香港要搵日本軟件真係好難，果D正版軟件鋪，
黎黎去去得D防毒、Adobe同Microsoft Office之類，
有時唔係話唔想支持正版，而係根本買都買唔到。
amazon日本係唔會寄黎香港，除非有住日本朋友，
你托佢響amazon買完佢再寄過黎香港...
所以代訂日本貨o既中介單位應運而生，
信和地庫都有間J Fair就係專做呢D，
今日就響水耀本屋訂左隻7千幾Yen o既軟件，
當佢十算就7百幾蚊港紙(衣排日圓跌番都係6百幾)
而運費就要二百幾蚊，真係好金，
加埋稅同埋間店收o既手續費，要過千蚊港紙。
不過買到番黎順利用到我覺得係值o既，
衣家最擔心係隻軟件限日版windows先用到...

本來諗住屋企部hp大機好可靠，
又有NVIDIA獨顯，就用佢黎ren 3D片，
點知ren到熄左機，之後就較低d個fps，
都係hang，估唔到ren片咁大負荷......

今日係隔離建築公司o既啟市春萌，
佢地就好啦今日先番一放放9日，
由於佢地都係響我地個pantry擺，
所以我地公司員工係可以痴飲痴食。
呢個春茗規模比上星期五果個豪得多，
上星期五只係叫左幾盆餸菜，
呢次就十幾盆餸不突止仲有廚師註場，
又係拎親D三文魚刺身出黎比人秒殺，
D人一夾夾幾塊，緊係啦食呢個最化算，
又貴又唔飽又好食，緊係有幾多食幾多。
不過今朝都係食左燒賣先出門，
所以續戰力打左個折扣，食得唔多...
飯後佢地又玩D飲酒遊戲贏左有錢，
我滴酒不沾最憎呢D飲酒活動啦~



右邊果盤啤酒炸魚柳...點解一D啤酒味都無o既？
仲有D沙律醬任掘 XD

尋日響旺電買左隻win7 OEM版825蚊，
今日就響macbook用bootcamp裝win7，
比想像中簡單，之前仲拎左張安裝教學，
佢話安裝win7時語言要簡英文，
我心諗唔想用英文介面，簡中文有乜問題，
不過到安裝時根本無英文比我簡 XDD
得繁體中文，好安心咁拍落去啦，
分左80Gb比windows，仲驚會唔會分多左，
裝完得番53Gb，剩係個win7都用左廿幾Gb，
痴線，即係裝多幾隻game就爆。
之前爬左一堆文，話響OSX時可見到win7 d檔，
但開唔到，經我試過後係開到架！
不論用win7開OSX或者OSX開番win7，
仲慳番D位添，同一首mp3唔洗兩邊入都聽到。
裝完win7後macbook預設作業系統變左win7，
要o禁實option掣開機先可以簡番入OSX，
好似外人霸左主人房咁，雖然可以轉番，
不過用起上黎又真係win7舒服D o既，
暫時未想轉住，只係win7開機無OSX咁快，
同一個spec之下可見開機快慢係關OS事。
 

放左工呂少約食晚飯，都係apm啦，
本來佢又係贊崎架啦，我話食過好多次，
apm咁多間食市求其搵間未食過o既試啦，
咁就試呢間Pizza Express，
d員工好落力咁叫我地Like佢facebook專頁，
Like完會送甜品，我一search，
有十幾個Pizza Express專頁，
原來唔同地區都開一個專頁，
我指o既係本地內唔係國家，
即係中環店又一個專頁，apm店又一個專頁，
咁真係搵自己笨，咁辛苦叫人Like，
結果分散晒D人流，一個專頁咪夠囉，
集中晒咁多分店o既Like要過萬都有機。
3個人叫左個四季pizza、經典pizza、卡邦尼意粉，
每樣都好大碟，係個碟好大果隻呀，
好似美國隊長個盾咁大，D食物佔唔夠4份1，
食晒3樣唔飽再加碼叫多碟意粉，
Like完送o既甜品其實只係細細地o既麵包粒，
連埋碟棒子醬，其實無乜味。
埋單每位600蚊每位200蚊，堅貴！
呢個價錢等如一般茶餐廳食5餐(連野飲)呀！
頭先賺左o既利是呢餐飯蝕番七七八八sosad~