無論老麥定係茶記買薯條都會送茄汁，
我覺得點左茄汁好難食，味道完全唔夾！
感覺好似食D過期薯條腐爛薯條咁，
唔點好食好多，自細到大食薯條都唔點茄汁。
不過拎住舊食物擺落口之前，
的確係做個點醬o既動作自我感覺良好。
尤其是咬左啖有你o既牙齒印，
呢件食物就屬於你o既，將佢浸落D醬汁度，
將呢個屬於你o既領土擴大，全盤醬汁都屬於你o既。
唔怕再有人拎佢舊叉燒點落你碟嗜油度(外來侵略)
就好似D動物要柯尿柯大個範圍霸地盤咁，
滿足生物與生俱來最原始o既佔有慾，
響要答檯o既餐廳前後左右都係陌路人，
而你成功佔領左一個空間，係有莫名o既成就感。
呢個只係純純感覺，三唔識七鬼得閒點你D醬汁咩 XD
如果薯條要點醬點沙律一定好食一百倍！
係咪成本貴好多所以餐廳都只會送茄汁？

講開又講，老麥D麥樂雞送果D醬又係無樣正常！
一味強調點醬o既爽快感(整埋個角色叫點Jack)
但全部醬都難食到嘔，好似喪屍D嘔吐物咁！
可唔可以送番D正常o既醬呀？(例如沙律醬)

Youtube近期流行角度自拍，
低炒慢慢plan番上高炒，醜女變美女，
其實呢個原理我好耐之前就發現，
我諗人人都發現架啦，只係無將佢發揚光大。
尤其是某d場合(如：上堂、坐車)照鏡時，
將個鏡盒舉上黎水平對住自己好異相，
所以都係低炒，由於望鏡個角度要低頭，
呢種程況容易谷到類似有雙下爬(平時無o既)
通常都會覺得樣衰超多...
由此可見拍攝o既角度係幾咁重要，
有d人正面順眼有d人三七面好睇側面唔好睇，
所以自拍係要就最好o既角度，
我facebook有個friend幾百張自拍相，
全部同一角度(仲要同一笑容衣起繃牙都搵唔到)
其實將個頭向後鱷都好易吱到雙下爬出黎，
就算係我識d瘦底friend都一樣會有...

之前個學園event行左五層課室，
然後籃球場東南西北都行晒，
獎勵都只係得一枝綠水或幾千蚊...
仲有個操場中心走出黎...
(咁大隊軍隊行咁耐都行唔晒一個學校籃球場？)
心諗係咪行埋呢個先有大獎，
行到一半，頂！今日個event完左，
有無咁快呀？仲有琴里都未出場！
之前行左咁多層都泡湯！
唉，懶得再行呢d event啦~

呢個星期都喉龍痛，食野果陣乸住乸住，
食朱古力乸得仲痛，不過完全無任何咳喎。
唔知係熱氣定用o既器皿唔乾淨搞到有菌感染，
話說公司用緊個杯經常同一位置出現黑點，
洗乾淨左隔幾日又響同一位置出番...
不過前排亦響公司一日食一包薯片咁滯，
見卡樂B新出魚柳味薯片同埋珍珍香腸味薯片，
咪買黎試下囉，d薯片開左又怕漏風、惹蟻，
所以通常開親都食晒。

有d餐廳會搞d派齌飯活動益下d長者街坊，
只要係長者就可以排隊去拎。
我媽都拎左幾次，不過有次遲左齌飯派晒，
善心職員唔想d長者咁辛苦黎到空手而回，
所以臨時整個個咖喱吉烈豬扒意粉比佢，
一打開，咦？乜唔係意粉咩點解飯黎o既？
食落去先知d飯係用意粉整出黎架！
肉眼睇落去同飯無分別，咬落去滑散散，
完全無飯味，亦無飯果種黏性，
其實感覺係怪怪地，不愧係整開齌o既飯店，
平時都習慣用素食去模仿肉食o既技術，
所以整呢d假野都得心應手。
舊吉烈豬就真係吉烈豬，d咖喱汁就苦苦地。