然今年無犯太歲，不過據聞做攝太歲都有助催運~
順便帶埋上年觀音借富o既「三千萬」化左佢。
儀式完畢後每位善信派一細袋米(裝響利是封)拎番去食，
仲有D糖果，記得上年係米+花生。