呢D日子真係帶少次遮都奶野，
今日出門果陣仲幾好陽光，
點知答車途中落狗屎，
好彩落車響觀塘法院個有蓋巴士站，
如果好似我屋企附近D無蓋巴士站咁，
附近又無避雨o既地方，
真係唔變落湯雞都幾難...
不過今次都企左響個站差唔多半粒鐘，
等雨停先衝番公司，早左出門都無用。
中途真係好想截的士架，
等左好耐都無著燈o既的士，超無奈。

智能手機已經係香港人生活o既一部份，
答車、排隊一定會渣住部手機黎殺時間，
不過無左流動網絡，手機就廢左武功，
就好似電腦，無得上網o既電腦只係一部計數機。
手機上網可以睇動新聞、whatapps、上facebook等，
而衣家連D apps game通常唔上網都玩唔到，
例如candy crush、P&D、百萬亞瑟等，
所以話無得上網唔通玩貪食蛇咩？
而偏偏我最須要殺時間o既答lift、答車、排隊，
就係收唔到網絡或者斷線，答lift通常都無網絡啦，
而觀塘KFC排隊個位又撞正個收唔到o既位，
每逢7點果間KFC都要排廿分鐘長龍(尤其星期五，
響呢D時間無得上網真係渡秒如年... /_\
而側漁涌去油塘站個車程又係有個位斷硬，
好心佢改善下個網絡啦！！！
 

到左五月又到辭職高峰期，因為D人知道調整左o既薪酬，
再決定去留，有得升職或人工加得多o既人可能留低，
無得上位o既人就無謂浪費多一年時間，趁後生搵過第份。

Gigi早過我入黎呢間公司，係一個有品味o既少女，
有車牌，去日本旅行都有響當地租車渣o既體驗，
又有去學柔道，感覺上佢每一日都過得幾有意思。
我間中都有睇佢響我地公司雜誌寫o既專欄，
寫D生活小品事，讀完的確會令人會心微笑，
例如有篇寫響入境處影証件相果刻，職員要佢嚴肅，
為左醞釀情緒心入面幻想自己唱緊國歌 XD
又有一篇寫自己翻開本磁石貼o既摺頁電話簿，
搵番失散左o既小學同學屋企電話，
好緊張咁鼓起勇氣打電話過去o既經過...
再睇番公司其他編輯，連編者話都要四個大字...
「恭喜發財」或「今期休息」或無題貼張相就算。
佢上個禮拜走，問佢之後o既去向，果然不出我所料，
真係打算去working holiday，好符合佢o既style，
祝佢o既青春每一頁都繼續碇放光彩。

另一個走o既係Mathew，少有同我傾得兩咀o既同事，
工作心態積極，一個有energy level o既人，
亦擁有頗靚o既女朋友，其實算係半個人生贏家，
識佢都知佢男兒志在四方，呢間公司無可能留得住佢，
走係遲早o既事，不過比想像中快(佢應該未做夠一年)
走果日佢送左本大開運比我 =_="'

幾粒燒賣+3舊炸雲吞+杯野飲就27蚊...



強調：呢張相係未食之前影o既
(點睇都似食剩D餸頭餸尾喎...
只係突然好想食個炸雲吞所以幫襯，
喂，呢套咁o既野賣27蚊真係無問題？

居然無講過呢個飯？點都要講下啦。
麥記都唔係第一次出飯，
以前出過日式咖喱吉烈魚柳飯，
魚柳係魚柳包果塊，飯係用珍珠米，
講真當時個飯堅係好食。
今次呢個就......強差人意，
佢用九件麥樂雞盒(咁o既size)裝住，
仲要裝唔滿，可想而知份量只夠攝牙，
然後D飯呢就普通米仲要好似隔夜飯，
你屋企用電飯煲求其煮都好過佢，
然後舊雞肉就版燒雞腿包果塊，
D汁送飯唔多夾，失敗，
唯一特別之處係D飯混入粟米粒，
不過你求其拎D粟米粒hea上去都做到，
連幾棵西蘭花，整體差過吉野家做雞飯。
仲有個飯趣卷，呢個叫做有D驚喜，
用飯壓到好似薯餅咁，幾特別，
加埋片青瓜幾爽口，有泰式辣醬，
不過我食果條頭一啖有之後無晒 -_-"
有跟薯條28蚊點都抵食過個飯。