組海6團見到有妖術開Lv3 o既風精，
(Lv2風精先會將超自然波轉風屬架)
甚至乎有d人開左風精但又唔o禁模式，
(咁咪即係白開白浪費風礦囉)
唔少人都無將地水屬附加點滿，
(+1500%鑽石星塵同大地憤場傷害)
好多人連精靈有乜功能都唔清楚，
玩到三轉都唔識爬下文，
巴哈、天野幻境都有技能詳解。
 

零食店、雜貨店、報攤等都日漸息微，
大型連鎖超市、便利店取而代之，
有時都想固意幫襯一下這些夕陽行業，
可是因為不想袋散子，弄漲銀包，
買一些小東西都習慣用八達通付錢，
尤其是那些東西都不是整數的，
買包媽咪麵2.8元，給10元紙幣，
找回一個五元一個二元和二毛子，
變相錢付了銀包反而變重了。
(同時也是不常光顧茶餐廳的原因)
另一點就是7-11和OK是可以打書釘，
打完書釘內容對了或許會順便買，
總不會打完書釘特地再跑到報攤買吧？
便利店間中可儲印花換東西，
東西夠吸引為儲印花也是幫襯原因，
而且價錢方便連鎖店也沒差，
看來從價錢、方便等小店都輸了，
剩下只有老街坊的情義結支持，
90後的還是會光顧連鎖店，久而久之，
這些弱勢店還是有被淘汰的一天。

又要通宵OT，但係隔離team o既同事仲留響公司，
佢地唔係趕稿，而係打LOL，一路打一路叫，
真係好羡慕，佢遇到智趣相投o既同事，
可以無視尾班車依然留響公司打機，
有D人恨不得早D放工離開公司呢個局促之地，
佢地放左工不但唔走仲要打機打過十二點...
不過我面對排山倒海o既工作，佢地響度play，
心情更加不爽，如果係同事留響公司工作，
有人陪慘都舒服D啦。
 

響觀塘區番工o既人應該明白，
響觀塘區做到飲食業實無死錯人！
lunch時段去十間茶餐廳都可以無位，
再開多十間都收容唔晒果頭D食客。
今日行過觀廣見大快活裝修封住左，
話裝到7月10號先會開番，
即係又小左個大形o既飢民收容所啦，
睇怕呢個禮拜遲小小放lunch o既打工仔，
都唔洗旨意有位坐啦~ /_\
 

最近都小左聽摩星嶺4號，今晚諗住開直播黎聽下，
點知開左一段時間都聽唔到雲海把聲，
再上youtube搵下D重溫，先知呢個節目已經摺左！
咁就聽最尾一集，係phone in聽眾講分享靈異野，
唔少得寒暄幾句個節目唔經唔覺都做左四年之類...
不過真係少左個好節目，人網恐怖在線又摺埋，
呢類節目真係買小見小，仲要係D咁有質素o既主持。