手機Apps黎講真正坑到我o既係呢隻百萬亞瑟王，
P&D都係唔識隨心所慾轉珠，轉珠已經難啦仲要限時，
佢剩係限步數唔限時都夠玩啦，所以886。
呢隻MA就唔洗煩，電腦幫你打埋，可以話無技巧o既，
但對住個咁細o既mon唔好同我搞D咩techni野，
要玩技術我拎番個實體手掣或joystick好過，
只係等車、排隊想搵D輕鬆小品攝下時間姐。
MA又唔可以話毫無技術，點樣配牌組做到低消耗高輸出，
以其第2nd~3rd atk輸出細不如只有1st atk怪BC仲化算，
HP少D但每下atk都高輸出，某D牌配答又有combo，
補血o既牌唔好放第1排以免未扣血先補血浪費技能之類。
MA人設討好，而且有釘宮、宮野、喜多村等坐陣，
日版就應該出左大半年，上個月尾中文版先開始營運，
要玩就衣家開始，唔係第時又話人地個個都咁高Lv點追。
不過要注意唔知點樣MA o既數據使用量好高，
只係隨便玩1日都差唔多20Mb，咁1個月30日咪要600Mb？
未計仲有其他whatapps之類，無無限plan o既就要小心D。
之前長期都維持一個月用唔夠500Mb數據量，
今日一check哇用左9百幾Mb，搞到係屋企都開wifi驚爆。

想當年我假假地都係個音Game廚，由beatmania開始玩起，
之後跳舞機、鼓機、結他機、彈琴機、pop'n、太鼓無一不玩，
不過近年黎機鋪漸漸變左賭場，得D老虎機、角子機、馬機，
睇住D著住吊帶背心孖煙通人字拖大叔一邊玩一邊R肚腩，
完全無晒打機o既氣氛，我亦無乜浦機鋪，脫晒節。
聽講德福入左部DEA，今日放左工落去睇下，
德福VZ都算係保持到舊有機鋪應有風貌o既大場，
DEA長期有人玩，後面亦有班人一齊跳，何其壯觀，
當日仲有位著到日系可愛造型o既妹妹仔係後面一齊跳，
不過真係好睇身型，見個肥仔跳得幾好都係肉酸。
除左DEA外仲有mai mai同埋Reflec Beat，
身為上一代音Game廚o既我睇今日o既音Game都R晒頭，
睇到Reflec Beat完全唔知點玩，變左1945咁一堆彈幕。
以前d音Game其實主力留意note o既判定線範圍就得，
mai mai o既note係四方八面咁爆出黎，
變相要兼顧o既範圍大左好多，仲要抹mon。
今時今日o既音Game難度越黎越高，
亦脫離左模擬真實樂器o既方向，整到完全唔啦間。
都有諗過重投番音Game，不過又唔想新手乜都唔識亂咁玩，
比人望到好樣衰，想搵日無乜人o既時段閉關修練下，
不過似乎唔可行，呢D新音Game長期都有人跟機，
搞到無機會練習。

編輯同美術部係放勞工假，所以今年亦同復活節假無緣。
番到去全公司得我同馬田兩人，美術總管同senior都請左假，
而編輯部亦一個人都無，即係佢地暗啞底放晒假啦...
我地公司編輯記者一向唔番工都無乜得追究，
可以話出左去發佈會出左去採訪，呢方面管得唔嚴，
只要循例番黎浦下頭就隻眼開隻眼閉。
印廠亦放假所以D稿一早埋晒番到公司都無工作，
都係坐等收工，就吹水，估唔到馬田原來都做過亙動，
亙動呢個基構真係孕育出唔少o既行家...
渣匙o既人話要早走，咁我當然亦閃人啦，
唔通乖乖keep條匙等到7點咩？

番工答地鐵當然拎起P&D轉一餐啦，
點知有個路人走黎問我抽到邊隻寵喎，
然後佢仲教左我D基本o既玩法一路傾到apm，
叫我趁仲係開始玩時重練抽過隻勁D o既寵，
今個禮拜日有神抽活動，較高機率抽到神寵之類。
雖然到告別時都無問大家聯絡方法，
但估唔到區區一隻手機apps，
可以打破人與人之間三唔識七o既隔摸，
可見呢隻Game o既利害之處。

講解一下我暫時理解到o既轉珠原理，
假設你篤住紅珠要將綠珠轉到去左邊：

黑紅綠　(向右以順時針方向轉)
心藍黃　

黑綠紅　向↓
心藍黃　

黑綠黃　向←
心藍紅

黑綠黃　向↑
心紅藍

黑紅黃　(再向下順時針方向轉)
心綠藍

黑綠黃　向←
心紅藍

黑綠黃　向↑
紅心藍

紅綠黃　向→
黑心藍

綠紅黃　(綠珠已經到達左邊)
黑心藍

問題黎啦，咁點樣持續篤住紅珠將綠珠轉到更左邊呢？
再順時針轉都無用，睇下一直響左邊粒黑珠就知。

除左Candy Crush外，P&D亦係近來跑紅o既手機apps，
當然風頭不及Candy，但亦係答lift答車o既常客。
P&D係由開發RO o既公司Gunho製作，
Game入面有RO吉詳物波利系列，屬性相刻系統亦沿用RO，
所以對RO玩家黎講亦有一定o既情義結。
廠方亦積極同唔同o既潮物Cross Over每個禮拜都有活動，
例如較早前用Android公仔，今個禮拜有太鼓之達人，
保持遊戲o既新鮮感keep住玩家，呢方面Diablo3要好好學習啦，
玩上手果然又係有一種講唔出原因o既吸引力，
不愧為近來o既大坑之一，不過轉珠系統真係令我R晒頭，
點解人地可以轉下轉下控制到格幾行o既幾粒珠排位？
上左幾個網包括wiki爬文，係有講遊戲裡唔同o既系統，
但都搵唔到詳盡o既轉珠原理，有無人解釋一下：
點樣令右下角o既珠(緊係唔係手指篤住果粒)扭到上左上角？
衣家都係亂咁轉撞手神轉到o岩o既位，
當然經常時間唔夠失敗左乜野攻擊都發動唔到啦。
如果唔能夠隨心所慾控制到D珠，呢個坑坑唔到我。
其實遊戲應該要整個轉練轉珠o既練習模式，
可以篤住粒珠無限時間移動，令玩家完全明白到轉珠o既原理。
係就係有唔扣スタミナo既無限迴廊，但都係理解唔到。